Lajme nga vendi
5.601 persona kanë hequr dorë nga nënshtetësia e RMV-së në pesë vitet e fundit, a mund ta kthejnë të njëjtën?
Vende të ndryshme kanë rregulla të ndryshme për marrjen e shtetësisë. Disa lejojnë mbajtjen e dy ose tre pasaportave, e disa të tjera jo. Shkas për trajtimin temës së kthimit të nënshtetësisë së Maqedonisë së Veriut u bë vendimi i Gjermanisë për lejimin e dyshtetësisë, e cila deri para pak kohësh insistonte në shtetësi ekskluzive. Si rregull, një i huaj mund të bëhej gjerman nëse hiqte dorë ose humbiste shtetësinë paraprake. Megjithatë rrethanat ndryshojnë, ashtu sikurse në këtë rast, ndërsa qytetarët ngrenë pikëpyetjen, a mund ta kthejnë shtetësinë e Maqedonisë së Veriut pas ndryshimit të rrethanave apo ligjeve të vendit përkatës? Portalb.mk pyeti MPB-në për këtë çështje dhe përgjigjja është: PO. Por si dhe kur?
Sipas MPB-së, personat që heqin dorë nga shtetësia e Maqedonisë së Veriut, nuk mund të parashtrojnë menjëherë kërkesë për kthim të së njëjtës, por për ta bërë këtë, duhet të kalojë një periudhë e caktuar kohore.
“Qytetarët e Republikës së Maqedonisë së Veriut të cilët kanë marrë vendim për heqjen e shtetësisë së Republikës së Maqedonisë së Veriut, pas 3 vjetësh nga data e pranimit të vendimit për heqjen e shtetësisë, mund të paraqesin kërkesë personale për kthimin e shtetësisë sipas Nenit 8 të Ligjit për shtetësinë e Republikës së Maqedonisë së Veriut”, thuhet në përgjigjen e MPB-së.
Ligji për shtetësinë e Republikës së Maqedonisë së Veriut rregullon mënyrën dhe kushtet për fitimin dhe heqjen dorë nga shtetësia e Republikës së Maqedonisë së Veriut, përcaktimin e shtetësisë, organin kompetent shtetëror për zgjidhjen e këtyre rasteve, vërtetimin e shtetësisë dhe mbajtjen e evidencës së qytetarëve të Republika e Maqedonisë së Veriut.
Kërkesa për nxjerrjen, heqjen ose përcaktimin e shtetësisë së Republikës së Maqedonisë së Veriut dorëzohet në Ministrinë e Punëve të Brendshme sipas vendbanimit të personit ose, nëse personi jeton jashtë vendit, në përfaqësinë diplomatike-konsullore të Republikës së Maqedonisë së Veriut jashtë vendit.
“Qytetarët e Republikës së Maqedonisë së Veriut të cilët kanë paraqitur kërkesë për lirim nga shtetësia e Republikës së Maqedonisë së Veriut, gjatë procedurës mund të heqin dorë nga kërkesa për lirim nga shtetësia në pajtim me nenin 54 paragrafi 1 të Ligjit për Procedurën e Përgjithshme Administrative, me të cilën do të ndërpritet procedura administrative dhe do të konsiderohen shtetas të Republikës së Maqedonisë së Veriut”, njofton MPB.
Në pyetjet e redaksisë sonë se sa persona kanë hequr dorë nga nënshtetësia e vendit tonëviteve të fundit, për cilën arsye më të shpeshtëdhe shtetësinë e cilit vend kanë marrë, nga MPB thonë se në pesë vitet e fundit, 5.601 persona janë liruar nga shtetësia e Republikës së Maqedonisë së Veriut.
“Numri më i madh i kërkesave për përjashtim janë për marrjen e nënshtetësisë së RF të Gjermanisë, Sllovenisë dhe Austrisë, ndërsa një numër më i vogël i kërkesave për marrjen e shtetësisë së Holandës, Republikës së Kroacisë, Bosnjë-Hercegovinës, Republikës së Serbisë, Bullgaria, Lihtenshtajnit, Singapori dhe vende të tjera”, thuhet në njoftim.
Qytetarët e Republikës së Maqedonisë së Veriut shtohet më tej, lirohen nga shtetësia e Republikës së Maqedonisë së Veriut për të fituar shtetësinë e një shteti tjetër, i cili në përputhje me legjislacionin e tyre kombëtar ka siguruar posedimin e vetëm një shtetësie.
Kushtet që duhet plotësuar për nënshtetësi nëpërgjithësi
1. Të jetë 18 vjeç;
2. Të jetojë në RMV në mënyrë të ligjshme dhe të vazhdueshme për të paktën 7 vjet;
3. Të ketë një apartament të siguruar;
4. Të ketë siguruar një burim të përhershëm të mjeteve të jetesës në një masë që mundëson siguri materiale dhe shoqërore në kushtet e përcaktuara me ligj;
5. Në RMV dhe në shtetin e të cilit jeni shtetas, nuk jeni dënuar me burgim të paktën një vit, për vepra për të cilat ndiqen sipas detyrës zyrtare dhe që dënohen sipas rregulloreve në RMV-së;
6. Në RMV dhe në shtetin e të cilit jeni shtetas, kundër jush nuk duhet të zhvillohet procedim penal;
7. Të zotërosh gjuhën maqedonase në atë masë sa të kuptosh lehtësisht rrethinën;
8. Nuk ju është shqiptuar masa ndaluese e qëndrimit në RMV;
9. Pranimi juaj në shtetësinë RMV nuk kërcënon sigurinë dhe mbrojtjen e RSM;
Çfarë kushtesh duhet plotësuar, ata që kanë hequr dorë?
Nëse keni qenë të martuar para një gjendjeje civile me një shtetas të RMV për të paktën tetë vjet dhe jetoni ligjërisht dhe përgjithmonë jashtë vendit, mund të merrni nënshtetësinë RMV nëse:
· plotësoni të gjitha kushtet e mësipërme që duhet të plotësojë çdo i huaj, përveç kushteve 2, 3, 4 dhe 7, gjegjësisht nuk duhet të keni jetuar fare në RMV, nuk duhet të flisni gjuhën maqedonase dhe nuk duhet të hiqni dorë nga shtetësia e huaj ose të vërtetoni se do ta merrni atë.
· Paraqisni një kopje të dokumentit që konfirmon se keni një vendbanim të ligjshëm të regjistruar në një shtet tjetër, vërtetimin e shtetësisë së burrit/gruas tuaj, si dhe të gjitha dokumentet e tjera të listuara më sipër, përveç pyetësorit për njohjen e gjuhës maqedonase.
Po nëse nuk jetoni në RMV, por jeni emigrant nga RMV apo fëmijë emigranti apo keni hequr dorë nga nënshtetësia?
Ju mund të aplikoni për shtetësi me dokumentet e nevojshme si më sipër në ambasadën (konsullata) më të afërt të RMV-së. Nuk keni nevojë të liroheni nga shtetësia që keni ose të jetoni në RMV dhe nuk duhet të flisni gjuhën maqedonase, por duhet të plotësoni të gjitha kushtet e tjera si çdo i huaj i përmendur më lart.
Për informata më të detajuara, qytetarët duhet të drejtohen në konsullatat apo ambasadat më të afërta të RMV-së, për të nisur procedurën e kthimit të nënshtetësisë
Kujtojmë se ligji i ri për shtetësinë në Gjermanika hyrë në fuqi më 27 qershor 2024. Ky ligj mundëson që më lehtë të merret pasaporta gjermane, përfshirë mbajtjen e dyshtetësisë. Përpara kësaj, personat që kanë pasur shtetësi të huaj dhe i kanë plotësuar kushtet për pasaportë gjermane, duhej të hiqnin dorë nga shtetësia e atij vendi. Po kështu ka ndodhur edhe me shtetas të Maqedonisë së Veriut.
Ligji i ri, i cili u propozua nga koalicioni qeveritar trepartiak i qendrës së majtë i Gjermanisë, ua mundëson njerëzve ta marrin shtetësinë gjermane pa e humbur shtetësinë e vendit të lindjes.
Njerëzit tani mund të aplikojnë për shtetësi gjermane pasi të kenë jetuar pesë vjet në Gjermani, nëse i plotësojnë të gjitha kushtet. Në të kaluarën, kusht ishte tetë vjet banim në Gjermani.
Fëmijët e lindur në Gjermani nga prindër të huaj do ta fitojnë shtetësinë gjermane nëse njëri prej prindërve ka qenë banor i ligjshëm në Gjermani për pesë vjet, në vend se për tetë vjet.
Ministria e Punëve të Brendshme e Maqedonisë së Veriut njofton se dy persona nga Shkupi janë privuar nga liria nën dyshimin për kryerje të veprave penale lidhur me fshehjen e targave të regjistrimit të automjeteve të tyre, me qëllim shmangien e evidentimit nga sistemi “Safe City”.
Sipas MPB-së, më 13 dhe 14 shkurt 2026, në periudhën nga ora 19:00 deri në 03:00, në zonën e Qendrës dhe Bit Pazarit në Shkup, nëpunës policorë nga SPB Shkup kanë realizuar aksion kontrollues të përforcuar për ruajtjen e sigurisë në zonën qendrore të qytetit.
Gjatë aksionit janë verifikuar identitetet e 24 personave, janë kontrolluar 17 persona dhe katër automjete, ndërsa janë evidentuar shtatë kundërvajtje në trafik. Dy automjete janë konfiskuar në përputhje me nenet 378 dhe 380 të Kodit Penal.
Në kuadër të këtij aksioni janë arrestuar dy persona me inicialet S.S. dhe M.A., të cilët drejtonin automjete të tipit “Mercedes” me targa të Shkupit. Sipas policisë, ekziston dyshim i bazuar se ata kanë kryer vepra penale sipas neneve 378 dhe 380 të Kodit Penal. Gjithashtu, është konstatuar edhe një kundërvajtje sipas nenit 80 të Ligjit për Armë.
MPB njofton se gjatë kontrollit janë ndërmarrë edhe masa parandaluese me patrullime të vazhdueshme në parkun në territorin e Kapishtecit, pranë një objekti hotelierik në bulevardin “Arradhat Partizane”, si dhe pranë fushës sportive “Dërveni Grad”, për shkak të grumbullimeve të përditshme të personave të mitur.
Nga MPB theksojnë se aksionet e përforcuara do të vazhdojnë edhe në periudhën e ardhshme, me qëllim ruajtjen e rendit dhe sigurisë publike.
Lajme nga vendi
Ligji për mbrojtje nga duhani me shumë gjasë do të shtihet nuk do të fillojë nga 1 marsi
Ligji për mbrojtje nga duhani me shumë gjasë nuk do të fillojë nga 1 marsi siç qëndron në zgjidhjen e propozuar ligjore. Ai do të përpunohet dhe miratohet sa më shpejt që të jetë e mundur, por zbatimi do të jetë në faza, fillimisht edukim, vërejtje e vetëm më pas gjoba. Po vlerësohet sa kohë do të zgjasin fazat. Këtë në emisionin Biznes 21 e konfirmoi këshilltari shtetëror në Ministrinë e Shëndetësisë, Nikolla Gërbçevski, i cili tha se ende po vazhdojnë bisedimet me palët e prekura.
“Nuk do ta quaja tërheqje, do ta quaja implementim fazor në kuptimin që në dialog me opinionin dhe në dialog me komunitetin e biznesit vendosëm të shkojmë me implementim të butë. Implementim që do të thotë në fillim vërejtje, edukim..
-Sa do të zgjasin fazat?
-Edhe kjo është pjesë e kësaj faze të harmonizimit. A do të jenë 6 muaj, a do të jenë 8 muaj, a do të jenë 3 muaj, nuk mund t’ju them, por kjo do të varet si do të vendosë grupi operativ i punës”, u shpreh Nikolla Gërbaçevski – këshilltar shtetëror në Ministrinë e Shëndetësisë.
Gastronomët e mbështesin ligjin, por kanë kërkuar nga Qeveria që zbatimi të zgjasë 3 vite, e vetëm pastaj të ketë ndëshkime. Sipas tyre, nëse zbatimi nis menjëherë, do ta godasë biznesin dhe do të ketë mbyllje objektesh dhe largim të punëtorëve. Thonë se ligji është një nga më rigorozët dhe është bërë sipas shembullit të Spanjës, Sllovenisë ku 15-18 për qind e popullsisë janë duhanpirës, për dallim nga tek ne ku janë 60 deri 65 për qind.
“Propozuam një model prej tre vitesh, përkatësisht në vitin e parë, në 12 muajt e parë të kemi fushatë informuese edhe për gastronomët edhe për qytetarët. Në fazën e dytë, siç thamë nga 12 deri në 36 muaj, themi ndalim i rreptë në hapësira të mbyllura, konsumimi i të gjitha produkteve me duhan. Zona të lejuara, qartë të definuara të jashtme për duhanpirje. Faza e tretë dihet, aty është zbatimi i plotë mbi bazë të analizave të bëra më parë. Këtu më nuk ka tolerancë për askënd. Kjo është pas tre vitesh, ku fjalë për fjalë do të sanksionohen edhe objektet edhe personat fizikë”, tha Perica Golomeiq – Oda Turistike e Gastronomike pranë LOE.
Ekspertët me qëndrim se propozim-ligji kërkon përpunim serioz. Thonë se me një zgjidhje të tillë përveç gastronomëve do të pësojnë edhe kompanitë që prodhojnë dhe shesin produkte të duhanit, por edhe buxheti i shtetit. Reagojnë se nuk mund të marrim ligj “shabllon” nga Sllovenia, vend që kurrë nuk ka prodhuar duhan në historinë e tij, e as nuk ka fabrikë për cigare.
“Ky propozim-ligj kërkon përpunim serioz sipas meje. Do të thotë nuk duhet të miratohet derisa të punohet siç duhet. Unë e respektoj mendimin nga gastronomia, oda, fazor po, megjithatë duhet edhe të përpunohet ligji. Në këtë ligj nuk ka as dispozita kalimtare as përfundimtare se kush nga kur vlen. Ne kemi në stok shumë produkte të duhanit, të cilat sipas tyre tani duhet të mos shiten. Çfarë do të bëjmë me ato produkte?!”, u shpreh Zlatko Arsov – profesor në Fakultetin e Shkencave Bujqësore dhe Ushqimit.
Me propozim-ligjin e ri ndalohet pirja e çdo lloji cigaresh, jo vetëm klasiket por edhe cigaret elektronike, pajisjet “vejp” në të gjitha objektet e mbyllura gastronomike, firma, në dhe para institucioneve publike, shkolla, kopshte, stacione autobusësh dhe hekurudhore, tregje, objekte kulturore dhe sportive, stacione autobusësh. Nuk lejohet të pihet cigare as në veturë nëse ka fëmijë. Gjobat për qytetarët lëvizin nga 150-300 euro, ndërsa për firmat deri në 5.000 euro.
Lajme nga vendi
Tetovë: Policia aksion në bastore dhe kazino të cilat gjenden pranë shkollave, hasen të mitur
Më 13 shkurt 2026, zyrtarët policorë të SPB Tetovë kanë realizuar një kontroll aksion në bastoret sportive dhe kazinotë që ndodhen pranë shkollave, me qëllim parandalimin e pranisë së të miturve në këto objekte. Gjatë kontrolleve në rrugët “Bllagoja Toska” dhe “Ilinden”, policia ka hasur dy të mitur, njërin nga fshati Odri dhe tjetrin nga fshati Pallaticë. Të miturit janë shoqëruar dhe më pas u janë dorëzuar prindërve të tyre, ndërkohë që kontrolle të tilla paralajmërohet se do të vazhdojnë edhe në ditët në vijim për të garantuar respektimin e ligjit.
Arrestohen dy persona në Shkup, mbuluan targat për të shmangur sistemin “Safe City”
Ligji për mbrojtje nga duhani me shumë gjasë do të shtihet nuk do të fillojë nga 1 marsi
Tetovë: Policia aksion në bastore dhe kazino të cilat gjenden pranë shkollave, hasen të mitur
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
