Lajme nga vendi
Deputetët e partisë E majta kanë dorëzuar interpelancë për punën e kryetarit të Kuvendit, Gashi
Grupi parlamentar i partisë E majta sot në Parlament dorëzoi interpelancë për punën e kryetarit të Kuvendit, Afrim Gashi për shkak se “po vendos politika joparimore në Kuvend”.
Bazohet në shtatë pika, të sqaruara në dhjetë faqe. Kryetari i partisë E majta, Dimitar Apasiev në konferencë për media tha se pret që kryetari i Kuvendit, Gashi, ta vendosë në rend dite në seancë pas pushimit veror, gjegjësisht në fillim të shtatorit, në mbledhjen e parë të ardhshme pasi të kalojnë 10 ditë pune.
Dy pikat e para kanë të bëjnë me shkeljen e laicitetit të shtetit me lutjen grupore në Kuvend të cilën e ka bërë Gashi dhe shkeljen e rregullave diplomatike për sigurimin e personaliteteve VIP me incidentin në Aeroportin e Shkupit para pesë ditëve në të cilën mori pjesë shefi i sigurimit të Gashit.
Lidhur me lutjen grupore Apasievi tha se është “diçka pa precedent në historinë e Kuvendit maqedonas”, është shkelur neni 19 dhe amandamenti 7 i Kushtetutës së Republikës së Maqedonisë, është shkelur praktika gjyqësore e Gjykatës Kushtetuese dhe ligji i veçantë për pozitën juridike të kishës, bashkësisë fetare dhe grupit religjioz.
“Baza e dytë mbi të cilën parashtrojmë interpelancën është shkelje e rregullave diplomatike për sigurimin e personaliteteve VIP, ndërsa ai është rasti aktual kur shefi i sigurimit të kryetarit të Kuvendit të Maqedonisë ka marrë pjesë në një skandal praktikisht diplomatik në Aeroportin Ndërkombëtar në Shkup dhe kryeparlamentari Gashi pranoi publikisht se ai personalisht ka dhënë urdhër për ndërhyrjen e tij në një zonë të palejuar”, tha Apasiev.
Arsyet e kërkesës për shkarkimin e Gashit nga funksioni i tij, sipas partisë E majta, janë edhe shkelje e përdorimit të gjuhës maqedonase sepse Gashi, siç tha Apasievi, “me vetëdije e shtyp gjuhën maqedonase dhe shkrimin e saj cirilik dhe fut dygjuhësi të paligjshme edhe për deputetët të cilët janë maqedonas”, pastaj shkelje e rregullave për përdorimin e shenjave shtetërore me faktin se në sallën plenare, në kundërshtim me ligjin, “ilegalisht qëndrojnë dy flamuj të tjerë, d.m.th. flamuri i NATO-s dhe flamuri i BE-së ku ne nuk jemi ende anëtarë”.
Është shkelur, tha, edhe parimi i papajtueshmërisë së funksioneve, gjegjësisht i bëjnë thirrje për përgjegjësi politike Gashit sepse nuk ka konstatuar ndërprerje të mandatit të deputetit të sapozgjedhur Talat Xhaferi “i cili ilegalisht i kryente funksionet kryeministër dhe deputet”.
“Baza e gjashtë është shkelje e dispozitave ligjore dhe etike për antinepotizmin. Besojmë se me faktin që bashkëshortja e Gashit ka udhëtuar me të në Uashington është shkelur Ligji për Parandalimin e Korrupsionit dhe është bërë shkelje e rëndë disiplinore e kodit të etikës për deputetët…dhe baza e fundit është shkelje e një serie të dispozitave procedurale për punën normale të deputetëve për shkak se nuk respektohen afatet imperative për caktimin e seancave, sepse praktika e keqe e ligjeve të kontrabandës me procedura të shkurtuara vazhdon dhe për shkak se nuk janë siguruar një sërë garancish operacionale për funksionimin normal të deputetëve”, njoftoi Apasiev.
Lideri i partisë E majta tha se pret që deputetët ta votojnë interpelancën e tyre për punën e Gashit me atë që do ta thirrnin në përgjegjësi politike.
“Edhe një herë e themi thirrjen tonë publike ndaj DPMNE-së se qëndrojmë në dispozicion për zgjedhjen e njeriut të ri nga grupi i tyre parlamentar, mbështetje blanko, vetëm që të ndërrohet spikeri Gashi i cili vendos politika joparimore në Kuvend”, tha Apasiev.koha.mk
Lajme nga vendi
Gjendje alarmante në Gostivar, Valbon Limani: Lusim çdo qytetarë, të evitojnë daljet nga shtëpia pa nevojë!
Reshjet e dendura kanë shkaktuar vërshime në disa zona të banuara të qytetit, duke rënduar situatën në të gjithë rajonin e Pollogut. Kryetari i Komunës së Gostivarit, Valbon Limani, ka shprehur shqetësimin e tij lidhur me gjendjen e krijuar dhe ka kërkuar reagim urgjent nga institucionet përgjegjëse.
Sipas tij, përkundër përpjekjeve maksimale të Komunës dhe ndërmarrjeve komunale për të menaxhuar situatën në terren, nevojitet ndërhyrje e menjëhershme nga ELEM, si institucion me kompetenca për menaxhimin e ujërave të lumit Vardar, si dhe nga zyrat e Ekonomizimit të Ujërave, përgjegjëse për sistemin e ujitjes.
“Vështirësi të mëdha po hasen në të gjithë rajonin e Pollogut. Ju lutem veproni sa më shpejt”, ka apeluar kryetari Limani.
Autoritetet lokale vijojnë të jenë në terren, ndërsa pritet reagimi i institucioneve kompetente për stabilizimin sa më të shpejtë të situatës.
Lajme nga vendi
Rrezikuan jetën e skijatorëve me motorë: Kodra e Diellit denoncon shkelësit në polici
Qendra e skijimit “Kodra e Diellit” ka reaguar ashpër pas një incidenti të rëndë të ndodhur sot, ku dy persona me mjete motorike të ndaluara kanë hyrë në pistat e skijimit, duke rrezikuar drejtpërdrejt sigurinë e turistëve dhe skijatorëve.
Kodra e Diellit rikujton se siguria në pista është prioritet absolut dhe u bën thirrje të gjithë vizitorëve që të respektojnë rregullat strikte për të shmangur tragjeditë e mundshme. Ky reagim vjen si pjesë e masave të reja për disiplinimin e lëvizjes në resort, duke paralajmëruar sanksione të ashpra për të gjithë ata që thyejnë rregulloren e qendrës.
Më datë 16.02.2026, në orën 06:30, në Stacionin Policor të Strugës është raportuar një aksident i rëndë trafiku në rrugën magjistrale Podmol – Strugë. Një automjet transportues i llojit „Man”, i drejtuar nga shtetasi i Shqipërisë, A.A. (52 vjeç), ka goditur këmbësorin U.D. (75 vjeç) nga fshati Livadhi i Strugës, i cili si pasojë e lëndimeve të marra ka ndërruar jetë në vendin e ngjarjes.
Vdekja është konstatuar nga mjeku i Ndihmës së Shpejtë në Strugë, ndërsa këqyrjen e vendit të ngjarjes e ka kryer ekipi i policisë së Strugës. Sipas informacioneve paraprake, po atë ditë në orën 06:05, ishte denoncuar se i ndjeri U.D. ishte larguar nga shtëpia e një të afërmi të tij në fshatin Misllodezhdë dhe se vuante nga probleme shëndetësore. Po ndërmerren masa të gjithanshme për zbardhjen e plotë të rastit.
Gjendje alarmante në Gostivar, Valbon Limani: Lusim çdo qytetarë, të evitojnë daljet nga shtëpia pa nevojë!
Rrezikuan jetën e skijatorëve me motorë: Kodra e Diellit denoncon shkelësit në polici
Strugë: Kamioni me targa shqiptare përplas për vdekje një 75-vjeçar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
