Connect with us

Lajme nga vendi

Asnjw shqiptar nw njwsitin Tigrat, Vlen me akuza ndaj Xhaferit

Published

on

Nga opozita shqiptare sot kanë kritikuar deklaratat e kryeministrit teknik Talat Xhaferi, i cili në pyetjen se pse edhe pas 43 viteve, në njësinë speciale të policisë “Tigrat” nuk ka asnjë shqiptar, tha se pyetja duhet të adresohet në MPB, e jo në Qeveri. Nga VLEN thonë se BDI kishte dy ministra përgjegjës në MPB, mirëpo kjo çështje ende nuk është zgjedhur.
“Mburret duke shkuar nëpër zyra dhe pretendon kryeministrin e vërtet dhe të drejtën e tij për të vizituar gjithçka, mirëpo kur nuk i përshtatet dhe ose kur nuk ka autoritet të mjaftueshëm, Talat Xhaferi ia hedh topin dhe përgjegjësinë dikujt tjetër. Nëse kjo na qenka kompetencë e ministrisë, atëherë ku ishin ministrat tuaj si Agim Nuhiu e Zemri Qamili, të cilët kishin kompetencën e duhur për këtë çështje, por që nuk iu interesoi aspak çështja e njësisë speciale “Tigrat”, ku për shqiptarët dera vazhdon të mbetet e mbyllur”, tha Blerant Ramadani nga VLEN.
Edhe pas 43 viteve të themelimit ky njësit special i policisë ende nuk ka as edhe një shqiptar. Në arsyetimet e Ministris së Brendshme, për mospërfshirje të shqiptarëve vazhdimisht kanë thënë se konkursi hapet për të gjithë, por pranohen ata që i përmbushin kushtet.Njësiti Special Antiterrorist Tigrat është formuar në kuadër të MPB-së në vitin 1981. Përndryshe, këtë njësit në korrik të vitit 2021 e karakterizuan edhe skandalet me arrestim e pjesëtarëve të kësaj njësie mbi dyshimet për përdorim të drogës. Gjatë kontrolleve që kishte realizuar MPB-ja ishte konstatuar se njëri prej tyre është përdorues droge, ndërsa të tjerët kanë rezultuar negativ në substanca narkotike. Asokohë një numër i pjesëtarëve “Tigri” kishin kërkuar shfrytëzimin e pushimit mjekësor me
qëllim mos nënshtrimin e kontrolleve laboratorike mbi dyshimet për përdorim droge.
Advertisement

Lajme nga vendi

Karvani ekonomik i Durmishit zbarkon në Strugë; Punë, grante dhe shanse për çdo strugan

Published

on

Karvani ekonomik i ministrit të Ekonomisë dhe Punës, Besar Durmishi, ndaloi këtë të shtunë në Strugë, ku bashkë me drejtorin e Agjencisë për Punësim, Selatin Beluli, prezantuan masat e Planit Operativ për Punësim 2025.

Në takimin me struganët, ministri Durmishi theksoi se ky plan është një angazhim i qartë institucional, i mbështetur me 40 milionë euro buxhet, që synon ndërtimin e një tregu pune më të hapur, më gjithëpërfshirës dhe më të ndershëm për të gjithë.

“Ky plan është për ju; për të rinjtë që kërkojnë shansin e parë, për gratë që duan të fuqizohen ekonomikisht dhe për secilin që kërkon mundësi reale për përparim në vendin tonë”, theksoi ministri Durmishi.

Ai u zotua se çdo euro e këtij plani do të kthehet në mundësi konkrete për qytetarët, përmes masave të reja për vetëpunësim, praktikë, subvencione për bizneset dhe mbështetje për grupet më të rrezikuara nga papunësia.

Struga ishte ndalesa e radhës në kuadër të karvanit informues që po zhvillohet në gjithë vendin me qëllim të informimit të drejtpërdrejtë të qytetarëve mbi masat dhe mundësitë që ofron Plani Operativ për Punësim.

Advertisement
Continue Reading

Lajme nga vendi

Sulejmani: Rikthehet dinjiteti për Ansamblin e Këngëve dhe Valleve Popullore, 38 artistë me vendime të përhershme pune

Published

on

Pas vitesh neglizhencë, pa kontrata të rregullta dhe pa mbështetje institucionale, Ansambli i Këngëve dhe Valleve Popullore më në fund po merr trajtimin që i takon. Kështu ka bërë të ditur zëvendësministri i Kulturës, Sedat Sulejmani, i cili njoftoi për një hap të rëndësishëm drejt rivendosjes së dinjitetit të artistëve shqiptarë. “Që nga dita e parë e marrjes së detyrës, kemi punuar me përkushtim për ta zgjidhur këtë padrejtësi. Sot ndihem krenar që një nga zotimet më të rëndësishme për kulturën shqiptare po bëhet realitet”, u shpreh Sulejmani.

Sipas tij, aktualisht 38 artistë të Ansamblit janë të punësuar me vendim të përhershëm, përkatësisht: b9 instrumentistë të orkestrës, 8 këngëtarë, 21 valltarë.

Përveç administratës së rregulluar më parë, ky vendim shënon një kthesë të madhe në trajtimin institucional të artistëve të Ansamblit.

Zëvendësministri Sulejmani theksoi se puna nuk ndalet këtu, pasi prioritet mbetet zgjidhja e statusit për 4 valltarë dhe një defator, të cilët ende nuk janë të përfshirë në vendimet e përhershme, por për të cilët do të bëhet “e pamundura” që shumë shpejt të jenë të barabartë me kolegët e tyre. “Kjo është puna që flet vetë. Kjo është kultura që mbështesim me zemër. Ansambli do të jetë burim krenarie për shqiptarët, kudo që ndodhen”, përfundoi njoftimin Sulejmani.

Continue Reading

Lajme nga vendi

Arrestohet polici nga Gostivari, dyshohet se ka vjedhur 25,000 € dhe ar në vlerë të 50,000 € nga Stacioni Policor

Published

on

Nga Ministria e Punëve të Brendshme njoftojnë se gjatë ditës së djeshme është arrestuar një zyrtar policor nga Gostivari, pasi i njëjti dyshohet se ka vjedhur ar dhe para që ishin sekuestruar gjatë bastisjeve të Policisë. Nga MPB thonë se është arrestuar edhe një person, i cili dyshohet se e ka blerë arin.

“Më 03.07.2025, në orën 17:50, zyrtarët policorë nga SPB Gostivar kanë arrestuar zyrtarin policor D.S. (51) nga Gostivari, për shkak të dyshimeve të bazuara se ka kryer vepër penale sipas nenit 353 dhe 354 – “keqpërdorim i pozitës dhe autorizimit zyrtar” nga Kodi Penal. Ai nga dollapi në Stacionin e Policisë, ku ruheshin gjësendet e marra nga bastisjet, në të cilat kishte marrë pjesë si i punësuar në krim-teknikë në SP Gostivar, ka vjedhur rreth 25.000 euro dhe stoli ari në vlerë prej rreth 50.000 euro. Kontrolli në objektin e Stacionit Policor të Gostivarit u krye nga një prokuror publik nga Prokuroria Themelore Publike Gostivar, në prani të ekipit hetimor dhe udhëheqësisë së SPB Gostivar. Po ashtu, në orën 20:30 në rrugën “18 Nëntori” në Gostivar, zyrtarët policorë nga SPB Gostivar arrestuan I.Sh. (32) nga Gostivari, për shkak të dyshimeve se ka kryer veprën penale “fshehje”, përkatësisht se ka blerë stolitë e arit të vjedhura”, thonë nga MPB.

Continue Reading

Më të lexuarat