Lajme nga vendi
Plani strategjik i VLEN-it
Në mbrëmjen e 24 prillit, teksa Fronti Evropian i udhëhequr nga BDI-ja përhapte triumfalizëm, provokonte para selisë së VLEN-it, për shkak të diferencës prej 37 mijë votash në favor të tyre, liderët e opozitës shpallën fitoren me narrativën se ata janë përfaqësuesi i vetëm legjitim i shqiptarëve.
Ata drejtpërsëdrejti theksuan se dallimi është rezultat i blerjes së votave të bashkësive më të vogla etnike dhe familjeve maqedonase të rrezikuara shoqërore. Ajo që tërheq vëmendjen është teza e Izet Mexhitit në postimin e tij në Facebook se gjithçka po shkon sipas planit dhe se VLEN po hyn në fazën tjetër të strategjisë për fitoren finale më 8 maj. Duke pasur parasysh se Mexhiti ishte nënkryetar i BDI-së dhe e di shumë mirë se si funksionojnë makineritë e tyre, ne u përpoqëm të hetojmë se çfarë parasheh plani strategjik i VLEN-it. Gjegjësisht, një javë para raundit të parë të zgjedhjeve presidenciale, strategët e fushatës së Arben Taravarit thuhet se kanë vendosur të ndryshojnë taktikë. Ndonëse kanë fshehur kontigjente votuesish që kanë shprehur vullnetin për të votuar Taravarin më 24 prill, vlerësimi është se nëse do të dilnin në pah në raundin e parë, do të binin pre e BDI-së, që do t’i bënte presion me instalimet dhe kërcënimet e tyre policore kundër familjeve të tyre për t’i votuar më 8 maj. Kështu ata zgjodhën taktikën e “syve të rremë”.
Për shkak se me kandidimin e Osmanit, BDI-ja me vetëdije punoi kundër mundësisë që me mbështetjen e tyre Taravari të hynte në raundin e dytë të zgjedhjeve presidenciale, vendosën të bëjnë “game change”. Për të mos vënë në pikëpyetje fitoren në zgjedhjet parlamentare, me vetëdije i dhanë krye BDI-së. Sipas burimeve të larta në opozitën shqiptare, kjo i jep atyre një avantazh në disa drejtime. Së pari, ata nuk i rrezikuan votuesit dhe mbështetësit e tyre që kanë besim tek ata, së dyti, zbuluan se në cilat mjedise sociale BDI i dëboi votuesit me metoda jodemokratike, së treti i japin BDI-së një perceptim të rremë të brendshëm se ata kanë përparësi. Tani selia e VLEN-it e di saktësisht se ku duhet të veprojë, për të bërë një kthesë dhe për të tronditur BDI-në dhe partnerët e tyre të koalicionit më 8 maj.
Kryetari i Komunës së Tetovës dhe njëri nga liderët e VLEN-it, Bilall Kasami, ka uruar medresantët për zgjidhjen e problemit shumëvjeçar me njohjen e diplomave të Medresesë, duke e cilësuar këtë si një hap historik drejt barazisë dhe drejtësisë në arsim.
“Sot, Qeveria e VLEN-it miratoi Propozim Ligjin për Shkollat e Mesme të Komuniteteve Fetare, i cili garanton që diplomat e Medresesë të trajtohen njësoj si diplomat e çdo shkolle tjetër të mesme në Maqedoninë e Veriut.Kjo është një fitore për të gjithë medresantët, për komunitetin besimtar dhe për të gjithë ata që besuan në ndryshim”, shkruan Kasami në Facebook.
Ai shton se Qeveria VLEN vazhdon të dëshmojë përkushtimin ndaj qytetarëve në çdo sferë e çdo nivel të pushtetit. Premtimet nuk mbesin fjalë, por shndërrohen në vepra konkrete.
Deputeti i VLEN Adnan Azizi në postimin e tij në Facebook ka përgëzuar miratimin e ligjit për shkollat e mesme fetare.
Azizi ka theksuar se VLEN premtoi dhe realizoi – tashmë diplomat e Medresesë “Isa Beu” në Shkup do të pranohen si të barabarta me diplomat e shkollave të tjera të mesme në Maqedoninë e Veriut.
Në reagimin e tij, ai e ka quajtur këtë një fitore të madhe për shqiptarët, për besimtarët dhe për të gjithë ata që janë të përkushtuar ndaj dijes fetare dhe lirisë së besimit. Azizi nënvizoi se miratimi i Propozim Ligjit për Shkollat e Mesme të Komuniteteve Fetare nga ana e Qeverisë është një hap historik dhe drejtësi e vonuar për breza të tërë që u diskriminuan padrejtësisht për më shumë se dy dekada.
“Ky vendim është edhe një goditje ndaj atyre që 22 vite mashtruan dhe manipuluan me ndjenjat fetare, atyre që nga njëra anë kërkonin votën e besimtarëve, dhe nga ana tjetër i etiketonin si terroristë”, – ka shkruar ai.
Mbi 400 pjesëmarrës nga treva të ndryshme të vendit, Kosovës dhe alpinistë dhe mërgimtarë morën pjesë në Marshin e Parë Promovues, të organizuar nga Klubi Malor “Skardus” në fshatin Dobrosht. Ky aktivitet shënoi një moment të veçantë për këtë fshat sepse nëpërmjet natyrës, traditës dhe mikëpritjes bëri bashkë alpinistët dhe jo vetëm. Kryetari i Unionit të Shoqatave Bjeshkatare, Fari Rexhepi, theksoi se ky union luan një rol të veçantë në promovimin e bukurive natyrore të vendit dhe është përkrahës i shoqatave bjeshkatare të cilat poashtu lidhin adhuruesit e natyrës me natyrën tha Fari Rexhepi.
Të pranishëm ishin anëtarë të shumtë të shoqatave të ndryshme bjeshkatare nga vendi, të cilat promovojnë bukuritë natyrore të vendit tonë. Këto shoqata, të cilat funksionojnë nw bazw të plan programeve, ndikojnë në rritjen e numrit të bjeshkatarëve dhe adhuruesve të natyrës.
Fatmir Sulejmani – “Sytë e Sharrit”
Qerim Abazi – Kryetar i Shoqatës Malore “Sharri” Gostivar
Evzal Elmazi, drejtor i Parkut Nacional Mali Sharr, theksoi se kjo iniciativë është për tu përshëndetur dhe shpreson që do të ngelë traditë që do të organizohet edhe vitet e ardhshme. Elmazi deklaroi se do i përkrahin maksimalisht iniciativat e tilla.
Evzal Elmazi Rojtari i Zonave të Mbrojtura,
Fariz Farizi, apeloi që qytetarët të kenë kujdes në këtë periudhë të nxehtë, të shmangin zjarret dhe të respektojnë masat e qeverisë.
Fariz Farizi – Rojtar i Zonave të Mbrojtura
Ndryshe, Pjesëmarrësit përshkruan një distancë prej 8.5 km vajtje-ardhje, me një disnivel prej 530 metrash, duke ofruar një rrugëtim të këndshëm dhe energjik në natyrën e mrekullueshme të Dobroshtit.
Kasami: Pas dekadash padrejtësie dhe diskriminimi, drejtësia u vu në vend
Azizi: Urime, diplomat e Medresesë të barabarta me të gjitha shkollat e mesme
Klubi Malor “Skardus” organizoi Marshin e Parë Promovues (video)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve