Lajme nga vendi
Maqedonia e Veriut dhe Kosova vazhdojnë hetimet e përbashkëta për paratë e falsifikuara – Polici Demiri ndodhet në paraburgim
Hetimet për paratë e falsifikuara vazhdojnë edhe në Maqedoni të Veriut edhe në Kosovë.
Autoritetet e dyja vendeve me ndihmën operacionale të Europolit po punojnë për zbulimin e rrjetit kriminal që ka prodhuar dhe lëshuar në përdorim monedhat 2 euro.
I dyshuari kryesor, Shkëlzim Demiri ndodhet në paraburgim në Kosovë. Në procedurë hetimore ai ndiqet në cilësinë e të punësuarit në MPB, i punësuar prej vitesh si polic dhe shofer i ish kryeshefit të Departamentit për asgjësimin e krimit të organizuar, Veton Kranlievski.
Në rrethana jo zyrtare mësohet se hetuesit nga Shkupi janë adresuar edhe në dikasterin e Brendshëm për të gjetur prova që mund të lidhën me veprimtarinë e Demirit, ndërsa Kontrolli i Brendshëm nga ana tjetër është duke hetuar nëse struktura policore nga Ministria e Brendshme janë pjesë e rrjetit të Shkëlzim Demirit.
Për dallim nga Kosova, në Maqedoni të Veriut numri i monedhave false është dukshëm më i ulët. Pjesa dërmuese e monedhave false kanë përfunduar nëpër pikat e pagesave rrugore.
“Sipas të dhënave tona për periudhën nga 22.11.2022 deri më 31.07.2023, janë detektuar gjithsej 7141 copë monedha nga 2 euro të falsifikuara me vlerë totale prej 14,282 mijë euro dhe 251 copë monedha nga 1 euro të falsifikuara me vlerë 251 euro. Në total, të falsifikuara janë detektuar 14 533 euro”, thonë nga Rrugët Shtetërore të rmv-së
Qytetarët e Maqedonisë janë ballafaquar me situata të tilla. Këmbimoret tregojnë mënyrat përmes të cilave i detektojnë paratë false.
“Kur e vendos kështu, nëse bie është false. Nëse qëndron nuk është false. Nëse vijnë t’i ndërrojnë neve nuk i marrim”, tha Artan Ajruli, Pronar i këmbimores.
“Më ndodhi në Kosovë kur isha para dy muajve. Desha të paguaj në një shitore me dy euro, më thanë se është false”, u shpreh një qytetar.
“Nuk them se jam mashtruar por më kanë rënë në duar edhe mua ato para. Jam ndjerë keq kur kam dashur të paguaj me para false. Por tani jemi mësuar”, theksoi një qytetar tjetër.
Hetimet për detektimin e kanaleve përmes të cilave lëshoheshin në qarkullim para false ishin ngritur falë ofertave të cilët kishin dalë nëpër rrjetet sociale.
Banka Qendrore e Kosovës dhe Agjencia e Forenzikës kishin publikuar manualin për sensibilizimin e qytetarëve dhe bizneseve.
Në nëntor të vitit kaluar policia e Kosovës kishte arrestuar gjashtë persona, tre prej tyre shtetas të Maqedonisë së Veriut.
Në veturat e tyre ishin gjetur mbi 85 mijë euro para me prerje metalike 2 euro. Paraprakisht pistat e hetimit ishin drejtuar në Maqedoni të Veriut dhe Bullgari. / Alsat.mk
Komuna e Tetovës njofton se do të kryhet dezinsektim në territorin e qytetit të Tetovës.
ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.
Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.
Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.
Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.
Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.
Lajme nga vendi
Vëllezërit nga Debreshi dënohen me nga 40 vite burg për vrasjen makabre të Resul Kahremanit
Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.
Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.
Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Kasami uron Kurban Bajramin: Uroj që kjo festë t’ju gjej pranë më të dashurve, me plotë begati e të mira
Tragjedi në Austri: 35-vjeçari kosovar humb jetën në vendin e punës pas kontaktit me rrymën elektrike
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve