Lajme nga vendi
Murtaja e kafshëve, është përhapur në shtetet fqinje alarmohen institucionet vendore
Sëmundja e murtajës tek përtypësit e vegjël është përhapur në shtetet fqinje, respektivisht në Greqi dhe Bullgari, ndërsa raste të këtilla janë hasur edhe në Rumani. Në vendin tonë, kjo sëmundje ende nuk është e pranishme, ndërsa autoritetet tashmë kanë filluar me takimet me blegtorët nëpër disa komuna për të parandaluar përhapjen e kësaj sëmundje. Përfaqësues të Agjencisë për Ushqim dhe Veterinari, kanë qëndruar në Tetovë, ku blegtorëve individual dhe Shoqatave të Blegtorëve u është sqaruar për shenjat klinike që shfaq sëmundja, siç janë ethet, infeksione në sy, humbje të peshës, kurse sëmundja paraqitet tek kafshët e reja, qengjat dhe dhitë, e më pak tek delet.
“Për njerëzit nuk ka rrezik, por nëse kjo sëmundje paraqitet edhe në vendin tonë, pasojat do të jenë të mëdha, pasi do të ndalohet eksporti për dy vite”, tha Svetllana Kolariq, sekretar Shtetëror për Ushqim. Nga agjencia njoftojnë se veterinerët janë trajnuar fillimisht se si ta njohin këtë sëmundje, sepse sëmundja është e përafërt me sëmundjen e shapit. Prandaj, veterinerët janë të parët që e detektojnë dhe më pas i alarmojnë institucionet përkatëse, nëse ka raste të dyshimta.
“Qengjat janë prodhimi ynë strategjik dhe si shtet duhet që të kujdesemi, të marrim të gjitha masat dhe të parandalojmë paraqitjen eventuale të sëmundjes. Paraqitja e sëmundjes do të thotë humbje të mëdha ekonomike, ndërsa për momentin – numri i dhive dhe derrave është rreth 480 mijë dhe do të thotë ndalim të eksportit, ndalesë për lëvizje, asgjësim i tyre, ndalesë për eksportin e qengjit. Për momentin nuk kemi asnjë shenjë të kësaj sëmundje në vendin tonë, ky është takimi ynë i shtatë me fermerët dhe janë marrë masa hyrjen e kësaj sëmundje dhe përhapjen e saj në vendin tonë”, informoi Kolariq.
Përfaqësuesit e Kooperativave Bujqësore thonë se këto takime janë të mira për t’u informuar me qëllim që të parandalojnë përhapjen e sëmundjes në vendin tonë. “Ne ende nuk e dimë se çfarë simptoma kanë kafshët prandaj janë edhe këto takime me blegtorët që t’i informojmë nga afër, në bashkëpunim me institucionet shtetërore që janë në kuadër të Ministrisë së Bujqësisë, që të parandalohet kjo sëmundje”, tha Naser Xhemaili, përfaqësues i Kooperativës Bujqësore “Sharri” në Tetovë. Gjatë takimit me blegtorët, janë dhënë edhe rekomandime se si të kujdesen për kafshët nga kjo sëmundje, duke përfshirë pastrimin, dezinfektimin, vaksinimin dhe kontrollim të tyre nga veterinerët.TV KOHA
Kuvendi sot në kuadër të seancës së 79-të plenare me 73 vota “pro” dhe një “të përmbajtur”, ka miratuar Ligjin për Këshillin gjyqësor.
Qëllimi kryesor i ndryshimeve ligjore është eliminimi i dobësive të identifikuara deri më tani në kornizën ligjore ekzistuese dhe sigurimi i një Këshilli gjyqësor më funksional, transparent dhe llogaridhënës.
Risitë kryesore të parashikuara në ligj janë publikimi në procedurën për shkarkimin e kryetarit të Këshillit gjyqësor, precizimi i kritereve për zgjedhjen e një “juristi të shquar” dhe vendosja e debatit publik gjatë zgjedhjes së kandidatëve për anëtarë jo-gjyqësorë me qëllim të transparencës dhe llogaridhënies më të madhe.
Njëherësh, parashikohet edhe forcimi i kritereve për zgjedhjen, përgjegjësinë dhe shkarkimin e anëtarëve të Këshillit nga radhët e gjyqtarëve, duke precizuar qartë procedurën mbi përgjegjësinë disiplinore të gjykatësve, por edhe të anëtarëve të Këshillit gjyqësor.
Risi e rëndësishme është vendosja e një detyrimi për Këshillin gjyqësor për të precizuar, individualizuar dhe shpjeguar vendimet mbi përzgjedhjen dhe përcaktimin e përgjegjësisë së gjykatësve, duke përcaktuar afatet për ndërmarrjen e veprimeve për përgjegjësinë disiplinore të gjykatësve, si dhe duke precizuar bazat dhe procedurën për ankimim kundër vendimit të Këshillit gjyqësor dhe zgjidhje të shumta të tjera për përmirësimin e kornizës së përgjithshme ligjore konform rekomandimeve të Bashkimit Evropian.
Lajme nga vendi
Banka Popullore: Borxhi i jashtëm neto i vendit është ulur për 106 milionë euro në kuartalin e tretë të vitit 2025
Banka Popullore i publikoi informatat për ndryshimet më të rëndësishme në borxhin e jashtëm, kërkesat e jashtme dhe pozicionin ndërkombëtare të investimeve për fundin e kuartalit të tretë të vitit 2025.
“Në datën 30.09.2025, borxhi i jashtëm neto arrin 4.494 milionë euro (ose 27,1% e PBB-së së projektuar). Neto borxhi i jashtëm i vendit, në kuartalin e tretë të vitit 2025, është ulur për 106 milionë euro, ose për 2,3%. Nga aspekti i strukturës, neto-borxhi privat edhe më tutje ka pjesëmarrje më të madhe në neto borxhin e përgjithshëm me 67%”, citohet në kumtesën e Bankës Popullore.
Gjatë kuartalit të tretë të vitit 2025, pozicioni negativ i intestimeve ndërkombëtare neto (PNI) është ulur për 250 milionë euro dhe arrin 8.738 milionë euro, që paraqet 52,7% e PBB-së së projektuar për vitin 2025.
Lajme nga vendi
MPB: Nga fillimi i dhjetorit 18,318 kundërvajtje komunikacioni, u privuan nga liria 123 persona për drejtim të pakujdesshëm të automjetit motorik
Në periudhën nga 01.12.2025 deri më 28.12.2025, si rezultat i kontrolleve të rregullta rrugore që i realizojnë nëpunësit policorë nga të gjithë sektorët e punëve të brendshme në rrugët e mbarë vendit, nga gjithsej 18,318 urdhërpagesa të lëshuara, 4,019 kundërvajtje kanë të bëjnë me shoferë që nuk e kanë respektuar shpejtësinë e përshkruar të lëvizjes, informuan në mëngjes nga Ministria e Punëve të Brendshme.
“Të privuar nga liria për drejtim të pakujdesshëm të automjetit motorik në përputhje me nenin 297-a të Kodit Penal ishin 123 persona, prej të cilëve 100 për vozitje nën ndikimin e alkoolit, 13 për vozitje me shpejtësi më të madhe nga e lejuara në vendbanim, shtatë për vozitje me shpejtësi më të madhe se shpejtësia e lejuar jashtë vendbanimit, tre për vozitje në drejtim të ndaluar. Më tej, sipas pasqyrës statistikore të aktiviteteve policore, gjatë muajit dhjetor janë evidentuar 5,018 kundërvajtje për parkim në mënyrë të padrejtë, 1,843 masa janë shqiptuar ndaj shoferëve që drejtonin automjetin pa patentë shoferi, si dhe 679 sanksione për vozitje nën ndikimin e alkoolit”, sqaruan nga MPB.
Nga ana tjetër, në përputhje me dispozitat e Ligjit për Sigurinë e Qarkullimit Rrugor u sanksionuan 18 shoferë motoçikletash për mosmbajtje të helmetës mbrojtëse, dhe janë sanksionuar edhe 415 këmbësorë.
“Gjithashtu janë sanksionuar 1,046 pjesëmarrës në komunikacion të cilët nuk kanë përdorur rripin e sigurisë. Në përputhje me Ligjin për Automjete, 322 automjete u mënjanuan nga komunikacioni për shkak se ishin të paregjistruara, dhe 172 për shkak të parregullësisë teknike. Janë sanksionuar 101 shoferë për shkak të mospërmbushjes së kushteve të përshkruara në lidhje me errësimin e xhamave të automjeteve (folive)”, shtuan nga MPB.
Kontrollet e komunikacionit do të vazhdojnë edhe në ditët në vazhdim.
“U bëjmë thirrje të gjithë pjesëmarrësve në komunikacion që të respektojnë rregullat dhe rregulloret e komunikacionit dhe të kontribuojmë së bashku për rrugë më të sigurta”, thonë nga MPB.
Kuvendi miratoi Ligjin për Këshillin gjyqësor
Banka Popullore: Borxhi i jashtëm neto i vendit është ulur për 106 milionë euro në kuartalin e tretë të vitit 2025
KF ARSIMI MË 3 JANAR NIS ME PËRGATITJE PËR SEZONIN PRANVEROR
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
