Lajme nga vendi
Gjithsej 40 ujëmatës digjital duhet të vendosen në Tetovë
Në qytetin e Tetovës gjithsej pritet të vendosen rreth 40 mijë ujëmatës.Para dhjetë viteve ishin vendosur 5700 ujëmatës, kurse para gjashtë muajve ka filluar sërish vendosja e tyre.Fillimisht, janë përfshirë harxhuesit më të mëdhenj të ujit, në këtë rast lavazhët,bizneset e mëdha dhe të vogla, ndërsa më pas ujëmatës do të vendoset edhe nëpër amvisëritë.Procesi i vendosjes së ujëmatësve në tërë qytetin e Tetovës duhet të përfundojë të paktën brenda dy viteve.
“Në fillim kanë qenë harxhuesit më të mëdhenj, lavazhët pasi që ata janë harxhuesit më të mëdhenj sepse ujin e shfrytëzojnë për çështje komerciale.Prej muajit janar kemi filluar vendosjen e ujëmatësve edhe tek bizneset e mëdha dhe të vogla. Gjithsej duhet të vendosen 40 mijë ujëmatës ku do të përfshihen bizneset dhe amvisëritë.Ndërsa vetëm për bizneset e mëdha dhe të vogla janë tre mijë ujëmatës që duhet të vendosen”, deklaroi Valon Zeqiri drejtor i Ndërmarrjes Publike Komunale “Sharri”, në Tetovë.
Ndërkaq, problemi me ujin më shumë shfaqet në Tetovë gjatë sezonit të dimrit, kur ka më pak prurje nga burrimet në ujësjellës. Ndërkaq, vendosja e ujëmatësve pritet që të sjellë ndarje të barabartë të ujit.
“Vendosjen e ujëmatësve duhet të vendoset më shumë rend për sa i përket shfrytëzimit të ujit dhe të gjithë qytetarët do të kenë ujë në mënyrë të barabartë dhe nuk do të ketë nevojë që të shfrytëzojnë hidrofore, sepse në Tetovë ka rreth 16 mijë hidrofore dhe ajo nuk e bën në mënyrë të barabartë ujin.Më shumë probleme kemi gjatë dimrit, ka më shumë defekte dhe më pak prurje të ujit nga burrimet në ujësjellës. Prandaj, kërkojmë që qytetarët në këto raste të mos e keqpërdorin ujin sepse ka ende raste të keqpërdorimeve” deklaroi Zeqiri.
Ndërmarrja Publike Komunale “Sharri” në Tetovë sërish apelon deri tek qytetarët se pagesa e rregullt e faturave për furnizimin me ujë të pijshëm dhe shërbimet e kanalizimit është përgjegjësi e çdo konsumatori dhe se mospagesa në afatin e caktuar sjell vështirësi në mirëmbajtjen dhe funksionimin e sistemit të ujësjellësit duke ndikuar drejtpërdrejt në cilësinë dhe vazhdimësinë e shërbimeve që ofrohet.Prandaj, nga kjo ndërmarrje kërkojnë nga të gjithë konsumatorët që kanë borxhe të papaguara të kryejnë obligimet e tyre sa më parë, për të shmangur ndërprerjen e shërbimeve dhe procedurat ligjore që mund të pasojnë. “Në rast të vonesave të mëtejshme, do të detyrohemi të ndjekim hapat ligjorë për mbledhjen e detyrimeve përmes noterit dhe gjykatës përmbaruese”, apeluan nga Ndërmarrja Publike Komunale “Sharri” në Tetovë
Një grua 40-vjeçare është mbytur në liqenin e Dibrës pranë plazhit të qytetit.
Gruaja është vërejt nga dy persona të cilët e kanë nxjerrë nga uji dhe ku janë përpjekur ta reanimojnë, por pa sukses.
“Pas thirrjes, menjëherë ka arrit ekip i Ndihmës së shpejtë nga Spitali i përgjithshëm me aktivitete të zgjeruara. Mjeku kujdestar vetëm ka konstatuar vdekjen. Në trupin e viktimës nuk ka pasur shenja dhune”, thonë nga policia.
Është kryer mbikëqyrje nga policia dhe prokurori kujdestar, ndërsa trupi është dërguar në autopsi.
Pas rreth dhjetë vitesh, ky është rasti i parë me fatalitet në këtë liqen. Që nga viti 2017, në plazhin e qytetit ka pasur ekipe shpëtimi. Këtë verë nuk funksionin shërbimi për shpëtim.
Lajme nga vendi
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Më 27.06.2025, në ora 11:00, zyrtarë policorë nga SPB Tetovë kanë vepruar pas një raportimi të mëparshëm se në rrugën lokale nga Tetova drejt fshatit Trebosh, në një arë me sipërfaqe rreth 500 metra katrorë, kishte bimë të llojit “kanabis”. Është kryer inspektim nga ekipi hetimor i SPB-së, ndërsa në vendngjarje ka qenë i pranishëm edhe një agronom nga Ministria e Bujqësisë, i cili ka konstatuar se bëhet fjalë për bimë të vetëmbira. Me udhëzim të prokurorit publik nga Prokuroria Themelore Publike në Tetovë, bimët janë shkatërruar.
Lajme nga vendi
Inspektorati i Tregut ka vërejtur rritje të çmimeve tek produktet ushqimore bazë deri 5 %
Inspektorati i Tregut ka vërejtur rritje të çmimeve tek produktet ushqimore bazë deri në pesë për qind tek tregtarët me pakicë, ndërsa tregtarët e shitjeve me shumicë kanë kthyer çmimet që kanë pasur para vendimit për kufizimin e marzhave dhe ngrirjen e çmimeve që përfunduan me 30 prill të këtij viti. Këto gjetje janë nga inspektimet e kryera në mbi 1.000 pika të shitjeve, ndërsa për këtë është informuar edhe Ministria e Ekonomisë.
“Ka rritje të caktuara prej 3 deri në 5 për qind tek produkte bazë që janë produkte me qarkullim të lartë, ndërsa tek ato me qarkullim të ulët, produkte higjienike, pelena dhe ushqime për foshnja, rritjet lëvizin prej 10 deri mbi 20 për qind. Dua ta përmend se janë vërejtur ulje prej 20 deri 100 për qind tek perimet dhe pemët”, tha Vllatko Stojkoski, drejtori i Inspektoratit Shtetëror të Tregut .
Në shtatë muajt e fundit Inspektorati i Tregut gjithashtu ka kryera mbi 2 mijë inspektime në objekte hotelierike ku ka gjobitur 879 objekte dhe janë lëshuar 79 vendime për ndalim të përkohshëm për kryerjen e aktiviteteve.
“Në përgjithësi vërejtjet janë për mos pasjen e licencave për punë, kushte jo të duhura apo mos plotësimin e kushteve minimale teknike në çfarëdo konteksti, kalimi i orarit të punës, disiplinë jo e duhur dhe respektim të ligjit të veprimtarisë hotelierike, apo për respektimin e orarit të punës”, shtoi ai.
Në lidhje me respektimin e ligjit për ndalim të duhanit në ambiente të mbyllura, nga 1104 inspektime janë gjobitur 151 objekte./Alsat.mk
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve