Connect with us

Lajme nga vendi

Detaje nga vrasja e dyfishtë në Kratovë: Përfundimi tragjik shkaktoi dhunë në familje prej vitesh

Published

on

Rastet e dhunës në familje i kanë paraprirë vrasjes së dyfishtë në Kratovë. Prej disa vitesh ka pasur disa denoncime nga 36-vjeçarja V.I., e cila tashmë dyshohet se ka vrarë me sende të mprehta bashkëshortin dhe vjehrrin. Ajo ka bërë denoncime, por edhe kundër saj. Vrasja është kryer me thikë.

MPB njofton se policët në Kratovë kanë arrestuar mbrëmjen e djeshme një grua 36-vjeçare, e cila dyshohet se ka vrarë me mjet të mprehtë bashkëshortin dhe vjehrrin e saj.

“Me datë 13.06.2024, në ora 22:08, zyrtarët policorë të SPB Kratovë kanë privuar nga liria V.I.(36) nga Kratovë. Ajo dyshon se në shtëpinë e familjes në Kratovë ka sulmuar bashkëshortin e saj J.I (38) dhe babain e tij S.I.(63), të cilët kanë ndërruar jetë. Sipas udhëzimeve të prokurorit publik, trupat e të ndjerit janë dorëzuar për obduksion”, njofton MPB.

Gruaja është arrestuar dhe mbajtur në komisariat dhe pas dokumentimit të plotë të rastit ndaj saj do të bëhet kallëzimi përkatës.

Lajme nga vendi

Prokuroria hap hetim ndaj tre personave për tentativë vrasjeje në Shkup

Published

on

Prokuroria ka hapur hetim ndaj tre personave të cilët dyshohet se kanë dashur të mbysin një person tjetër

“Prokurori Publik i Prokurorisë Themelore Publike në Shkup lëshoi ​​një Urdhër për të zhvilluar një procedurë hetimore kundër tre personave të cilët dyshohen se për kryerjen e veprës penale “tentim vrasje”

dyshuar për tentativë për të kryer një vepër penale si bashkëpunëtorë – Vrasje.

Të dyshuarit, dy vëllezër dhe i njohuri i tyre, me dashje u përpoqën t’i merrnin jetën një personi dhe rrezikuan jetën e dy të tjerëve. Ata e kryen krimin para një klubi fitnesi në Çair, më 1 qershor në mbrëmje.

Incidenti filloi si një grindje verbale në të cilën ata shkëmbyen fyerje dhe sharje, dhe vazhdoi me një përleshje fizike, dhe në një moment i dyshuari i parë nxori një thikë dhe e goditi të dëmtuarin në gju, bark dhe gjoks. Lëndime u shkaktuan edhe dy të dëmtuarve të tjerë të cilët u përpoqën t’i ndanin dhe t’i ndihmonin të plagosurit”, thuhet në njoftimin e Prokurorisë.

Advertisement

Nga atje shtojnë se prokurori publik i paraqiti gjykatësit të procedurës paraprake një propozim për caktimin e paraburgimit për të tre të dyshuarit.

Continue Reading

Lajme nga vendi

Sela: Aleanca për Shqiptarët është për 8 njësi zgjedhore!

Published

on

Edhe pse janë në koalicionin Fronti Europian, Aleanca për Shqiptarët e Selës ka një qëndrim krejtësisht të ndryshëm nga ai i BDI-së lidhur me nismën për një njësi zgjedhore. Kryetari i partisë, Ziadin Sela, vazhdon me qëndrimin e tij të mëhershëm se për ata të pranueshme janë vetëm 8 njësi zgjedhore. Një njësi zgjedhore është në dëm të shqiptarëve, tha ai.

“Ne jemi kundër një njësie zgjedhore, jemi për 8 njësi zgjedhore, se është e studiuar dhe do të sillte zhvillim. Jemi kundër një njësie për shkak të rrethanave demografike që kemi, jemi kundër për shkak se asnjë subjekt politik shqiptar nuk ka shtrije në të gjithë territorin e Maqedonisë së Veriut dhe si e tillë është e dëmshme dhe vetëm mund të çonte në zvogëlim të numrit të deputetëve shqiptarë. Jemi për lista të hapura. Jemi për diasporën që të votojë me postë prej shtëpisë së tyre atje ku jetojnë dhe ta dërgojnë votën me postë këtu të numërohet”, tha Ziadin Sela

Çështja është biseduar edhe në VLEN, tregoi Billall Kasami, duke shtuar se po shqyrtojnë nëse do ta mbështesin idenë për një, tre ose tetë njësi zgjedhore. Kjo mund të ketë implikime ndëretnike, sepse me një njësi zgjedhore duhet të ketë garanci që nuk do të vijë deri te shtrembërimi i realitetit etnik, tha Kasami.

“Kjo mund të ketë edhe implikime ndëretnike, sepse me një njësi zgjedhore sigurisht që duhet të ketë garanci që në të gjithë territorin e Maqedonisë së Veriut do të mund të ruhet vota dhe nuk do të mund të ketë deformime të realitetit etnik të përfaqësimit në Kuvend. Pra duke i marrë parasysh të gjitha këto aspekte. Ne jemi duke ndërtuar qëndrimin tonë se a do të jemi për një njësi zgjedhore, për tre apo për tetë”, deklaroi Bilall Kasami. (Tv21)

Continue Reading

Lajme nga vendi

ASH: Përfaqësimi disproporcional edhe në Ministrinë e Mbrojtjes – Nga 120 punësime, vetëm 14 shqiptarë

Published

on

Aleanca për Shqiptarët shpreh shqetësimin e saj të thellë lidhur me të dhënat e fundit qe vijne nga Ministria e Mbrojtjes, të cilat dëshmojnë për një përjashtim të qartë dhe të pajustifikueshëm të shqiptarëve nga përfaqësimi institucional.

Nga gjithsej 120 vendime për emërime në pozita të nënoficerëve, vetëm 14 janë shqiptarë. Një përfaqësim i tillë jo vetëm që nuk pasqyron realitetin demografik të vendit, por përbën një precedent të rrezikshëm drejt përjashtimit sistematik të shqiptarëve nga institucionet shtetërore, përfshirë edhe ato të sigurisë kombëtare.

Ky zhvillim nuk është rastësi administrative, por vazhdimësi e një politike diskriminuese që, fatkeqësisht, po zbatohet nën petkun e reformave dhe premtimeve për barazi. Ajo që po ndodh është një prirje e rrezikshme drejt margjinalizimit të shqiptarëve nga vendimmarrja dhe strukturat shtetërore.

U bëjmë thirrje përfaqësuesve të koalicionit VLEN dhe drejtuesve institucionalë që të ndalin menjëherë këtë politikë përjashtuese dhe të rikthejnë respektimin e përfaqësimit të drejtë dhe proporcional, ashtu siç e përcakton Kushtetuta dhe siç e imponon realiteti shumëetnik i vendit.

Shqiptarët nuk janë 10% e popullsisë, siç pasqyrohet në këtë rast dhe në shumë raste të tjera të ngjashme. Ata përbëjnë 29.52% të qytetarëve të këtij shteti, sipas të dhënave zyrtare. Çdo përpjekje për të mohuar këtë realitet është e papranueshme dhe cenon rëndë legjitimitetin e përfaqësimit shtetëror.

Advertisement

Aleanca për Shqiptarët do të vazhdojë të ngrejë zërin dhe të veprojë në mbrojtje të barazisë, përfaqësimit të drejtë dhe të dinjitetit të çdo qytetari shqiptar në Republikën e Maqedonisë së Veriut.

Rruga që ndoqi Aleanca për Shqiptarët, duke braktisur një qeveri monoetnike dhe duke refuzuar të qëndron si suvenirë i VMRO-DPMNE-së, është e drejtë. Koha po e dëshmon për çdo ditë se veprimi ynë ishte i duhur, i sinqertë dhe në interes të shqiptarëve.

Aleanca për Shqiptarët – ASH

Continue Reading

Më të lexuarat