Lajme nga vendi
Arrestohet shtetasi i Kosovës i cili dyshohet se ka ndezur zjarrin në komunën e Tetovës
Dje në ora 20:15 në rrugën “Marshall Tito” në Tetovë, zyrtarë policorë nga SPB Tetovë kanë privuar nga liria B.R (38) nga Republika e Kosovës, me vendbanim të përkohshëm në Shkup.
Ai dyshohet se një ditë më parë e ka ndezur zjarrin në bodrumin e Komunës së Tetovës.
Personi është ndaluar në komisariat dhe pas dokumentimit të rastit ndaj tij do të bëhet kallëzimi përkatës nga neni 288 i Kodit Penal.
Kujtojmë se nga zjarri në Komunën e Tetovës është dëmtuar një pjesë e arkivit dhe materialeve zgjedhore.
Lajme nga vendi
MPB: Qytetarët të përditësojnë të dhënat e tyre për “Safe City” në sportelin e posaçëm në RTVM ose në pikat e kontrollit teknik
Ministria e Punëve të Brendshme i kujton qytetarët se në sportelin e posaçëm në objektin e RTVM-së, (kati përdhes) në Shkup, i cili punon çdo ditë pune nga ora 08:00 deri në 17:00, mund të paraqesin kërkesë për ndryshimin e të dhënave të kontaktit që kanë dorëzuar gjatë regjistrimit të automjeteve, nëse ka pasur ndryshim ose në rast se kanë marrë njoftim me të dhëna të pasakta nga sistemi Safe City.
E njëjta procedurë mund të kryhet edhe nëpër stacionet e kontrollit teknik të automjeteve në të gjithë vendin, ku është i vendosur një referent i deleguar i MPB-së.
Lajme nga vendi
Bllokada kufitare në Ballkan nga shoferët e kamionëve, kundërshtim ndaj sistemit të ri digjital të BE-së
Shoferët e kamionëve në disa vende të Ballkanit kanë ndërmarrë sërish aksione bllokuese në pikat kufitare, në shenjë proteste ndaj pasojave që, sipas tyre, po shkakton sistemi i ri digjital i Bashkimit Evropian për hyrje-daljet në hapësirën Shengen.
Protesta hyri të mërkurën (28 janar 2026) në ditën e tretë, duke prekur dhjetëra pikëkalime kufitare në Bosnje dhe Hercegovinë, Mal të Zi dhe Maqedoninë e Veriut. Aksione të ngjashme u shënuan edhe nga shoferët serbë, të cilët bllokuan kalimet drejt vendeve të BE-së, duke krijuar kolona të gjata kamionësh.
Situata më e rënduar u raportua në pikëkalimin Bajakovo, kalimi kryesor ndërmjet Kroacisë dhe Serbisë, ku, sipas policisë kufitare, kolona e kamionëve arriti një gjatësi rreth dy kilometra. Dhoma e Tregtisë dhe Industrisë së Serbisë (CCIS) paralajmëroi se ekonomitë e Ballkanit Perëndimor po pësojnë humbje ditore prej rreth 100 milionë eurosh nga vlera e eksporteve të bllokuara.
Arrestimet, shkaku kryesor i protestës
Aksionet janë koordinuar nga shoqatat e spedicionit, të cilat kundërshtojnë zbatimin e sistemit digjital Entry/Exit System (EES), në fuqi që nga tetori për shtetasit e vendeve joanëtare të BE-së. Ky sistem zëvendëson vulat tradicionale në pasaporta, duke regjistruar në mënyrë elektronike hyrje-daljet, të dhënat e udhëtimit dhe informacionet biometrike në një databazë të përbashkët për hapësirën Shengen. Qëllimi i tij është forcimi i kontrollit të kufijve të jashtëm të BE-së.
Sipas CCIS, protestat janë nxitur nga arrestimet e përsëritura të shoferëve që kanë tejkaluar rregullin e qëndrimit maksimal prej 90 ditësh brenda një periudhe 180-ditore në territorin e BE-së. Edhe pse kjo rregullore ka qenë në fuqi prej kohësh, sistemi EES ka mundësuar një zbatim më të rreptë dhe më të saktë të saj.
Organizatorët e protestës kanë bërë të ditur se bllokadat do të hiqen vetëm nëse hapen negociata për vendosjen e rregullave përjashtuese, të cilat do të garantonin shmangien e arrestimeve të shoferëve gjatë ushtrimit të aktivitetit të tyre profesional.
Reagimi i BE-së dhe rëndësia ekonomike e rajonit
Të hënën (26 janar 2026), një zëdhënës i Komisionit Evropian deklaroi se Brukseli është i informuar për shqetësimet e ngritura nga sektori i transportit dhe po e ndjek nga afër zhvillimin e situatës.
Sipas të dhënave zyrtare, Bashkimi Evropian mbetet partneri kryesor tregtar i vendeve të Ballkanit Perëndimor, duke përbërë rreth 60 për qind të volumit të përgjithshëm tregtar të rajonit. Vetëm gjatë vitit 2024, shkëmbimet tregtare të mallrave mes BE-së dhe Ballkanit Perëndimor arritën mbi 83 miliardë euro.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Mbi 60 banorë të Shkupit morën gjobë prej 50 eurosh pasi u kapën në flagrancë duke hedhur mbeturina pas orës 22:00. Masa për ndalimin e hedhjes së mbeturinave gjatë orëve të mbrëmjes është në fuqi prej disa muajsh, ndërsa periudha e paralajmërimeve dhe përshtatjes ka përfunduar, ndaj inspektorët tani veprojnë rreptësisht.
Sitel vërejti se bulevardet kryesore janë të pastra dhe kontejnerët bosh, por në zonat e lagjeve ende shihet tejmbushje e mbeturinave. Kryetari i Qytetit të Shkupit theksoi se kjo masë ka sjellë rregull dhe disiplinë në deponimin e mbeturinave.
Sipas Qytetit të Shkupit, inspektorët e mjedisit në tre muajt e fundit kanë kryer mbi 45 kontrolle të jashtëzakonshme në zonën e OHIS-it, Staklarës dhe komunës së Sarajit, me gjoba nga 1.000 deri në 53.000 euro. Personat përgjegjës për menaxhimin e mbeturinave janë gjobitur me 3.000 euro, ndërsa personat fizikë kanë marrë gjoba nga 250 deri në 500 euro për deponim të parregullt ose djegie të mbeturinave.
MPB: Qytetarët të përditësojnë të dhënat e tyre për “Safe City” në sportelin e posaçëm në RTVM ose në pikat e kontrollit teknik
BOKS: TYSON FURY KUNDËR ARSLANBEK MAKHMUDOV MË 11 PRILL
CHAMPIONS: SPEKTAKËL ME 61 GOLA NË NDESHJET E FUNDIT TË FAZËS SË LIGËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
