Lajme nga vendi
Mexhiti dhe Limani biseduan për decentralizimin dhe projektet e komunave
Ministri i Mjedisit Jetësor dhe Planifikimit Hapësinor, Izet Mexhiti dhe u.d. kryetari i komunës së Gostivarit, Valbon Limani sot biseduan se si Qeveria mund të ndihmojë në procesin e decentralizimit dhe realizimit të projekteve komunale.
“Biseduam për projekte reale. Do të ndihmojmë të përfundojë projekti për kanalizimin fekal Blloku 21, që është shumë i rëndësishëm për qytetarët e Gostivarit. Gjithashtu, të vazhdojë projekti i rëndësishëm për fshatin Çegran, që është fshati më i madh në nivel të Republikës së Maqedonisë. Është një projekt për të cilin nevojiten 1,3 milionë euro, ku ne do të ndihmojmë, ndërsa fjalën kryesore e ka komuna”, informoi Mexhiti pas takimit në Ministrinë e Mjedisit Jetësor dhe Planifikimit Hapësinor.
Kjo Qeveri, shtoi ai, në këtë mandat do të ndajë miliarda euro për projektet kapitale në komuna, ku çdo komunë do të marrë sipas numrit të banorëve sipas metodologjisë së vendosur. Ministri tha se janë këtu për të ndihmuar edhe në përgatitjet dhe realizimin e projekteve dhe nismave në interes të qytetarëve.
“Biseduam edhe për procesin e decentralizimit si të përforcohet, si të zhvillohet, këtu është faza e ardhshme e decentralizimit fiskal që do t’i ndihmojë Maqedonisë të mos jetë e fundit në rajon si një vend i jo centralizuar. Biseduam edhe rreth bllok aksioneve për arsimin dhe gjëra të tjera, ku pagat janë rritur, bllok dotacionet shkojnë vetëm për paga nuk mbesin vetëm për transport, ndërsa ende më pak për investimet kapitale në arsim nëpër komuna”, tha Mexhiti.
Ai njoftoi se takimet e tilla do të jenë më të shpeshta, me qëllim të përmirësimit të realizimit të projekteve të mira në interes të qytetarëve.
Kryetari i komunës së Gostivarit Limani theksoi se është diskutuar për problemet me të cilat përballen komunat, për projektet e planifikuara të komunës, si dhe për ndihmën që mund ta marrin nga MMJPH.
“Po ashtu, tani në cilësinë e zëvendëskryeministrit të parë kemi diskutuar për projektet që ka paraparë Qeveria, për thirrjet që do të bëhen këtë muaj dhe vitin e ardhshëm dhe që kanë lidhje me investimet kapitale në komuna. Por edhe për problematikat aktuale të komunave që kanë të bëjnë me bllok dotacionet që na vijnë nga Ministria e Arsimit dhe Shkencës, nga Ministria e Mbrojtjes, por edhe probleme të tjera me të cilat ne, por edhe qytetarët tanë përballemi në lidhje me mjedisin jetësor, për cilësinë më të mirë të ajrit, por edhe për infrastrukturën nëntokësore”, theksoi kryetari Limani.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
