Lajme nga vendi
Reagim i Komisionit për parandalim të diskriminimit për ndryshimet e Ligjit për arsim fillor
Komisioni për parandalim dhe mbrojtje nga diskriminimi shpreh pakënaqësi nga Propozim-ligji për ndryshime dhe plotësime të Ligjit për arsim fillor dhe thotë se me të nuk përmbushen qëllimet për mosdiskriminim.
“Qëllimi fillestar për ndryshim të Ligjit ishte, të futen dispozita me të cilat do të pamundësohet dhe parandalohet segregacioni i fëmijëve romë në arsim, përkatësisht të zbatohet aktvendimi i Gjykatës evropiane për të drejta të njeriut ‘Elmazova dhe të tjerë kundër Republikës së Maqedonisë së Veriut’. Segregacioni i fëmijëve romë në arsim është prolem serioz dhe kompleks i cili paraqet formë të diskriminimit sistematik racor dhe etnik dhe për zgjidhjen e tij nevojiten ndryhsime sistematike në kornizën ligjore, politikat në nilvelin lokal dhe nacional në fushën e arsimit, banim dhe mbrojtjen sociale, por edhe investime serioze në zbatimin e masave adekuate, me qëllim të, mundësimit të arsimit inkluziv të të gjithë fëmijëve”, thuhet në reagimin e sotëm të Komisionit.
Nga atje thonë se kanës jellë disa mendime dhe vazhdimisht bëjnë thirrje për ndryshime sistematike, em qëllim të zgjidhjes së këtij problemi.
Theksojnë se akoma më shumë shqetëson fakti që Ministria e përdorë ligjin për të bërë ndryshime në dëm të inkluzionit të fëmijëve me aftësi të kufizuara në arsim, në dëm të barazisë gjinore dhe në dëm të mbrojtjes nga dhuna dhe diskriminimi i të rinjve me orientim të ndryshëm seksual dhe identiet gjinor.
Theksojnë edhe se me ndryshimet, fshihen termet barazi gjinroe dhe orientim seksual, gjinia dhe identiteti gjinor si baza diskriminuese, Kjo, thonë, është në kundërshtim me Ligjin për parandalim dhe mbrojtje nga diskriminimi që parasheh harmonizime të legjislaturës.
I bëjmë thirrje Ministrisë dhe Qeverisë ta ndryshojnë ligjin në pajtim me komentet dhe udhëzimet e tyre dhe të marrin parasysh se si trup për barazi, Komisioni e ka profesionizmin, kompetencën dhe kapacitetet në këtë fushë. Prandaj, theksojnëm kërkesat e tyre në pajtim me ligjin duhet të merren parasysh, sepse siç thonë, të gjithë fëmijët kanë të drejtë të jenë të barabartë dhe të sigurt në arsim.
Dhjetëra shtëpi të vërshuara, oborre të kthyera në liqene, por edhe rrugë të bllokuara dhe rrëshqitje dheu në disa vende. Ky është bilanci nga reshjet e dendura të shiut dhe dalja e lumenjve nga shtrati në rajonin e Pollogut. Komunat e Tetovës, Gostivarit dhe Zhelinës kanë filluar me formimin e komisioneve për vlerësim dhe evidentim të dëmeve, e në disa pika, edhe dislokim të banorëve nga objektet e banimit, si pasojë e rrezikut nga përmbytjet.
“Aktualisht po realizohen analiza të detajuara të rrezikshmërisë me qëllim që banorët e zonave ku siguria është cenuar, të zhvendosen në hapësira më të sigurta, dhe paralelisht po bëhet edhe evidentimi i objekteve të rrezikuara për të vërtetuar edhe statusin e tyre juridik. Sa i përket infrastrukturës rrugore, në rrugën e Banjës janë evidentuar rrëshqitje të mëdha të dheut dhe ekipet e komunës kanë ndërhyrë menjëherë për pastrim dhe normalizim të qarkullimit. Ndërhyrje janë realizuar edhe në Gjermë ku situata është më kritike”, tha Besarta Ramdani, zëdhënëse e Komunës së Tetovës.
“Zonat më të prekura në Komunën e Gostivarit kanë qenë, fshati Forinë, fshati Llakavicë, fshati Turçan i Vogël dhe disa lagje të qytetit, por ne si komunë, kemi bashkëpunuar me banorët dhe nga gjitha të dhënat që përmendëm më kritike ka qenë Forina. Për vlerësimin e dëmit, tani do formojmë një komision dhe do dalim në terren për të vlerësuar dëmet në fshatin Forinë dhe banorëve që janë prekur nga vërshimet”, u shpreh Safet Asani, komisioni për mbrojtje dhe shpëtim Komuna e Gostivarit.
Zona e fundit ku pati përmbytje një ditë më parë ishte fshati Strimnicë.
“Në këtë lagje afërsisht 12 shtëpi kanë dëme materiale që iu ka hy uji nëpër bodrume. Ne si ekipe e komunës ishim afër qytetarëve dhe u ndihmuam sa mundëm, andaj shpresoj që Ministria e Ekologjisë dhe institucionet më lartë të marrin masa që ky problem të përfundoj”, deklaroi Suad Alili, Ndërmarrja Publike Komuna e Zhelinës.
Sipas udhëheqësve të komunave dhe Drejtorisë për Mbrojtje dhe shpëtim përmbytjet janë si pasojë e mos pastrimit në kohë të shtretërve të lumenjve, dhe hedhjes së pakontrolluar të mbeturinave nëpër lumenj. /Alsat.mk
PROTESTË NË 18-VJETORIN E PAVARËSISË SË KOSOVËS
“Vërshimet”, Tetova, Gostivari e Zhelina formojnë komisione për vlerësimin e dëmeve
Kosova, 18 vjet shtet i pavarur, krerë shtetesh urojnë Kosovën
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
