Lajme nga vendi
Në RMV gjatë 2024 pati më shumë paraqitje për helmime me ushqim dhe produkte me afat të skaduar
Qarkullimi i brendshëm i ushqimit me prejardhje nga kafshët dhe jo nga kafshët, prej fillimit të vitit 2024 përfundimisht me nëntorin, ishte mbuluar me rreth 30 000 kontrolle të kryera tek operatorët në kuadër të mbikëqyrjeve të rregullta, të jashtëzakonshme dhe të realizuara. Si të pasigurta janë asgjësuar rreth pesëdhjetë tonë ushqim, për mënjanim për shkak të parregullsive të konstatuara janë dhënë rreth 2 000 vendime, ndërsa janë shqiptuar edhe përafërsisht 300 gjoba, transmeton MIA.
Analizat e të dhënave për mbikëqyrjet e realizuara në vitin 2024, Agjencia për ushqim dhe veterinari (AUV) do t’i evaluojë në muajt e parë të vitit. Ato do ta japin numrin e saktë – sa gjithsej kontrolle kanë kryer veterinarët zyrtarë dhe inspektorët e ushqimit në qarkullimin e brendshëm dhe gjatë importit.
Siç thonë nga AUV, kontrollet e realizuara deri më tani në qarkullimin e brendshëm dhe gjatë importit, 117 465, premtojnë se jo vetëm se do të arrihen, por edhe do të tejkalohen 125 909 kontrollet e kryera në vitin 2023 të operatorëve me ushqim në vend dhe të dërgesave që importohen dhe tranzitojnë nëpër shtet.
Në gjysmën e dytë të vitit 2024, Agjencia për ushqim dhe vetrinari i intensifikoi kontrollet e jashtëzakonshme inspektuese, duke e vënë theksin në kontrollet të cilat i kreu tek operatorët me ushqim të cilët punojnë me kategoritë e ndjeshme të qytetarëve: kënde të lojërave për fëmijë, azile, kuzhina në kopshte dhe shkolla fillore dhe speciale, tregje të gjësendeve të vjetra, por edhe në objekte gastronomike.
“Gjatë importit të ushqimit me prejardhje jo nga kafshët janë realizuar 44 137 mbikëqyrje inspektuese, ndërsa gjatë importit të produkteve dhe materialeve që vijnë në kontakt me ushqimin, 10 352. Inpektorët për ushqim në vendkalimet kufitare, si të pasigurta, kanë kthyer/asgjësuar 7 dërgesa me mbi 74 tonë ushqim të pasigurt me prejardhje jo nga kafshët”, theksojnë nga AUV.
Lidhur me mbrojtjen shëndetësore dhe mirëqenien e kafshëve, janë kryer mbi 14 000 kontrolle inspektuese nga ana e veterinatëve zyrtarë lidhur me zbatimin e ligjeve nga fusha e mbrojtjes shëndetësore, mirëqenies së kafshëve dhe identifikimin dhe regjistrimin e tyre. Janë dhënë 267 vendime për edukim, 136 urdhëresa/ndalesa për mënjanim të mangësive të konstatuara nga kontrollet.
“Sa i përket kontrolleve të veterinarëve zyrtarë në vendkalimet kufitare, gjatë importit të ushqimit me prejardhje nga kafshët, ushqimit për kafshët dhe importit të kafshëve të gjalla, nga janari janë kryer 20 479 mbikëqyrje prej të cilave 15 431 të dërgesave për import dhe 5 048 kontrolle lidhur me dërgesat të cilat tranzitojnë nëpër vend”, përmendin nga Agjencia.
Gjithsej 14 nga dërgesat kanë qenë të pasigurta. Janë kthyer 9 dërgesa, ndërsa në mënyrë të padëmshme janë asgjësuar 5 dërgesa nga importi.
“Këtë vit, në Bazën e të dhënave për kryerje të mbikëqyrjes së jashtëzakonshme inspektuese të Sektorit për mbrojtje të konsumatorëve janë evidentuar gjithsej 317 nisma. Rezultate më të shpeshta në nisma mbeten paraqitjet për sipërmarrësi të pandërgjegjshme 36 dhe për sulme dhe kafshime nga qeni 14. Sa i përket ushqimit, primatin e kanë nismat për dyshim të helmimit me ushqim (13), për prodhime me afat të skaduar (12), për prani të kontaminuesve (8), si dhe për mungesë higjiene (7), informojnë nga AUV.
Lajme nga vendi
Nga viti i ardhëshëm drejtimet Informatikë dhe Programim në Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës
Nga viti i ardhëshëm drejtimet #Informatikë dhe #Programim në #Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës!, theksohet në komunikatën e ASH-së, të cilën MIA e transmeton në formë integrale.
Këshilltari i Aleancës për Shqiptarët, Arlind Murtezani, në mbledhjen e fundit të Këshillit Komunal të Tetovës, propozoi që nga viti i ardhëshëm shkollor, në Gjimnazin “7 Marsi” të hapen dy drejtime të reja për Informatikë dhe Programim. Në arsyetimin e tij, Murtezani tha se janë mbi 400 nxënës që ndjekin kurse private në këto drejtime dhe se hapja e paraleleve në shkollë të mesme do tu ndihmonte nxënësve të avansojnë në këto drejtime inovative që janë trend botëror dhe do ti përgadit ata për studime të suksesshme universitare dhe arritje të larta në Informatikë dhe Programim. Ai ftoi edhe Këshillin komunal dhe Kryetarin e Komunës që të mbështesin iniciativën për të mirën e të rinjëve dhe qytetarëve të Tetovës dhe bashkërisht të realizojnë këtë projekt. Iniciativa e këshilltarit Arlind Murtezani u mirëprit edhe nga udhëheqësia e Komunës së Tetovës, ndërsa përgjegjësi për arsim në përgjigjen e tij tha se para vitit të ardhëshëm shkollor do të dërgojnë kërkesë në ministri për të siguruar miratimin final dhe nga shtatori i ardhëshëm të fillojnë dy drejtimet e reja në Gjimnazin “7 Marsi” në Tetovë.
Një grua 39-vjeçare nga Tetova ka rënë pre e një mashtrimi përmes aplikacioneve celulare, Më 01.01.2026 në ora 16:20, ajo ka denoncuar në SPB Tetovë se është mashtruar për shumën prej 280 eurosh nga personi A.K. nga Serbia. Sipas denoncimit, i dyshuari i kishte premtuar ndihmë financiare për fëmijën e saj, por fillimisht i kërkoi para si “garanci”. Pasi paratë u transferuan, ai kërkoi edhe më shumë, moment kur viktima kuptoi se ishte mashtruar. Rasti po hetohet.
Lajme nga vendi
Durmishi: Ligjet e reja i japin goditje ekonomisë gri dhe mbështetjes të fortë ekonomisë formale
Formalizimi i ekonomisë gri është një nga përcaktimet më të larta strategjike të Qeverisë dhe segment kyç i agjendës reformuese, meqë ndikon drejtpërdrejt në rritjen ekonomike, stabilitetin e financave publike dhe mbrojtjen e punëtorëve”, tha ministri i Ekonomisë dhe Punës, Besar Durmishi.
Ai vuri në dukje se sipas të dhënave të Entit Shtetëror të Statistikës, në vitin 2024 në vend ka pasur rreth 694.000 të punësuar, nga të cilët përafërsisht 85.000 kanë qenë të angazhuar në mënyrë informale, gjë që, siç theksoi ai, paraqet sfidë serioze që kërkon zgjidhje sistemore, e jo ad-hok.
Ministri Durmishi përkujtoi se Ministria tashmë edhe deri më tani ka ndërmarrë masa përmes Planit Operativ për Punësim, por analizat kanë treguar se disa nga personat vazhdojnë të mbeten jashtë rrjedhave formale.
“Pikërisht për këtë arsye është miratuar Ligji për Angazhimin me Punë të Personave, i cili fillon të zbatohet nga 1 janari i vitit 2026 dhe paraqet reformë thelbësore në mënyrën e angazhimit të rastësishëm dhe sezonal të punëtorëve”, tha ai
Sipas tij, me këtë ligj, vendoset model më fleksibël dhe të thjeshtuar për punësimin legal të fuqisë punëtore, me kornizë të qartë juridike dhe procedura elektronike për lajmërim, çlajmërim dhe arkëtim të kontributeve. Durmishi theksoi se Ligji mundëson angazhimin me punë e të punësuarve, të papunëve, studentëve, nxënësve dhe pensionistëve, pa humbur me këtë rast të drejtat e tyre tashmë të përvetësuara.
Në fazën e parë, siç informoi ministri, janë përfshirë veprimtaritë ku ekonomia gri është më e theksuar – bujqësia, pylltaria, peshkimi, objektet akomoduese, veprimtaritë e shërbimit të ushqimit dhe veprimtaritë në amvisëri.
“Me zbatimin e ligjit pritet formalizimi i rreth 17.400 persona, nga të cilët deri në 12.000 punëtorë sezonalë në bujqësi dhe rreth 5.400 punëtorë të palajmëruar në turizëm, hotelieri dhe shërbime,” tha Durmishi.
Ai theksoi se reforma sjell përfitime edhe për punëtorët edhe për punëdhënësit, përmes procedurave të thjeshtuara administrative, pagesës në orë, pagesës së kontributeve dhe mbrojtjes së qartë juridike të të drejtave të punëtorëve.
Paralelisht me këtë, ministri përkujtoi se nga 1 janari i vitit 2026, fillon të zbatohet Ligji për Mbështetjen Financiare të Investimeve, gjë që siguron mbështetje financiare për kompanitë që investojnë, krijojnë vende të reja pune dhe realiziojnë rritje të të ardhurave.
“Kombinimi i këtyre dy ligjeve nënkupton njëkohësisht luftimin e ekonomisë gri dhe mbështetjen aktive të ekonomisë formale, me çka shteti krijon klimë të qëndrueshme, të parashikueshme dhe të drejtë afariste”, tha ministri i Ekonomisë dhe Punës, Besar Durmishi.
Nga viti i ardhëshëm drejtimet Informatikë dhe Programim në Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës
Mashtrim online në Tetovë: Gruaja humb 280 euro pas premtimit për “ndihmë”
Durmishi: Ligjet e reja i japin goditje ekonomisë gri dhe mbështetjes të fortë ekonomisë formale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
