Lajme nga vendi
Ndeshje e rëndë në rrugën Nish-Beograd, ndërron jetë një grua nga Radiovca e Tetovës
Një grua ka humbur jetën në një aksident trafiku që ka ndodhur në autostradën Beograd-Nish, afër qytetit të Mihajllovacit, afër Smederevës, rreth orës 06:30 të mëngjesit të sotëm.
Vetura me targa zvicerane, në të cilën ndodhej një familje nga Tetova gjegjësisht nga Radiovca, për shkaqe të panjohura ka dalë nga rruga. Gruaja që ndodhej në sediljen e pasagjerit ka ndërruar jetë në vendin e ngjarjes.
Pas aksidentit, është arrestuar burri i saj i cili drejtonte veturën, dhe i është caktuar masa e paraburgimit në Prokurorinë Themelore në Smederevë.
Fatmirësusht fëmija në sediljen e pasme ishte i padëmtuar.
Fëmija është nën kujdestari të përkohshme të Qendrës për punë sociale në Smederevë.
Siç bëhet e ditur, familja është nga fashti Radiovcë – Tetovë dhe jeton në Zvicër, mosha e tyre është rrth 30-tave.
Lajme nga vendi
Gjendje alarmante në Gostivar, Valbon Limani: Lusim çdo qytetarë, të evitojnë daljet nga shtëpia pa nevojë!
Reshjet e dendura kanë shkaktuar vërshime në disa zona të banuara të qytetit, duke rënduar situatën në të gjithë rajonin e Pollogut. Kryetari i Komunës së Gostivarit, Valbon Limani, ka shprehur shqetësimin e tij lidhur me gjendjen e krijuar dhe ka kërkuar reagim urgjent nga institucionet përgjegjëse.
Sipas tij, përkundër përpjekjeve maksimale të Komunës dhe ndërmarrjeve komunale për të menaxhuar situatën në terren, nevojitet ndërhyrje e menjëhershme nga ELEM, si institucion me kompetenca për menaxhimin e ujërave të lumit Vardar, si dhe nga zyrat e Ekonomizimit të Ujërave, përgjegjëse për sistemin e ujitjes.
“Vështirësi të mëdha po hasen në të gjithë rajonin e Pollogut. Ju lutem veproni sa më shpejt”, ka apeluar kryetari Limani.
Autoritetet lokale vijojnë të jenë në terren, ndërsa pritet reagimi i institucioneve kompetente për stabilizimin sa më të shpejtë të situatës.
Lajme nga vendi
Rrezikuan jetën e skijatorëve me motorë: Kodra e Diellit denoncon shkelësit në polici
Qendra e skijimit “Kodra e Diellit” ka reaguar ashpër pas një incidenti të rëndë të ndodhur sot, ku dy persona me mjete motorike të ndaluara kanë hyrë në pistat e skijimit, duke rrezikuar drejtpërdrejt sigurinë e turistëve dhe skijatorëve.
Kodra e Diellit rikujton se siguria në pista është prioritet absolut dhe u bën thirrje të gjithë vizitorëve që të respektojnë rregullat strikte për të shmangur tragjeditë e mundshme. Ky reagim vjen si pjesë e masave të reja për disiplinimin e lëvizjes në resort, duke paralajmëruar sanksione të ashpra për të gjithë ata që thyejnë rregulloren e qendrës.
Lajme nga vendi
Strugë: Kamioni me targa shqiptare përplas për vdekje një 75-vjeçar
Më datë 16.02.2026, në orën 06:30, në Stacionin Policor të Strugës është raportuar një aksident i rëndë trafiku në rrugën magjistrale Podmol – Strugë. Një automjet transportues i llojit „Man”, i drejtuar nga shtetasi i Shqipërisë, A.A. (52 vjeç), ka goditur këmbësorin U.D. (75 vjeç) nga fshati Livadhi i Strugës, i cili si pasojë e lëndimeve të marra ka ndërruar jetë në vendin e ngjarjes.
Vdekja është konstatuar nga mjeku i Ndihmës së Shpejtë në Strugë, ndërsa këqyrjen e vendit të ngjarjes e ka kryer ekipi i policisë së Strugës. Sipas informacioneve paraprake, po atë ditë në orën 06:05, ishte denoncuar se i ndjeri U.D. ishte larguar nga shtëpia e një të afërmi të tij në fshatin Misllodezhdë dhe se vuante nga probleme shëndetësore. Po ndërmerren masa të gjithanshme për zbardhjen e plotë të rastit.

