Lajme nga vendi
Inspektorët në terren për marzhin e pajisjeve shkollore

Inspektorët nga Inspektorati Shtetëror i Tregut (ISHT) do të kontrollojnë në terren nëse tregtarët e respektojnë vendimin e Qeverisë për kufizimin e marzhit më të lartë tregtar apo fitues për pajisjet shkollore në 5 për qind për shitje me shumicë dhe 10 për qind për me pakicë.
Vendimi vlen për: çantat e shpinës dhe çantat e dorës; fletore, blloqe, kolazhe; mjete shkrimi (lapsa dhe stilolapsa); ngjyrja prej druri; plastelinë, brumë modelimi, stilolapsa dhe markera; ngjyra me ngjyra të yndyrshme; tempera, akrilik, ngjyra uji dhe furça; vizore dhe materiale didaktike; mprehëse dhe gomë; gërshërë për fëmijë; futrola dhe aksesorë shkollorë; ngjitës dhe kompas, kalkulator, busulla dhe xham zmadhues.
“Tregtarët të cilët janë të përfshirë me Vendimin e Qeverisë për pajisje shkollore (Gazeta Zyrtare e RMV-së nr. 183/24), kanë obligim të harmonizojnë çmimet e produkteve. Nga nesër inspektorët do të jenë në terren dhe do të kryejnë kontrolle për të konstatuar nëse tregtarët kanë vepruar në përputhje me këtë vendim. Inspektorët do të veprojnë në kuadër të kompetencave të tyre që dalin nga Vendimi, e në përputhje me këtë edhe sipas Ligjit për Tregti, kumtoi ISHT.
Marzhi më i lartë tregtar (fitues) i përcaktuar nga Qeveria do të zbatohet deri më 20 tetor të këtij viti.
Mënyra se si do të trajtohet nëse ndonjëri nga tregtarët vepron në kundërshtim me Vendimin është paraparë në Ligjin e Tregtisë. Në rast se konstatohet shkelje e Vendimit, ISHT paralajmëron se do të vijojnë gjoba që dalin nga Ligji i Tregtisë. Gjobat variojnë nga 800 deri në 10 mijë euro, në varësi të madhësisë dhe llojit të tregtarit.
“Kujtoj se Inspektorati Shtetëror i Tregut do të veprojë ekskluzivisht në drejtim të kontrollit të çmimeve të përcaktuara me Vendim, por nuk ka kompetencë të veprojë dhe as të ndikojë në formimin e çmimeve në tregtinë me shumicë dhe pakicë. Siç kemi vepruar më parë, ashtu edhe tani, nuk do të ketë asnjë kompromis për askënd, ligji do të zbatohet njësoj për të gjithë dhe të gjithë tregtarët që mbulohen me Vendimin kanë obligim ta respektojnë atë”, kumtoi ISHT.
Apelon të respektohet vendimi dhe u bën thirrje qytetarëve që nëse vërejnë parregullsi, menjëherë t’i lajmërojnë në Inspektoratin e Tregut.
“Punojmë në interes të qytetarëve dhe pikërisht për këtë është miratuar ky vendim, të parandalohet përfitimi personal dhe keqpërdorimi i qytetarëve”, thekson ISHT.
Raportim në inspektoratin e tregut mund të dorëzoni në numrin 191 ose www.dpi.gov.mk.
Qeveria e mori vendimin në kuadër të masës “Më pak shpenzime, më shumë për ty!” Ne kujdesemi”, për të ndihmuar familjet që kanë nxënës me qëllim që të ulen shpenzimet e blerjes së pajisjeve shkollore.
Lajme nga vendi
Javën a ardhshme do të kryhet dezinsektim në qytetin e Tetovës

Komuna e Tetovës njofton se do të kryhet dezinsektim në territorin e qytetit të Tetovës.
ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.
Lajme nga vendi
Miratohet aktakuza për rastin “Onkologjia”

Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.
Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.
Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.
Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.
Lajme nga vendi
Vëllezërit nga Debreshi dënohen me nga 40 vite burg për vrasjen makabre të Resul Kahremanit

Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.
Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.
Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve