Connect with us

Lajme nga vendi

Adina Osmani nga Universiteti i Tetovës, fituese e çmimit “Unaza Inxhinierike”

Published

1 year ago

on

Rektori i Universitetit të Tetovës Prof. Dr. Jusuf Zejneli dhe dekani i Fakultetit të Shkencave
të Zbatuara Prof. Dr. Enis Jakupi, më 11 korrik 2024 morën pjesë në evenimentin e Unazës
Inxhinierike që u organizua nga Institucioni Inxhinierik i Maqedonisë së Veriut dhe Asociacioni i Shoqatave të Inxhinierëve. Këtij aktiviteti, për herë të parë i është bashkuar edhe Fakulteti i Shkencave të Zbatuara i Universitetit të Tetovës.
Unaza Inxhinierike është çmim që u jepet studentëve të diplomuar në Republikën e
Maqedonisë së Veriut me notë mesatare më të lartë, ndërsa këtë vit, Komisioni për verifikimin e dokumenteve të kandidatëve të nominuar për çmimin e Unazës Inxhinierike, ka përzgjedhur edhe studenten e Universitetit të Tetovës, Adina Osmani nga programi studimor Inxhinieria e Komunikacionit – Transportit në Fakultetin e Shkencave të Zbatuara, si një ndër fitueset e Unazës Inxhinierike, bashkë me 14 kandidatë të tjerë.
Institucioni Inxhinierik i Maqedonisë së Veriut, është organizata më e madhe dhe më e
vjetër që i bashkon inxhinierët nga të gjitha disiplinat, duke ndjekur angazhimet e tyre për t’u përballur me sfidat – përmirësimin e klimës sociale për inxhinierinë dhe inkurajimin e të rinjve për të zgjedhur një profesion në inxhinieri. Nga viti 2003 kjo organizatë ka qenë zëri i inxhinierisë mes të rinjve, e cila vendos për ndarjen e Unazës Inxhinierike. Shtatë vjet më vonë, këtij misioni i bashkohet edhe Dhoma e Arkitektëve dhe Inxhinierëve të Autorizuar në bashkëpunim me Presidentin e vendit, në një manifestim që tradicionalisht mbahet në Ohër, ndërsa këtë vit pjesë e këtij eventi ishte edhe Fakulteti i Shkencave të Zbatuara i UT-së.
Në këtë manifestim ishin të pranishëm shumë personalitete si Ministri i Arsimit, rektorët
dhe dekanët e të gjitha fakulteteve dhe universiteteve pjesëmarrëse në eveniment.

Related Topics:
Advertisement

Lajme nga vendi

Bilall Kasami sot zyrtarisht shpall kandidaturën për mandatin e dytë në Komunën e Tetovës

Published

13 hours ago

on

August 1, 2025

By

̈ ̈: ̈ ’ ̈̈ !
Të nderuar qytetarë të Komunës së Tetovës,
Kur e mora drejtimin e Tetovës në vitin 2021, e gjeta një komunë të zhytur në borxhe prej 24 milionë eurosh, me llogari të bllokuara, me grumbuj mbeturinash, me jetë kulturore e sportive të shuar, me shumë krim, me infrastrukturë të rrënuar dhe punonjës fiktivë.
Në katër vite punë, misioni ynë ishte ta ndalim këtë degradim dhe ta kthejmë komunën në rrugën e duhur. Rikthyem funksionimin normal të administratës, transformuam ndërmarrjet komunale dhe hodhëm hapat e parë të zhvillimit. Nuk e humbëm mandatin duke u ankuar për trashëgiminë e keqe që na u la, por u përballëm me sfidat dhe vepruam.
Pavarësisht vështirësive, 4 vite na mjaftuan për ta kthyer Tetovën në rrugën e duhur, por jo për ta ndërtuar atë sipas vizionit tonë të plotë. Prandaj, sot zyrtarisht shpall kandidaturën time për mandatin e dytë në Komunën e Tetovës.
Në mandatin e parë shpëtuam Tetovën, në mandatin e dytë do ta ndërtojmë atë. “Tetova Evropiane” ishte ëndrra jonë. Themelin e saj e vendosëm në vitet 2021–2025. Tani është koha për ndërtimin e saj të plotë në periudhën 2025–2029.
Të dashur qytetarë, ju e dini se kam qeverisur gjithmonë së bashku me ju. Komuna ka qenë e hapur për të gjithë. Vizioni është ndërtuar bashkërisht. Tetova është amaneti ynë më i madh dhe ne nuk mund ta lejojmë që ajo të kthehet atje ku ishte.
̈ ̈ ̈, ̈ ’ ̈̈ ̈ ̈!
Continue Reading

Lajme nga vendi

VLEN publikon listën e kandidatëve për zgjedhjet lokale

Published

14 hours ago

on

August 1, 2025

By

Sot, kryesia qendrore e koalicionit VLEN mbajti mbledhjen e radhës, ku ndër temat kryesore ishte diskutimi për përgatitjet për zgjedhjet e ardhshme lokale, raporton SHENJA.

Në një konferencë për shtyp nga VLEN theksojnë se prioritet mbetet përzgjedhja e kandidatëve më të pranuar për qytetarët, duke u përqendruar në figura që do të jenë në funksion të interesave lokale dhe zhvillimit komunal.

Pas diskutimeve, kryesia ka miratuar listën e mëposhtme të kandidatëve për kryetarë komunash:

Tetovë: Bilall Kasami

Çair: Izet Mexhiti

Advertisement

Strugë: Mendi Qyra (kandidat i pavarur)

Kërçovë: Fatmir Limani

Dibër: Fisnik Mela

Shkup: Bashkim Bakiu

Saraj: Muhamed Elmazi

Advertisement

Likovë: Nexhmedin Sadiku

Haraçinë: Daut Beqiri

Zhelinë: Blerim Sejdiu

Tearcë: Daut Memishi

Bogovinë: Feti Abazi

Advertisement

Bërvenicë: Haqim Ramadani

Dollnen: Blerim Islami

Nga VLEN gjithashtu është bërë e ditur se ende nuk ka një vendim përfundimtar për kandidaturat në komunat e Gostivarit, Vrapçishtit, Studeniçanit dhe Çashkës, ndërsa vendimet për këto pritet të merren në ditët në vijim.

Continue Reading

Lajme nga vendi

Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente

Published

15 hours ago

on

August 1, 2025

By

Adoleshenti që u lëndua gjatë aksidentit të djeshëm është në gjendje të qëndrueshme dhe po trajtohet në shtëpi. Trupat e tre viktimave janë dërguar në Institutin e Mjekësisë Ligjore dhe pas autopsisë do t’i dorëzohen familjarëve për varrim, bëjnë të ditur nga Spitali i Tetovës.

Aksidenti i djeshëm ndodhi si pasojë e humbjes së kontrollit nga drejtuesi i mjetit Opel Astra, njoftojnë nga Sektori për Punë të Brendshme i Tetovës. Informacione shtesë për shkaqet që çuan në humbjen e kontrollit priten nga mjekësia ligjore dhe prokuroria. Por sipas të dhënave fillestare, nga ajo që shihet në video-incizimet e kamerave të sigurisë, dyshohet se drejtuesi mund të ketë pësuar sulm në zemër.

Nga SPB Tetovë thonë se që nga fillimi i vitit 2025, në rajonin që mbulohet prej tyre, nga aksidentet rrugore kanë humbur jetën tetë persona. Po aq viktima ka pasur edhe gjatë vitit 2024.

Continue Reading

Më të lexuarat