Lajme nga vendi
Per herë të parë në komunën e Bërvenicës në Tetovë/ U ekspozuan makina në vlerë nga 5 mijë deri në 800 mijë euro
Kishin ardhur nga gjitha qytetet e Maqedonisë. Nuk munguan as mërgimtarët me makinat e tyre luksoze në takimin vjetor të makinave në komunën e Bërvenicës në Tetovë.
Kishte makina nga 5.000 euro e deri në 800.000 euro. Por më e veçanta e “Takimit të makinave”, ishte ky golf i serisë një. Datonte që nga vitet e tetëdhjeta, megjithatë, dukej i ri dhe i bukur.
“Vetura është e 81-shit. Vlerën e ka dhjetë mijë euro aq ka dal deri tani. Jam shoferi i parë i kësaj makine. Është makinë 2.0 golf një GTI. Ne në familje e kemi që nga 93-shi, dhe e kemi rregulluar krejt”, tha Muhamed Qamili, pronar i makinës.
Golf 1 ishte ndër më të vjetrat në këtë takim të veturave, por, vetëm disa metra më tej, ballë i bënte makina më e shtrenjtë dhe më luksoze. Drejtohej nga një mërgimtar. Elmedin Ramadani thotë se kjo makinë e plotëson atë si vozitës, por nuk mohon se mirëmbajtja kushton pothuajse sa dy makina të zakonshme në vit.
“Është Lamborgini uragan spider, janë 600 kuaj fuqi. Desha të marr ferarin por kjo më jepte më shumë adrenalinë. Krejt komplet kostoja më ka dalë 420.000 euro. Unë deri në 310 kilometra në orë e kam drejtu ma shumë jo”, u shpreh Elmedin Ramadani, pronar i makinës.
Ndërkohë Ajsha Alii nga Shkupi, drejtonte një Doxh amerikan me 300 kuaj fuqi.
“Është Dodge amerikan me 300 kuaj fuqi. Unë kam dëshirë të marr pjesë në këto evente të makinave të veçanta. Çmimi i kësaj makine është 30.000 por e mbajmë se nuk e vozisin gjithnjë por vetëm kur ka evente”, theksoi Ajsha Alii, pronare e makinës.
“Makina është origjinale kështu old timer. Më pëlqen shumë dhe e ruaj që prej dy vitesh. Është e vitit 1988 por ka vetëm 95.000 km. Është shumë i ruajtur. E kam paguar 5000 por se shes s’ka vlerë që e paguan. Kam ardhur me këtë nga Gjermani. E kam për qejfi s’ka para që ma paguan”, tha Dritan Salii, pronar i makinës.
Në këtë ngjarje Zajko Alimi nga fshati Siniçan ishte atraksioni i mbrëmjes. Motori i tij Suzuki, kishte zhurmë unike.
Takimi përfundoi me zgjedhjen e makinave më të mira./ Alsat.mk
Qeveria do të emërojë të besuarit e saj në komunat ku nuk u zgjodhën kryetarë komunash në zgjedhjet lokale. Kjo do të bëhet menjëherë pasi KSHZ zyrtarisht t’i mbyllë zgjedhjet dhe do të informojë Qeverinë. Kryeministri Hristijan Mickoski tha se ende nuk kanë mbajtur asnjë bisedim me partnerët e koalicionit për atë se kush do të përzgjidhet si ushtrues detyre.
“Fillimisht duhet zyrtarisht KSHZ ti përfundojë zgjedhjet dhe ta informojë qeverinë. Kjo pres të ndodhë javën e ardhshme. Më pas Qeveria ka afat prej 15 ditëve të veprojë dhe ta informoj KSHZ-në dhe Kuvendin që Kuvendi në afat prej 60 ditëve të mbajë zgjedhje të reja në ato komuna ku ishin të pa suksesshme… Kështu që unë pres gjatë javës së ardhshme kur ti marrim të ulemi me partnerët e koalicionit dhe ti propozojmë emrat se cilët do të jenë të besueshmit e qeverisë në ato komuna ku zgjedhjet ishin të pa suksesshme”, tha Hristijan Mickoski – Kryeministër.
Të pa suksesshme zgjedhjet lokale ishin në Gostivar, Vrapçisht, Qendër Zhupë dhe Mavrovë e Rostushë. Në zgjedhjet që do të përsëriten në këto komuna, nuk do të vlejë censusi dhe nuk do të kenë mundësi që përsëri të dështojnë. Ndërkohë nga KSHZ refuzuan të gjitha 16 ankesat për procesin e votimit të rrethit të dytë dhe presin nëse dorëzuesit e ankesave do të ankohen edhe në Gjykatën Administrative. Ankesa pati për komunat Karposh, Shuto Orizare dhe Bërvenicë. Në Shuto Orizare u dorëzuan 13 ankesa prej të cilave dhjetë nga koalicioni “Maqedonia jote” e VMRO-DPMNE-së dhe tre nga “Lidhja e Romëve”. Dy ankesa pati nga koalicioni “Përvoja për sukses” në Karposh dhe një ankesë pati kandidati i VLEN në Bërvenicë, Haqim Ramadani. /Alsat.mk
Pas ceremonisë së pranim-dorëzimit të mandatit nga ish-kryetari Hekuran Duka, Fisnik Mela mori sot zyrtarisht detyrën e Kryetarit të Komunës së Dibrës.
Në fjalën e tij, Mela e cilësoi këtë moment si një përgjegjësi të madhe dhe një emocion të veçantë, duke theksuar se mandati që i është dhënë nga qytetarët përfaqëson më shumë se një detyrë politike – një angazhim moral për të shërbyer me ndershmëri, transparencë dhe përkushtim.
“Dibra meriton institucione që dëgjojnë, që veprojnë dhe që sjellin zhvillim të vërtetë. Bashkë do ta ndërtojmë një komunë të mundësive, të bashkëpunimit dhe të mirëqenies për të gjithë”, deklaroi Mela.
Në fund, kryetari i ri i Dibrës uroi: “Zoti e bekoftë Dibrën dhe qytetarët e saj.”
Filantropi tetovar Lazim Destani dhuron shqiponjën për Kukësin (VIDEO)
Raundi i dytë zgjedhor, KSHZ-ja hedh poshtë të gjitha ankesat
Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi1 week agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë