Lajme nga vendi
Shkup, hetim dhe paraburgim për një person i cili akuzohet për tentim-vrasje
Prokuroria Themelore Publike në Shkup ka nxjerrë Urdhër për zhvillimin e procedurës hetimore kundër një personi për veprën penale Vrasje sipas Kodit Penal. Ndaj një personi tjetër ka iniciuar procedurë për shkak të dyshimeve për veprën e – Ndihmës në kryerjen e veprës penale, transmeton Portalb.mk.
Më 10 dhjetor, në fshatin Mirkovc, tashmë i dyshuari 37-vjeçar me paramendim ka tentuar t’i marrë jetën një personi, ndërsa motivi i tij ka qenë armiqësia e mëparshme e ndërsjellë për shkak të marrëdhënieve të pazgjidhura të borxheve. Ai ka shkuar në shtëpinë e viktimës, ku ka nxjerrë një armë zjarri – pistoletë – para derës dhe ka gjuajtur një plumb në drejtim të viktimës, por nuk ka arritur ta godasë.
Plumbi ka përfunduar në murin ngjitur me kornizën e derës së përparme, në lartësinë e gjoksit të viktimës, i cili menjëherë pasi ka vërejtur armën është tërhequr brenda shtëpisë dhe ka mbyllur derën e përparme, e cila mbyllet automatikisht. I dyshuari ka filluar t’i bjerë dhe shkelmojë në derën e mbyllur të hyrjes, dhe pasi nuk ka arritur të hyjë në shtëpi, është larguar nga vendi i ngjarjes me personin që dyshohet se e ka ndihmuar të shmangë zbulimin pas kryerjes së krimit.
Prokurori publik, duke vlerësuar se janë plotësuar bazat ligjore, ka propozuar që autorit të dyshuar të vrasjes në tentativë t’i caktohet masa e paraburgimit. Me vendim, Gjykata Themelore Penale Shkup caktoi masën e kërkuar të paraburgimit në kohëzgjatje prej 30 ditësh.
Kreu i komunës së Tetovë, Bilall Kasami ka njoftuar që nga sot në qytet do të operojnë 100 trotinetë elektrikë, të cilët qytetarët mund t’i marrin me qira për relacione të shkurtra. Kasami tha se minuti do të kushtojë 6 denarë, ndërsa përdoruesit duhet të jenë mbi moshën 13 vjeçe, ndërsa shpejtësia është e kufizuar në 25 km/h.
“Me vetëm një aplikacion në dorë, ti lëviz lirshëm në qytet, vetëm 6 denarë për minut. Përdoruesi duhet të jetë mbi 13 vjeç. Helmetë dhe jelek reflektues të detyrueshëm në kushte të caktuara. Shpejtësia e kufizuar në 25km/h, sepse siguria është mbi të gjitha. Ndalohen: vozitja nga më shumë se një person, heqja e duarve nga timoni si dhe transporti i sendeve!”, ka shkruar Kasami.
Kryeministri Hristijan Mickoski sot në debatin në qeveri, me temë “Trende demografike, sfida dhe zgjidhje të mundshme” – Zhvillimi i dokumenteve strategjike për rezistencë demografike, njoftoi se po mendojnë për vendosje të tatimit shtesë për personat e pamartuar. Mickoski tha se kjo mund të bëhet për të stimuluar rritjen e popullsisë.
“Këtu seriozisht mendojmë për vendosjen e tatimeve shtesë për të pamartuarit. Të nderuar, nuk ka asgjë më të shenjtë se jeta, dhe nuk ka asgjë më të trishtë nga ajo që sot shteti ynë ngadalë po zbrazet. Por gjithashtu, nuk ka asgjë më të guximshëm sesa populli që zgjohet. Për këtë themi, koha është për të ardhmen, për shtetin ku do të lindin më tepër fëmijë. Këtë e kemi imperativ kryesor, më shumë të rinj të hyjnë në martesë dhe të lindin më tepër fëmijë”, deklaroi Mickoski.
Deri më tani janë dorëzuar 6.026 aplikime për masat aktive nga Plani Operativ për punësim dhe ka nisur përzgjedhja e kandidatëve. Këtë e ka bërë të ditur ministri i Ekonomisë dhe Punës, Besar Durmishi.
Ai prezantoi masën për praktikë profesionale për të rinjtë deri në moshën 29 vjeç, e cila synon të përfshijë 1.352 persona të papunë me së paku arsim të mesëm, për t’i ndihmuar ata të fitojnë aftësi praktike dhe përvojë pune.
Për herë të parë do të zbatohet edhe praktika virtuale për 40 pjesëmarrës – trajnim në distancë i përshtatur me nevojat moderne të tregut të punës që nuk kërkon prani fizike. Pjesëmarrësit do të marrin kompensim mujor prej 12.000 denarë për tre muaj, me sigurim shëndetësor dhe tatim personal të përfshirë.
Durmishi theksoi se ky Plan Operativ përfshin një fond rekord prej 40 milionë euro, të dedikuar për më shumë se 10.000 qytetarë që kërkojnë punë, dëshirojnë të hapin biznes ose të trajnohen në një profesion konkret.
Ndihma financiare për përfituesit përfshin:
Deri 70.000 euro për hapjen e biznesit për të rinjtë deri në 29 vjeç,
Deri 10.000 euro për ide inovative të të rinjve,
Deri 20.000 euro për biznes të përbashkët nga së paku dy persona.
Sipas tij, këto nuk janë vetëm shifra, por shpresë dhe mundësi reale për qytetarët.
Kasami: 100 trotinetë të rinj elektrik në Tetovë
Mickoski paralajmëron tatim shtesë për të pamartuarit në Maqedoni
6.026 aplikime deri tani nga plani për vetëpunësim në Maqedoninë e Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve