Lajme nga vendi
Taravari: Për ne miqësia me SHBA-të është e shenjtë, do të punojmë pareshtur me ta për një Maqedoni të integruar në BE dhe larg ndikimit rus

Kandidati i VLEN-it për president, Arben Taravari sot bashkë me liderët e koalicionit VLEN, mbajti tubimin e fundit në Shkup në sheshin “Skënderbeu”.
Në fjalimin e tij, kandidati i VLEN-it për president, Arben Taravari theksoi se në tubimin e fundit në Shkup, vjen pas shumë takimeve dhe tubimeve anembanë vendit duke përfshirë edhe diasporën dhe se kanë dëgjuar nga afër problemet e qytetarëve me të cilat ballafaqohen tash e 22 vite.
“Po vijmë këtu pas shumë tubimeve dhe takimeve anembanë qyteteve dhe fshatrave të tjera të vendit, ku kemi parë dhe kemi prekur problemet e përditshme të njerëzve tanë. Varfëria dhe mungesa e punës, problemet në klinikat dhe spitalet, mungesa e investimeve dhe subvencioneve, këto janë fatkeqësisht realiteti i popullit tonë pas 22 viteve me qeveri të papërgjegjshme dhe të korruptuar. Po vijmë këtu, edhe pas tubimeve masive në diasporë, ku morëm mbështetje nga ata që ndihmojnë çdo ndryshim pozitiv, nga vëllezërit dhe motrat tona në mërgatë. Po vijmë këtu pas takimeve me Albin Kurtin dhe me shumë miq e vëllezër nga Kosova, të cilët maksimalisht po e përkrahin fitoren tonë. Shumë e madhe është nevoja për ndryshim. Jemi të vetëdijshëm se çfarë detyre na pret. Detyrë sa e rëndë aq edhe fisnike, prandaj dhe u bëmë bashkë që të gjithë si një ALEANCË, me një LËVIZJE të përbashkët, ta japim BESËN, e nën numrin 6 të ofrojmë një ALTERNATIVË që VLEN”, u shpreh Taravari.
Taravari u shpreh se është për një Maqedoni të Veriut e anëtarësuar në Bashkimin Evropian, me miqësi të përhershme me SHBA-të dhe se të veprimet e koalicionit VLEN do të jenë në përputhje të plotë me interesin strategjik të SHBA-ve.
“Si President i Republikës, zotohem se politika ime e jashtme do të jetë e bazuar në vlerat evropiane dhe properëndimore, me synim për anëtarësimin e vendit në Bashkimin Evropian. Këtë do ta arrijmë edhe me përkrahjen e aleatit tonë të përhershëm, pa ndihmën e të cilit nuk do të ishim këtu ku jemi sot – Shtetet e Bashkuara të Amerikës. Për ne miqësia me Amerikën është e shenjtë dhe Koalicioni VLEN është zotuar se çdo hap i yni në vijim, do të jetë në përputhje të plotë me interesin strategjik të SHBA-ve, pra një Maqedoni e Veriut e integruar në BE dhe larg ndikimeve ruse, një Maqedoni e Veriut e shëruar nga epidemia e korrupsionit si parakusht për zhvillim shoqëror dhe ekonomik. Si President i Republikës, zotohem se do të punoj me zell që Maqedonia e Veriut të jetë një shtet i sigurt dhe ta promovojë sigurinë dhe paqen rajonale. Do të kujdesem që të kemi aftësi kredibile mbrojtëse, si pjesë e obligimeve tona në NATO dhe BE”, u shpreh Taravari duke shtuar se do të luftojë ta kthejë besimin te sistemit i drejtësisë duke luftuar korrupsionin dhe do të mbrojë me gjithë qenien e tij demokracinë konsensuale, lirinë e shprehjes dhe sistemin e drejtësisë.
Lajme nga vendi
Kasami: Iniciativa për parkun përkujtimor në Spitalin Modular është në koordinim me familjarët e viktimave

Kryetari i Komunës së Tetovës Bilall Kasami, ka folur për iniciativën për të vendosur pllakë përkujtimore për nder të viktimave në zjarrin tragjik në Spitalin e Tetovës, ndërsa tha se kjo iniciativë sot ka kaluar në Këshillin e Komunës së Tetovës.
Kasami theksoi se iniciativa formalisht ka ardhur nga Ministria e Shëndetësisë, përcjell Telegrafi Maqedoni.
“Do të jem pjesë e kësaj iniciative. Është e përbashkët nga Komuna e Tetovës, Spitalit dhe Ministrisë së Shëndetësisë. Formalisht është dërguar në komunë nga Ministria e Shëndetësisë dhe sot kaloi dhe u miratua nga këshilli komunal”.
“Ministria e Shëndetësisë iniciativën për parkun e ka bërë në bashkëpunim me familjarët. Komunikimi ynë me Ministrinë e Shëndetësisë është se ideja ka qenë në koordinim me familjarët”, tha mes tjerash Kasami.
Ai gjithashtu theksoi se duhet përfundimisht organet e hetuesisë të vendosin drejtësi për zjarrin tragjik më 8 shtator të vitit 2021.
“Organet e hetuesisë të tejkalojnë presionet politike që mund të kenë qenë në të kaluarën, dhe procesi për spitalin modular të vazhdojë në drejtim të zbardhjes së fajtorëve të vërtetë të tragjedisë, e cila nuk duhet të përsëritet. Nëse drejtësia nuk vjen në vend, rrezikojmë që këto raste të na përsëriten”, tha Kasami.
Lajme nga vendi
Gashi: Zgjedhjet do të shpallen në afatin e fundit, duhet të mbërrijmë afatet për zgjedhjen e Avokatit të Popullit dhe kreut të Anti-korrupsionit

Kryetari i Kuvendit Afrim Gashi, sot ka folur për afatet për shpalljen e zgjedhjeve lokale, si dhe zgjedhjen e Avokatit të Popullit dhe kryetarin e Komisionit për Parandalimin e Korrupsionit.
Ai tha se pret që zgjedhjet lokale të shpallen në afatin e fundit ligjor.
Jemi në afat të ngushtë për zgjedhjen e Avokatit të Popullit dhe kryetarit të Komisionit për Parandalimin e Korrupsionit, kështu që do të shohim që të shpallim zgjedhjet në afatin e fundit ligjor”.
““Për shkak të kësaj që e tash pak më herët në lidhje me afatet që zgjasin për Avokatin e Popullit dhe kryetarit të Anti-korrupsionit, po mundohemi që t’i mbërrijmë të gjitha afatet, të mos biem ndesh me afatin e shpalljes së zgjedhjeve , prandaj ende nuk e kemi definuar saktë datën, po kjo do të jetë me siguri në pjesën e parë të muajit gusht, që të arrihet afati për zgjedhjet”, u shpreh Gashi.
Lajme nga vendi
Këshilli i Komunës së Tetovës votoi ndryshimin e buxhetit, do të jetë më i madh për tre milionë euro

Këshilli i Komunës së Tetovës në seancën e sotme të 54-t votoi ndryshimin dhe plotësimin e Buxhetit të Komunës së Tetovës për vitin 2025, me çka rritet vlera për rreth tre milionë euro. Bëhet fjalë për mjetet e mara nga “kredia hungareze”, të cilat janë të dedikuara për projekte kapitale.
“Është paraparë që të përfundojë bulevardi ‘Vidoe Smilevski – Bato’ deri në destinacionin final sipas projektit ndërsa ajo është deri në hyrje të fshatit Poroj. Parashihet ndërtimi i një pjese të infrastrukturës rrugore në fshatrat Xhepçisht dhe Reçicë e Madhe. Një nga projektet më të mëdha, në kuadër të programit zhvillimor është njëjtë ndërtimi i edhe një ndërtese komunale në afërsi të ndërtesës ekzistuese, ku më herët ishin barakat e inspektoratit komunal. Ka edhe projekte të tjera më të vogla”, deklaroi Bilall Kasami, kryetar i Tetovës.
Këshilltarët tetovarë dhanë leje për ndërtimin e Parkut Përkujtimor në rrethin e Spitalit Klinik të Tetovës, në shenjë të kujtimit të viktimave në zjarrin në spitalin modular, nismë e përbashkët e koordinuar e Komunës, Ministrisë së Shëndetësisë dhe familjeve të të vdekurve.
Këshilli mori vendim për pranimin e donacionit, ndarjen e ndihmës financiare për individë dhe vendim për përcaktimin e nevojës së zgjerimit të dokumentacionit urbanistik planor me qëllim të përfshirjes së objekteve të paligjshme.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve