Lajme nga vendi
FILLON JAVA GLOBALE E PARAVE 2024: “Mbroni paratë tuaja, mbrojeni të ardhmen tuaj”
Banka Popullore, Ministria e Financave, Komisioni i Letrave me Vlerë, Agjencia për Mbikëqyrje të Financimit Kapital të Sigurimit Pensional, në bashkëpunim me asociacionet dhe institucionet nga sektori privat dhe civil të cilët janë aktive në fushën e edukimit financiar, prej sot e deri më 24 mars, për të dymbëdhjetin vit me radhë, e shënojnë Javën Globale të Parave. Java globale e parave, siç bëri të ditur Banka Popullore, tradicionalisht shënohet përmes ligjëratave dhe publikimit të materialeve edukative nga sfera e financave.
Tema të cilës i kushtohet Java globale e parave këtë vit është: “Mbroji paratë tuaja, mbroje të ardhmen tënde” (Protect your money, secure your future), e cila ka të bëjë me menaxhimin e sigurt me paratë dhe fuqizimin e vetëdijes për rreziqet potenciale në sektorin financiar dhe mbrojtjes së financave personale.
Në kumtesën e Bankës Popullore theksohet se rreziqet e tilla përfshijnë mashtrime financiare, duke përfshirë edhe porosi të dyshimta (fishing), mashtrime gjatë blerjes përmes internetit, si dhe rreziqe lidhur me privatësinë e të dhënave, siç është vjedhja e identitetit.
“Shumë shpesh të rinjtë janë viktima të mashtrimeve financiare, për shkak të qasjes së tyre të vazhdueshme me teknologjitë dhe informim më të ulët për rreziqet e mundshme gjatë shfrytëzimit të teknologjisë bashkëkohore dhe mënyrave bashkëkohore të pagesave për sigurimin e produkteve dhe shërbimeve të reja financiare. Nga aty, tema e Javës globale të parave këtë vit i nxit të rinjtë që të shohin në mënyrë më afatgjate dhe të jenë të kujdesshëm gjatë marrjes së vendimeve financiare dhe shfrytëzimit të teknologjive bashkëkohore”, thuhet në kumtesë.
Në kuadër të shënimit të Javës globale të parave, Banka Popullore do të organizojë shumë ligjërata për nxënësit e shkollave fillore dhe të mesme. Nga Banka Popullore thonë se në mënyrë organizative e mbështet edhe garën kombëtare të Kuizit Evropian të Parave në vitin 2024, i cili do të mbahet gjatë Javës globale të parave. Në suaza ndërkombëtare, Java globale e parave shënohet nga viti 2012, me ndërprerje të vetme në vitin 2020 për shkak të pandemisë, në organizim të Organizatës për Bashkëpunim Ekonomik dhe Zhvillim (OECD). Kjo nismë globale, e cila deri më tani shënohet në më shumë se 176 vende në botë dhe me të cilën janë përfshirë 60 milionë fëmijë dhe të rinj, e ngrit vetëdijen te të rinjtë për edukim financiar dhe njohuritë e tyre për paratë, kursimin, punësimin dhe sipërmarrësinë. Më shumë informacione për Javën globale të parave mund të gjeni në ueb faqen: www.globalmoneyweek.org
Lajme nga vendi
Eurodeputetja greke: Gjuha në Shkup është dialekt bullgar “unë jam maqedonase e vërtetë krenare”, dhe jo “e rreme si banorët e Shkupit”
Eurodeputetja greke Afroditi Latinopuli deklaroi se ajo është një “maqedonase e vërtetë krenare”, dhe jo “e rreme si banorët e Shkupit”.
Ajo mbështeti qëndrimet bullgare për identitetin dhe gjuhën maqedonase, duke thënë se anëtarësimi i vendit në BE “nuk do të ndodhë as në ëndërr”.
“Sot do të flas si maqedonase, sepse jam krenare që jam maqedonase, e vërtetë, dhe jo e rreme si banorët e Shkupit. Ata turpërohen të thonë se çfarë janë. Kemi arritur në një pikë ku nderin e Maqedonisë dhe Greqisë po e mbrojnë bullgarët. Reagimi i tyre është i drejtë, sepse ata e dinë se gjuha aktuale në Shkup është një dialekt bullgar dhe kombësia e tyre është bullgare. Nëse dëshironi paqe dhe marrëdhënie të mira në Ballkan, historia duhet të rishkruhet, përndryshe integrimi në BE nuk do të ndodhë as në ëndrrat e tyre. Maqedonia është një dhe ajo është greke”, deklaroi Latinopuli.
Votimi në Parlamentin Evropian për Raportin për Maqedoninë do të mbahet sot.
Lajme nga vendi
Mickoski: Tani mund t’i themi Evropës se e vërteta doli në pah! Maqedonia mbetet e bllokuar në rrugën evropiane, për shkak të Bullgarisë
Pas miratimit të Raportit për Maqedoninë në Parlamentin Europian, në një konferencë të jashtëzakonshme për media, kryetari i VMRO-DPMNE-së, Hristijan Mickoski, deklaroi se Maqedonia mbetet e bllokuar në rrugën drejt Bashkimit Evropian për shkak të vetos bullgare. Ai tha se megjithëse Bullgaria e ka njohur pavarësinë e shtetit, ajo kurrë nuk e ka njohur gjuhën dhe kombin maqedonas, gjë që edhe sot mbetet pengesa kryesore.
“Maqedonia është e bllokuar në rrugën drejt Evropës nga Bullgaria. Por, ajo bllokadë nuk ka filluar sot, e as nuk do të përfundojë sot. Ajo ka nisur në vitin 1991, kur ndodhi një gjest nga Bullgaria që njohu veçorinë e një shteti, por nuk e pranoi gjuhën dhe kombin. Bullgaria e njohu shtetin tonë, por jo edhe kombin tonë. Disa politikanë është dashur ta kuptojnë se fqiu lindor ka një agjendë ndryshe. Europës mund t’i themi se e vërteta doli në pah. Në sipërfaqe dolën edhe ata që shpiknin për reforma të supozuara dhe për një pakicë bullgare që, gjoja, duhet të futet në Kushtetutë, ndërsa shmangnin thelbin. Ata e dinin shumë mirë se cili ishte thelbi i këtyre kërkesave, të lidhura me propozimin e fundit”, tha mes tjerash Mickoski.
Lajme nga vendi
Valbon Limani bën homazhe për dëshmorët e 9 Korrikut: “Janë ndërgjegje që nuk duhet të harrohen kurrë”
Kryetari i Komunës së Gostivarit, Valbon Limani, ka bërë sot homazhe pranë varrezave të dëshmorëve të 9 Korrikut 1997, duke nderuar kujtimin e atyre që u flijuan për lirinë dhe dinjitetin kombëtar.
“Në këtë vend të shenjtë, ne nuk përulemi vetëm para varreve të dëshmorëve, por para vetë ndërgjegjes sonë kolektive. Dëshmorët janë ndërgjegje që nuk duhet të harrohen kurrë,” u shpreh Limani gjatë fjalës së tij.
Lavdi për Dëshmorët e Flamurit Dr. Shpend Iseini, Nazmi Saliu dhe Milaim Dauti. Ata ranë, tha Limani, për të mos vdekur kurrë – për një ideal që vazhdon të jetojë në zemrat e gjeneratave,
9 Korriku i vitit 1997 është një datë historike dhe sublime për shqiptarët e Gostivarit dhe gjithë Maqedonisë së Veriut – një ditë që përfaqëson përplasjen dramatike midis vullnetit demokratik të shqiptarëve për të afirmuar identitetin e tyre kombëtar dhe dhunës brutale të një shteti që i trajtoi si të huaj në vendin e tyre.
Në qendër të kësaj dite qëndron një simbol – flamuri shqiptar – i cili u ngrit me vendim të ligjshëm, por u rrëzua me forcë, me gjak dhe me dhunë.Tre dëshmorët – Nazmi Saliu, Shpend Iseini dhe Milaim Dauti – nuk u flijuan thjesht për një copë pëlhurë, por për të drejtën e një populli për të jetuar me dinjitet, për të qenë i barabartë dhe për të mos u mohuar më kurrë.
Valbon Limani bën homazhe për dëshmorët e 9 Korrikut: “Janë ndërgjegje që nuk duhet të harrohen kurrë”
Kryetari i Komunës së Gostivarit, Valbon Limani, ka bërë sot homazhe pranë varrezave të dëshmorëve të 9 Korrikut 1997, duke nderuar kujtimin e atyre që u flijuan për lirinë dhe dinjitetin kombëtar.
“Në këtë vend të shenjtë, ne nuk përulemi vetëm para varreve të dëshmorëve, por para vetë ndërgjegjes sonë kolektive. Dëshmorët janë ndërgjegje që nuk duhet të harrohen kurrë,” u shpreh Limani gjatë fjalës së tij.
Lavdi për Dëshmorët e Flamurit Dr. Shpend Iseini, Nazmi Saliu dhe Milaim Dauti. Ata ranë, tha Limani, për të mos vdekur kurrë – për një ideal që vazhdon të jetojë në zemrat e gjeneratave,
9 Korriku i vitit 1997 është një datë historike dhe sublime për shqiptarët e Gostivarit dhe gjithë Maqedonisë së Veriut – një ditë që përfaqëson përplasjen dramatike midis vullnetit demokratik të shqiptarëve për të afirmuar identitetin e tyre kombëtar dhe dhunës brutale të një shteti që i trajtoi si të huaj në vendin e tyre.
Në qendër të kësaj dite qëndron një simbol – flamuri shqiptar – i cili u ngrit me vendim të ligjshëm, por u rrëzua me forcë, me gjak dhe me dhunë.Tre dëshmorët – Nazmi Saliu, Shpend Iseini dhe Milaim Dauti – nuk u flijuan thjesht për një copë pëlhurë, por për të drejtën e një populli për të jetuar me dinjitet, për të qenë i barabartë dhe për të mos u mohuar më kurrë.
Eurodeputetja greke: Gjuha në Shkup është dialekt bullgar “unë jam maqedonase e vërtetë krenare”, dhe jo “e rreme si banorët e Shkupit”
Mickoski: Tani mund t’i themi Evropës se e vërteta doli në pah! Maqedonia mbetet e bllokuar në rrugën evropiane, për shkak të Bullgarisë
Valbon Limani bën homazhe për dëshmorët e 9 Korrikut: “Janë ndërgjegje që nuk duhet të harrohen kurrë”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve