Lajme nga vendi
Gashi: Që të fillojnë ndryshimet kushtetuese duhet marrëveshje dhe vullnet politik
Kuvendi lidhur me procedurën është i gatshëm që në çdo kohë t’i fillojë ndryshimet kushtetuese, por që të fillojë ai proces duhet vullnet politik dhe marrëveshje që të kemi perceptim të qartë, që të mos fillojmë diçka që nuk do të ketë sukses, deklaroi sot kryetari i Kuvendit, Afrim Gashi në brifing me gazetarët
“Lidhur me Kuvendin, shërbimet dhe procedurat ne jemi të gatshëm. Shpresojmë që sa më shpejtë do të arrijmë atë marrëveshje politike që të fillojë ai proces. Unë do të doja që kjo të jetë sa më shpejtë sepse mendoj se është me rëndësi strategjike dhe e rëndësishme që t’i fillojmë bisedimet sa më shpejtë dhe të bëhemi anëtare e plotfuqishme e BE-së”, tha Gashi.
Lidhur me vlerësimin për Kuvendin në Raportin e Komisionit Evropian, sipas Gashit, ai është pozitiv gjegjësisht ka progres të vogël. Gashi tha se në mandatin e tij nuk ka keqpërdorim të flamurit evropian për miratimin e ligjeve, si dhe se numri i madh i ligjeve me procedurë të shkurtër janë në fakt harmonizime me Ligjin për organizimin dhe punën e organeve të administratës shtetërore.
“Dje, nga ambasadori i Bashkimit Evropian, Raporti i Komisionit Evropian mbërriti solemnisht në Kuvendin tonë. Në pjesën e Kuvendit mund t’ju them se vlerësimi i përgjithshëm është pozitiv. Ka pak progres. Vitin e ardhshëm do të bëjmë gjithçka përmes agjendës së reformave dhe përmes të gjitha rekomandimeve të dhëna në Raport për t’i zbatuar sa më shpejt për vitin e ardhshëm, jo vetëm që raporti të jetë pozitiv, por e bëjmë më së shumti për hir të vetvetes, të kemi Kuvend më funksional dhe transparent dhe të jenë të kënaqur edhe deputetët dhe qytetarët nga puna e Kuvendit”, tha Gashi.
Shënohet, siç tha, se Kuvendi nuk e keqpërdor më flamurin evropian, por se përsëriten procedurat e shkurtra.
“Për fat të keq, në fillim të këtij mandati tonë për shkak të Ligjit të ri për administrim dhe punë të Qeverisë shumica e ligjeve të cilët na erdhën në procedurë të shkurtër ishin për shkak të harmonizimit të emrave të institucioneve dhe ministrive. Për këtë në fillim të kemi pak mirëkuptim, por bëj përpjekje maksimale me të gjitha partitë dhe deputetët, por edhe me Qeverinë dhe me ministrat, që t’i bindim të propozojnë miratimin e ligjeve me procedurë të shkurtër sepse nuk ka kuptim edhe në drejtim të afateve kohore”, tha Gashi.
Theksoi se Kuvendi cakton shumë shpesh mbledhje, ka parashikueshmëri në seanca, kështu që tre-katër ditë më herët ose më vonë nuk fitohet shumë kohë. “I bindim ministrat shumicën ose të gjitha ligjet t’i propozojnë në procedurë të rregullt sepse mendoj se është mirë edhe për ata, edhe për deputetët edhe për qytetarët dhe për palët e interesuara për ligjet që i miratojmë”, tha Gashi në deklaratë për mediat pas brifingun.
Kryetari i Kuvendit tha se nuk ka informacion nga Qeveria kur do të vijë në rend dite Propozim-buxheti për vitin 2025.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
