Pas dënimit të 38-vjeçarit për shkak të flamurit me mbishkrimin autokton dhe hartën e Shqipërisë së Madhe, zv. kryeministri Izet Mexhiti thekson se gjykatat nuk janë në nivelin e duhur, duke shtuar se nuk dënojnë kur duhet, ndërsa nuk duhet e teprojnë.

Mexhiti tha se nuk mund të barazohen thirrjet raciste të Kumanovës me thirrjet gjatë ndeshjes mes Shkëndisë dhe Karabakut, ndërsa bëri apel të ndalohet me gjuhën e urrejtjes.

“Sa e di është ngritur aktpadi edhe ndaj rastit në Kumanovë. Edhe njëherë bëj thirrje të respektojmë vlerat e njëri-tjetrit, t’u ikim sa më larg thirrjeve raciste, ksenofobe.

Po duhet ta kemi parasysh se gjyqësia nuk është në nivelin e duhur të detyrës. Shpesh herë aty ku duhet nuk vepron, aty ku s’duhet e tepron. Mirëpo është me rëndësi që institucionet ishin njëzëri që pa marrë parasysh nga kush vijnë thirrjet raciste, ksenofobe duhet të dënohen dhe këtë rast edhe çështja që nuk mund të barazohet, sepse thirrjet në Kumanovë plotësisht raciste dhe antishqiptare”, tha Izet Mexhiti./Alsat/

Brenda vetëm 45 ditëve dhe në një kohë rekord janë realizuar mbi 1.250 punësime në 85 institucione publike shëndetësore në mbarë vendin, si pjesë e procesit strategjik për fuqizimin e burimeve njerëzore në sistemin shëndetësor.
Deri në këtë moment, në kuadër të procesit janë kryer mbi 1.700 testime.
“Kjo është një forcim i rëndësishëm dhe historik i kuadrit në një kohë rekord në sektorin e shëndetësisë – një motivim shtesë, dhe një zgjidhje përfundimtare për statusin e të gjithë atyre personave që për vite me radhë nuk kishin siguri, sigurim shëndetësor, marrëdhënie formale pune dhe ishin nën stres të vazhdueshëm. Tani, me këtë hap, kanë fituar një vend të dinjitetshëm në sistem,” tha ministri Aliu.
Me këtë stabilizim të kuadrit, Ministria e Shëndetësisë dërgon një mesazh të fortë për kujdes të vazhdueshëm dhe investim në kapitalin njerëzor, si parakusht për shërbime shëndetësore më cilësore për të gjithë qytetarët.

Për të lehtësuar paraqitjen e ankesave nga qytetarët, shoqata Inxhinierët e Maqedonisë informon se është hartuar formular për raportimin e një shkeljeje në rastet kur përdoruesve nuk u ofrohet qasje vizuale në orëmatësit e rrymës, transmeton Portalb.mk.

“Bazuar në përgjigjen zyrtare të marrë nga Ministria e Energjisë, Minierave dhe Burimeve Minerale, shoqata Inxhinierët e Maqedonisë ka hartuar një formular për paraqitjen e një ankese në Inspektoratin Shtetëror për Energjinë, Minierat dhe Burimet Minerale, i cili mund të përdoret nga çdo qytetar që beson se e drejta e tij për qasje vizuale në orëmatësit e tij të energjisë elektrike është shkelur”, thotë shoqata, duke shtuar se kushdo i prekur mund ta shkarkojë formularin, ta plotësojë dhe ta dorëzojë atë elektronikisht ose me postë.

Ata shtojnë se ky inspektorat është përgjegjës për kryerjen e inspektimeve në rastet kur operatori i sistemit të shpërndarjes së energjisë elektrike (EVN Maqedoni) nuk ofron qasje në pajisjen matëse.

“Kjo përbën shkelje të nenit 164 paragrafi (1) pika 19 të Ligjit për Energjetikë. Njëkohësisht, kjo kundërvajtje sanksionohet me gjobë prej 1.000 deri në 3.000 euro në kundërvlerë denarë në përputhje me nenin 286 të të njëjtit ligj”, thonë “Inxhinierët e Maqedonisë”.

Kujtojmë se disa muaj më parë, “Inxhinierët e Republikës së Maqedonisë” (IRM) kërkuan të futet leximi i detyrueshëm mujor i orëmatësve aktualë të rrymës.

Advertisement

Nga atje thanë se Komisioni Rregullator për Energjetikë (KRRE) duhet të ndryshojë rregullat për furnizim me energji elektrike dhe të vendosë leximin e detyrueshëm mujor të orëmatësit.