U filluan në kohë të fushatës zgjedhore por ende nuk kanë përfunduar. Rruga kryesore në fshatin Xhepçisht dhe rruga e shtipit në Tetovë ende nuk janë asfaltuar. Edhe pse punimet kanë filluar para 4 muajsh, kalimi në këto rrugë vazhdon të jetë jo i lehtë, sidomos për banorët që jetojnë në këto lagje e që këto rrugë duhet t’i kalojnë disa herë në ditë.

“ Duhet mirë të bëhët shumë kohë, po kanë problem banorët.”

“Me të drejtë duhet të punojmë në shumë se i shohë këtu dy veta punojnë, unë jam shofer autobusi dhe punoj në Gjermani the kur bllokohet rruga edhe bëhet shumë shpejtë , ama këtu me dy puntor edhe me një bager sdi si do bëhet rruga mund të shkoj edhe një vit, dy vite mjerët ne që heqim.”

“ rruga ka fillu para zgjedhjeve , edhe si filloj dimri u ndalën edhe tash kanë filluar të punojnë.”

“ nuk është shumë kohë, Katër muaj ka ? po ka katër muaj aty dikund.”

Advertisement

Nga komuna e Tetovës thonë se në Xhepçisht presin që banorët të lidhen me sistemin e ujit dhe kanalizimit, ndërsa për në rrugën e shtpit thonë se po presin dislokimin e shtyllave elektrike nga ana e EVN-së.

Besarta Ramadani – zëdhënëse e komunës Tetovës

“ Tek rruga në fshatin Xhepçisht janë duke u përfunduar kyçjet nga ana e banorëve në ujësjellësin dhe kanalizimin, po ashtu janë duke u vendosur edhe anësoret në rrugë, me përfundimin e këtyre punëve do të filloj edhe asfaltimi i rrugës.  Ndërsa në rrugën e shtipit janë bërë disa dislokime të shtyllave të vjetra nga ana EVN-së dhe është ka fundi dhe në momentin që do përfundojnë këta punë do filloj edhe asfaltimi rrugës.”

Në kohë të fushatës elektorale të zgjedhjeve lokale u filluan shumë rrugë. Disa përfunduan para zgjedhjeve, disa menjëherë pas por ka edhe rrugë të tjera që e kanë fatin e njejtë me rrugën kryesore të fshatit Xhepçisht dhe me rrugën e Shtipit, që ende janë të papërfunduara.

Advertisement

Ministri i Mjedisit Jetësor dhe Planifikimit Hapësinor, Muamet Hoxha njofton se përgatitjet për Ligjin e ri për kontrollë të emisioneve industriale, i cili pritet të hyjë në fuqi në vitin 2027, po zhvillohen paralelisht me forcimin e kontrolleve dhe kapaciteteve të laboratorit shtetëror.

Ai tha se në në këtë drejtim, u paralajmërua një debat publik për lejen e re të USJE-së, ndërsa tashmë po organizohen takime me operatorët që kanë leje të integruar A, për përshtatje më të shpejtë me rregullat e reja.

“Theks i veçantë iu kushtua përgatitjeve për krijimin e platformës digjitale – Regjistri i ndotësve, si një mekanizëm kyç për rritjen e transparencës dhe përgjegjësisë. Sipas Hoxhës, përmes mbledhjes sistematike dhe publikimit të të dhënave për emisionet, mbeturinat dhe përdorimin e burimeve, regjistri do të sigurojë informacione të besueshme dhe të krahasueshme, duke krijuar një presion konstruktiv për respektimin e standardeve. Njëkohësisht, institucionet japin shembull përmes projekteve aktuale për zëvendësimin e sistemeve të ngrohjes në objektet publike.

Sa i përket masave qeveritare për amvisëritë, Ministria e Energjetikës aktualisht po shpërndan vauçerë për inverterë, me ç’rast mbi 4000 familje do të përdorin mënyrë më ekologjike të ngrohjes”, thuhet në njoftim.

Ministri Hoxha informoi se transparenca po forcohet edhe përmes debateve publike për shpalljen e Kënetës së Belçishtës si zonë e mbrojtur, si dhe për Ligjin për natyrën në muajin prill, që tashmë është në proces. Hoxha theksoi se zgjidhjet ligjore për Kënetën e Studençishtës dhe Liqenin e Ohrit së shpejti do të hyjnë në procedurë qeveritare.

Advertisement

Avokati i Popullit në Maqedoni të Veriut, Faton Selami, sot ka ngritur zërin përsëri ndaj mos-lejimit të studentëve shqiptarë nga ana e ministrisë së drejtësisë për të kaluar provimin e jurisprudencës në gjuhën e tyre amtare.

Faton Selami sot në një konferencë për shtyp rikujtoi se ai ka bërë kërkesë zyrtare për të gjetur një zgjidhje përmes harmonizimit ligjor për t’ua mundësuar studentëve shqiptarë të vendit të japin këtë provim në gjuhën shqipe.

“Për të kapërcyer këtë situatë, e cila ekziston prej shtatë vitesh për shkak të moszbatimit të Ligjit për Përdorimin e Gjuhëve, i kemi drejtuar një iniciativë të veçantë qeverisë së Republikës së Maqedonisë së Veriut për të ndryshuar dhe plotësuar, përkatësisht për të harmonizuar zgjidhjet ligjore që rregullojnë këto provime, përkatësisht për t’u mundësuar kandidatëve t’i japin këto provime në gjuhën e tyre amtare. Sepse besojmë se nëse kjo nuk bëhet e mundur, është diskriminim, përkatësisht diskriminim indirekt bazuar në gjuhë. Prandaj, për zbatim konkret praktik, i jemi drejtuar Qeverisë së Republikës së Maqedonisë së Veriut me iniciativa të veçanta,” tha ai.