Lajme nga vendi
Palevski kërkoi përjashtimin e prokurores Kërstevska dhe gjithë PTHP-së, gjykimi shtyhet për më 3 shkurt
I akuzuari i parë për vrasjen e dyfishtë të Vanja Gjorçevskës dhe Pançe Zhezovskit, Ljupço Palevski Palço, në fillim të seancës së sotme, kërkoi përjashtimin e prokurores publike Zhaklina Kërstevska dhe të gjithë Prokurorisë Publike të Shkupit, në rastin për shkak të një hetimi të kryer në mënyrë jo të duhur.
Gjyqtari Ivica Stefanovski, gjykimin e shtyu për më 3 shkurt, duke theksuar se duhet t’i lërë hapësirë prokurorit publik republikan Lupço Kocevski duke u shprehur për pretendimet e kërkesës për përjashtim.
Palevski, duke e paraqitur propozimin, para gjykatës tha se arsyet dhe provat gjenden në dy aktakuzat të cilat janë shkrirë në një procedurë gjyqësore, por edhe për dëshmi të rreme nga një dëshmitar, dëshmi që, siç tha ai, ia bashkëngjit kërkesës për përjashtim.
“Bashkangjitur është edhe një akt ekspertimi në telefon, stacionet bazë dhe prova nga prokurorja juaj. Të gjitha këto prova janë përgatitur me urdhër të prokurores publike kompetente Josifovska, e cila edhe pse i ka ditur provat, nuk i ka ekzaminuar telefonat e dëshmitarit. Fshehja e armëve për 421 ditë hetime, duke mos sqaruar atë rrethanë të rëndësishme nëse i pandehuri apo të pandehurit posedojnë armë është krimi më i rëndë që një prokurori publik mund ta bëjë”, tha Palevski.
Prokurori publik, theksoi Palevski, ka harruar të përfshijë në listën e provave gëzhojën e gjetur dhe ekzaminuar në lokacionin Rudnik, duke theksuar se ai si i pandehur po e dorëzon atë gëzhojë si provë.
“Unë gjithashtu jap prova. I bashkëakuzuari Boro Videvski zotëron një pistoletë të licencuar Zborevka dhe një pushkë gjuetie Mozberg. Së dyti, praktika kriminale tregon se krime të tilla kryhen me armë të blera në tregun e zi, por këtë duhet ta ekspozonte prokurori dhe t’ju përgjigjej pse nuk e bëri. Gjatë kontrollit në shtëpinë e tij, arma nuk është regjistruar dhe nuk ekziston. Pse prokurori publik nuk e ka marrë parasysh këtë është vetëm dëshmi e mëtejshme e qëllimit për të ngritur akuzë pa prova. Për të akuzuarin Boro Videvski, nuk ka konfirmim për sendet e sekuestruara përkohësisht nga SPB e Velesit dhe nuk ekziston asnjë në dosjet e Prokurorisë”, tha Palevski.
Të gjitha provat, theksoi Palevski, nuk gjenden në sistemin e ri të MPB-së, por në Host të vjetër.
“Në Ministrinë e Punëve të Brendshme ka ende njerëz që e duan drejtësinë dhe i kanë dorëzuar mbrojtjes lëshime kaq të rënda dhe prova të një hetimi të dobët. E gjithë kjo është dëshmi e hetimit të dobët të prokurorit tuaj”, tha Palevski.
Sipas tij, pyetjet që duhet të përgjigjet prokurori janë se ku është arma në pronësi të njërit prej të pandehurve, pse Prokuroria Publike nuk e ka sqaruar këtë fakt për 421 ditë dhe pse gëzhoja nuk është dorëzuar si provë.
“I gjithë imazhi i keq i Prokurorisë Publike është për shkak të zbatimit të urdhrave dhe hetimeve të tilla politike. Prandaj le të ketë gjurmë se në një hetim është vërtetuar vepër penale e një prokurori publik”, tha Palevski.
Prokuroria para seancës së sotme njoftoi se do të vazhdojë me paraqitjen e provave materiale dhe pas përfundimit do të merret në pyetje dëshmitari Goce Trajkovski.
Trajkovski, i cili është propozuar për dëshmitar në këtë rast dhe dyshohet për një vepër tjetër të rëndë – zjarrvënie, është dorëzuar në stacion policor më 23 janar 2025 dhe do të merret në pyetje në seancën e ardhshme.
Në seancën e parë gjyqësore të akuzuarit Lupço Palevski, Bore Videvski, Velibor Manev dhe Vllatko Keshishov, si dhe babai i vajzës, Aleksandar Gjorçevski u shprehën se nuk ndjehen fajtorë.
Sipas aktakuzës, ata bashkërisht kishin planifikuar rrëmbimin e vajzës 14-vjeçare në mënyrë që të detyronin një anëtar të familjes së saj të ngushtë të siguronte para për shpërblim. Ndërkaq, rrëmbimi i të dëmtuarit, Pançe Zhezovski, në Veles ka qenë me qëllim që ta detyrojnë që t’ua japë automjetin e tij Citroen në mënyrë që ta përdorin për ta rrëmbyer fëmijën në Shkup.
Vanja e mitur dhe banori nga Velesi Pançe, të cilët u raportuan të zhdukur më 27 dhe 24 nëntor, u gjetën të vdekur në afërsi të Shkupit dhe Velesit më 3 dhjetor të vitit 2023.
Iftarë e syfyr do të jenë vaktet ku amviset e shtëpive duhet të përgatitin ushqimet për familjet e tyre. Ramazani vjen me begati, por edhe me sofra që duhet të jenë më të mbushura.
Në Tregun e Tetovës mund të gjesh gjithcka, varësisht xhepit. Ofertat tashmë janë shtuar në prag të Ramazanit dhe kështu pritet të jetë gjatë gjithë këtij muaji të bekuar.
Nuk mungojnë pemët e perimet, por nuk mungojnë edhe hurmat e ullinjtë pjesa e pandashme e sofrës së iftarit apo syfyrit.
Jemi në prag të Muajit të Bekuar të Ramazanit, kurse tregtarët tashmë kanë shtuar ofertat e tyre për konsumatorët. Por, fuqia blerëse e qytetarëve është në rënie ndaj çmimeve që ofrohen. Por, c`thonë qytetarët, si ju duken ofertat dhe çmimet në prag të nisjes së Ramazanit?
“Si gjithmonë, çmimet janë çmime, kanë hip pak, kanë zbrit pak, da ta kalojmë edhe këtë”
“Cmimet shumë të bukura. Pak me peshë më të madhe, por mirë janë. Unë nuk kam dalë për çmimet, port a humbi kohën se s`kemi pare për këto. 500 denarë një kg groshë”
“Unë vij ng fshati. Në fshat janë katastrofë cmimet, për atë shkak vijmë në qytet për cmime më të ulëta”
Shitësit thonë se cmimet janë të njëjta dhe se nuk ka rritje të tyre për Ramazan. Thonë se k shumë pak të interesuar për të blerë, por se do të vazhdojnë me ofertat e tyre.
“Çmimet janë të volitshme, të mesme, nuk janë të shtrenjta”
“Nuk kanë lëviz çmimet, janë si përpara dhe tash. Për ne s`ka interesim, shumë dobët shitja, s`kanë pare njerëzit”
“Njerëzve cfarë ju duhet marrin. Ndonjë hurma, ndonjë ullinj”
Nëse ndalen tek pemët e perimet, qytetarët sikurse anashkalojnë mishtoret. Mish shpatulle – 800 denarë, muskuj – 750, mish butke – 950 denarë, mbase janë cmime të papërballueshme për një kategori të madhe të qytetarëve.
Edhe Restoranet tashmë kanë publikuar të ashtuquajturat menytë e Iftarit. Çmimet lënë shumë për të dëshiruar, por sipas praktikës së vitit të kaluar, restoranet do të kenë shumë punë, mbase për shkak të një tradite të re në këtë nënqiell që iftaret e përbashkëta familjare të bëhen nëpër restorane e jo nëpër shtëpi.
Po hyjmë në Muajin e Bekuar të Ramazanit, në kohën kur fuqia blerëse e qytetarëve është në rënie të ndjeshme, në kohën kur një përqindje e madhe e familjeve kanë vështirësi me “idaren”.
Por, Rajoni I Tetovës cdoherë ka dëshmuar fuqinë e solidaritetit dhe humanitetit. Kjo padyshoim se nuk do të mungojë as edhe këtë muaj, madje me aktivitete të shtuara. TV KOHA
Kryeministri Hristijan Mickoski nuk deshi të komentojë zhvillimet brenda koalicionit VLEN, përcjell TV21. Mickoski tha se ideja që VLEN të bëhet parti politike është e mirëseardhur dhe shtoi se ka komunikim të rregullt me liderët e koalicionit.
“Unë nuk do të mund të komentoj se cilat janë zhvillimet në koalicionin VLEN, unë mund vetëm të them se kam komunikim jashtëzakonisht korrekt me secilin anëtar të qeverisë që vjen nga koalicioni VLEN, do të thosha shumë të suksesshëm, të drejtpërdrejt. Kam komunikim të rregullt me kryetarët e partive politike që janë pjesë e VLEN-it, kështu që konsolidimi i tillë në një subjekt politik është i mirëseardhur në skenën politike të Maqedonisë, por për zhvillimet e brendshme nuk është kulturë që unë të komentoj”, tha Mikcoski.
Lajme nga vendi
Pas jurisprudencës edhe instruktorët e autoshkollave kërkojnë provim në shqip, heshtje në MPB
Një grup instruktorësh të autoshkollave kërkon që testi profesional për marrjen e licencës për instruktorë të auto-shkollave të jepet edhe në gjuhën shqipe përveç asaj maqedonase, megjithatë nga Ministria e Punëve të Brendshme heshtin, nuk tregojnë nëse do e ofrojnë provmin edhe në shqip, shkruan Portalb.mk.
Grupi i instruktorëve thekson se para pesë viteve u është premtuar se testi për licencë për instruktorë do të ofrohet edhe në gjuhën shqipe, në përputhje me Ligjin për përdorimin e gjuhëve në Republikën e Maqedonisë së Veriut. Megjithatë, ky premtim nuk është realizuar deri më sot.
“Tani, kur testi do të mbahet këtë vit dhe afati është i afërt, situata bëhet edhe më shqetësuese. Kandidatët shqiptarë po përballen me padrejtësi dhe trajtim të pabarabartë, pasi testi për licencë për instruktorë vazhdon të mos ofrohet në gjuhën shqipe. Kërkojmë zgjidhje urgjente para mbajtjes së testit dhe marrjen e masave konkrete nga institucionet përgjegjëse, në mënyrë që kjo e drejtë ligjore të respektohet pa shtyrje të mëtejshme”, thuhet në kërkesën e instruktorëve.
Nga Ministria e Punëve të Brendshme edhe pse të pyetur nga Portalb.mk, nuk tregojnë se pse nuk e ofrojnë këtë provim në shqip dhe nëse e kanë në plan të njëjtën.
Kujtojmë që para pak ditëve MPB-ja njoftoi kandidatët për ushtrimin e veprimtarisë si ligjërues dhe shofer -instruktor në autoshkollë, kontrollor, pyetës sipas programit mësimor të rregullave dhe rregulloreve të komunikacionit (pjesa teorike) dhe pyetës sipas programit mësimor të drejtimit të mjetit (pjesa praktike) në qendër të provimit, se dhënia e provimit profesional për aftësim për punë me qëllim të pajisjes me licencë për punë do të zhvillohet në ambientet e Ministrisë së Punëve të Brendshme, përkatësisht në Qendrën e Trajnimit në Idrizovë.
“Kandidatët që kanë dorëzuar dokumentacion të plotë do të njoftohen, në përputhje me afatin e paraparë me ligj, për datën dhe orën e zhvillimit të provimit profesional”, tha MPB.
Ndryshe, kohën e fundit aktuale ka qenë edhe kërkesa e studentëve për mbajtjen e provimit të jurisprudencës në gjuhën shqipe, e cila shkaktoi reagime dhe përplasje politike.
RAMAZANI: OFERTË SOLIDE – FUQIA BLERËSE NË RËNIE TË NDJESHME!
Kryeministri e quan të mirëseardhur konsolidimin e VLEN-it në një parti politike
Pas jurisprudencës edhe instruktorët e autoshkollave kërkojnë provim në shqip, heshtje në MPB
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
