Lajme nga vendi
Fetai: Garantoj se licencat për edukatorët shqiptar do të jenë në gjuhën shqipe
Zv.kryeministri Arben Fetai ka reaguar pas vendimit të presidentes maqedonase, Gordana Siljanovska, për të mos e firmosur Dekretin e Ligjit për mbrojtjen e fëmijëve për shkak të amendamenteve për licencat në dy gjuhë.
Në një prononcim për gazetën LAJM, Fetai u zotua se licencat për edukatorët shqiptarë do të jenë në gjuhën shqipe.
“Është për keqardhje mosdekretimi i ligji në fjalë. Kjo është njëfarë fitore e populizmit, e SDMS-së dhe Levicës, të cilët në këtë drejtim po dëshmojnë se nuk dallojnë fare. Mua më vjen keq që një SDSM që vazhdimisht është thirrur në promovimin e të drejtave të të gjitha bashkisë dhe veçanërisht të drejtave gjuhësore, sot nuk ka fare dallim nga Levica e Apasievit. Ligji në fjalë i ka kaluar procedurat në Qeveri dhe Parlament dhe unë garantoj që për edukatorët shqiptar, licencat do të jenë në gjuhën shqipe, pavarisht lëvizjeve politike që bëhen tani për tani për arsye populiste”, tha Fetai në një prononcim për gazetën LAJM.
Dhjetëra shtëpi të vërshuara, oborre të kthyera në liqene, por edhe rrugë të bllokuara dhe rrëshqitje dheu në disa vende. Ky është bilanci nga reshjet e dendura të shiut dhe dalja e lumenjve nga shtrati në rajonin e Pollogut. Komunat e Tetovës, Gostivarit dhe Zhelinës kanë filluar me formimin e komisioneve për vlerësim dhe evidentim të dëmeve, e në disa pika, edhe dislokim të banorëve nga objektet e banimit, si pasojë e rrezikut nga përmbytjet.
“Aktualisht po realizohen analiza të detajuara të rrezikshmërisë me qëllim që banorët e zonave ku siguria është cenuar, të zhvendosen në hapësira më të sigurta, dhe paralelisht po bëhet edhe evidentimi i objekteve të rrezikuara për të vërtetuar edhe statusin e tyre juridik. Sa i përket infrastrukturës rrugore, në rrugën e Banjës janë evidentuar rrëshqitje të mëdha të dheut dhe ekipet e komunës kanë ndërhyrë menjëherë për pastrim dhe normalizim të qarkullimit. Ndërhyrje janë realizuar edhe në Gjermë ku situata është më kritike”, tha Besarta Ramdani, zëdhënëse e Komunës së Tetovës.
“Zonat më të prekura në Komunën e Gostivarit kanë qenë, fshati Forinë, fshati Llakavicë, fshati Turçan i Vogël dhe disa lagje të qytetit, por ne si komunë, kemi bashkëpunuar me banorët dhe nga gjitha të dhënat që përmendëm më kritike ka qenë Forina. Për vlerësimin e dëmit, tani do formojmë një komision dhe do dalim në terren për të vlerësuar dëmet në fshatin Forinë dhe banorëve që janë prekur nga vërshimet”, u shpreh Safet Asani, komisioni për mbrojtje dhe shpëtim Komuna e Gostivarit.
Zona e fundit ku pati përmbytje një ditë më parë ishte fshati Strimnicë.
“Në këtë lagje afërsisht 12 shtëpi kanë dëme materiale që iu ka hy uji nëpër bodrume. Ne si ekipe e komunës ishim afër qytetarëve dhe u ndihmuam sa mundëm, andaj shpresoj që Ministria e Ekologjisë dhe institucionet më lartë të marrin masa që ky problem të përfundoj”, deklaroi Suad Alili, Ndërmarrja Publike Komuna e Zhelinës.
Sipas udhëheqësve të komunave dhe Drejtorisë për Mbrojtje dhe shpëtim përmbytjet janë si pasojë e mos pastrimit në kohë të shtretërve të lumenjve, dhe hedhjes së pakontrolluar të mbeturinave nëpër lumenj. /Alsat.mk
PROTESTË NË 18-VJETORIN E PAVARËSISË SË KOSOVËS
“Vërshimet”, Tetova, Gostivari e Zhelina formojnë komisione për vlerësimin e dëmeve
Kosova, 18 vjet shtet i pavarur, krerë shtetesh urojnë Kosovën
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
