Lajme nga vendi
MPB-ja në selinë e FFM-së, aksion kundër kurdisjes së ndeshjeve
Policia me mbështetjen e Prokurorisë Publike, ka hyrë në selinë e Federatës së Futbollit të Maqedonisë, me qëllim që të mbledhë më shumë informacione për klube dhe zyrtarë që dyshohen për trukime të ndeshjeve të futbollit. Aksioni vjen me rekomandimin e “Sport Radar”, i cili është organ i Interpolit dhe UEFA-s, qëllimi i të cilit është lufta kundër trukimit të ndeshjeve. Veprime të tilla me vite ndodhin në shumë vende të rajonit, por deri më tani nuk kishin ndodhur në Maqedoninë e Veriut. I menjëhershëm ishte reagimi i Federatës së Futbollit të Maqedonisë. Përmes një kumtesë FFM-ja ka shprehur gatishmërinë për bashkëpunim në luftën kundër kurdisjeve të ndeshjeve të futbollit.
“Ministria e Punëve të Brendshme ka kërkuar informacion nga Federata e Futbollit të Maqedonisë, që para së gjithash ka të bëjë me aktet që rregullojnë garën, procesverbalet e ndeshjeve zyrtare në kuadër të garave të organizuara nga FFM-ja, pastaj kalendarin e kampionateve të garave vendore. Në kuadër të kompetencave të saj, të cilat para së gjithash i referohen mbrojtjes së integritetit të garës, FFM-ja bashkëpunon tërësisht me Ministrinë e Punëve të Brendshme dhe autoritetet”, thonë nga Federata e Futbollit të Maqedonisë.
Ndërkohë sipas mediave, në hetim janë përfshirë klubet si FC Shkupi, Makedonija Gjorçe Petrov, Voska Sport, Akademia Pandev (Brera Strumica), Sileksi, si dhe skuadra e Ligës së dytë, Pobeda dhe Arsimi. Bëhet fjalë për ndeshjet që janë zhvilluar në Maqedoni gjatë këtij viti, por dhe vitin e kaluar. Gjashtë vite më parë, 11 persona u arrestuan në një operacion ndërkombëtar policor në Slloveni dhe Kroaci, ndërsa vitin e kaluar, në Serbi, skuadra e Kollubarës u largua nga garat elitare dhe u dërgua në renditje më të ulët./Alsat.mk
Kryeministri i Maqedonisë së Veriut, Hristijan Mickoski, së bashku me kryetarin e Komunës së Tetovës, Bilall Kasami, vizituan sot punimet për rikonstruksionin e shkollës “Kirill Pejçinoviq”, si dhe disa aktivitete ndërtimore në lagjen “Ajduçko Maalo” në Tetovë.
Mickoski theksoi rëndësinë e bashkëpunimit për zhvillimin lokal, duke shtuar: “Le të punojmë për përparimin e Tetovës, për lagjen tënde, për të ardhmen tonë të përbashkët.”
Lajme nga vendi
Mexhiti: Çairi do të ketë Qendrën Rinore, shtëpinë e ideve dhe inovacionit të të rinjve
Kandidati i koalicionit VLEN për kryetar të Komunës së Çairit, Izet Mexhiti dhe kandidati për këshilltar komunal, Ariton Rama kanë prezantuar sot një nga prioritetet kryesore të programit zgjedhor, ndërtimin e Qendrës Rinore, projekt që synon t’u japë të rinjve hapësirën e munguar për zhvillim, krijimtari dhe inovacion.
“Kam kënaqësinë të prezantoj një nga projektet më të rëndësishme dhe më të dashura për mua personalisht, pra një projekt që përfaqëson vizionin tim për një Çair modern, përparimtar dhe të orientuar drejt së ardhmes: Qendra Rinore e Çairit. Çairi ka pasuri të pashtershme rinore, të reja dhe të rinj të talentuar, me potencial të jashtëzakonshëm, që meritojnë më shumë se fjalë: meritojnë mundësi, mbështetje dhe hapësirë për zhvillim. Andaj, ndërtimi i Qendrës Rinore do të jetë një prioritet absolut i mandatit tim si kryetar komune. Ky nuk është vetëm një objekt fizik, por një platformë ku rinia jonë do të mund të mësojë, krijojë, shprehë veten dhe të ndërtojë të ardhmen në mënyrë aktive”, deklaroi Mexhiti.
Kandidati për këshilltar komunal, Ariton Rama në deklaratën e tij përshkroi detajet e pjesëve përbërëse të këtij objekti.
“Qendra Rinore do të jetë e ndërtuar në katër nivele funksionale:
– Bibliotekë dhe sallë ligjëratash për dije, hulumtim dhe ngjarje kulturore.
– Qendër Digjitale me laborator të inteligjencës artificiale, trajnime falas në programim e shkrim-lexim digjital, si dhe hapësirë për start-up-e dhe mentorim rinor.
– Akademi STEM që do të afrojë trajnime në teknologji, shkencë, art dhe matematikë.
– Hapësira për teatër, këshillim dhe aktivitete kreative ku të rinjtë do të shprehen lirshëm dhe pa barriera”.
Mexhiti dhe Rama potencuan se me këtë projekt garantojnë se Çairi do të bëhet qendër e inovacionit, arsimit dhe kreativitetit rinor. Të rinjtë do të kenë vendin ku do të mësojnë, do të zhvillohen dhe do të ndërtojnë të ardhmen e tyre.
Mickoski në Tetovë: Me Kasamin inspektuam projektet infrastrukturore në Tetovë
KASAMI: PUNUAM ME PËRKUSHTIM PËR TETOVËN
Mexhiti: Çairi do të ketë Qendrën Rinore, shtëpinë e ideve dhe inovacionit të të rinjve
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
