Rektori i UT-së, Prof. Dr. Jusuf Zejneli së bashku me Kryetarin e Senatit Prof. Dr. Kenan Ferati, Prorektorin për Shkencë, Prof. Dr. Vullnet Ameti, Prorektoren për Financa Prof. Dr. Aida Yzeiri Baftiari, Prorektorin për Arsim, Prof. Dr. Ibrahim Neziri si dhe Prorektorin për Bashkëpunim Ndërkombëtar Prof. Dr. Salajdin Salihu, e pritën dje në takim Zëvendësministrin e Arsimit dhe Shkencës të Qeverisë së vendit tonë, Lulzim Aliun me bashkëpunëtorët e tij.
Gjatë takimit, palët diskutuan për çështje kyçe që lidhen me sfidat dhe nevojat e Universitetit të Tetovës, përfshirë përmirësimin e infrastrukturës, mbështetjen financiare për kërkimin shkencor dhe mundësitë për zhvillim profesional të stafit akademik, duke u ndalur veçanërisht te përgatitja e Ligjit të ri për arsimin e lartë.
Rektori i Universitetit të Tetovës Prof. Dr. Jusuf Zejneli e falënderoi Zëvendësministrin për vizitën dhe shprehu gatishmërinë e Universitetit të Tetovës për të kontribuuar në përmirësimin e legjislacionit për arsimin e lartë. Ai nënvizoi nevojën për rritjen e mbështetjes institucionale ndaj universiteteve publike, duke shtuar se zhvillimi i arsimit të lartë është një faktor kyç për të ardhmen akademike dhe profesionale të të rinjve. Drejtuesit e Universitetit të Tetovës e vlerësuan këtë takim si një mundësi të rëndësishme për të shprehur shqetësimet dhe rekomandimet e tyre, duke theksuar nevojën për përmirësime në infrastrukturë dhe mbështetje financiare.
Gjatë këtij takimi përpos tjerave vëmendje e veçantë iu kushtua përgatitjes së Ligjit të ri për arsimin e lartë, për të cilin Zëvendësministri i Arsimit dhe Shkencës në vendin tonë, Lulzim Aliu, theksoi rëndësinë e përfshirjes së të gjitha palëve të interesuara në procesin e hartimit. Ai po ashtu shprehu besimin se ky ligj do të jetë një produkt i pranueshëm dhe i dobishëm për institucionet e arsimit të lartë në vend.
Ky takim dëshmon përkushtimin e institucioneve për të punuar së bashku në ngritjen e cilësisë së arsimit të lartë dhe përshtatjen e tij me nevojat bashkëkohore të studentëve dhe shoqërisë sonë.
Lajme nga vendi
Zëvendësministri i Arsimit dhe Shkencës Lulzim Aliu e vizitoi Universitetin e Tetovës
Lajme nga vendi
Kasami inspekton asfaltimin e rrugës drejt Sellcës: Çdo premtim po e kthejmë në realitet
“Po punojmë me përkushtim që çdo projekt të realizohet me cilësi dhe në afat, në shërbim të qytetarëve. Çdo premtim e kthejmë në realitet. Çdo vendbanim është i rëndësishëm për ne”, ka shkruar Kasami në një postim publik.
Asfaltimi i kësaj rruge pritet të përmirësojë ndjeshëm qarkullimin dhe lidhjen e zonës me Tetovën, duke lehtësuar lëvizjen e banorëve dhe zhvillimin lokal. Komuna e Tetovës ka paralajmëruar vazhdimin e investimeve infrastrukturore edhe në vendbanime të tjera rurale./zyrtare.net/
Lajme nga vendi
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
Me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit, gjykatësi i procedurës paraprake në Gjykatën Penale të Shkupit u ka caktuar masën e paraburgimit afatshkurtër prej 48 orësh dy personave të dyshuar. Pas analizës së provave të grumbulluara, autoritetet kanë ngritur dyshime se këta individë kanë ndërmarrë aktivitete konkrete lidhur me sasinë prej 5 tonë marihuanë që u sekuestrua së fundmi në Republikën e Serbisë.
Masa e paraburgimit është vendosur me qëllim që t’i mundësohet prokurorisë kohë e mjaftueshme për të ndërmarrë veprimet e domosdoshme procesuale dhe për të siguruar praninë e të dyshuarve. Prokuroria sqaron se kjo masë është e justifikuar për shkak të kompleksitetit të rastit dhe karakterit të tij ndërkombëtar, ku afatet kohore për veprim janë shpesh të kufizuara. Institucionet po vijojnë me intensitet punën për zbardhjen e plotë të lëndës dhe kanë paralajmëruar se publiku do të informohet në kohë për rrjedhën e mëtejshme të procedurës.
Protesta e pestë me rradhë. Qytetarët sot protestuan përsëri para Drejtorisë së të Ardhurave Publike në Tetovë për tatimet të cilat u kërkohen të paguhen gjatë kohës që ata kanë punuar jashtë vendit, ata thonë se kjo është e jashtëligjshme. Qytetarët të cilët kanë punuar kryesisht në Irak dhe Afganistan theksojnë se nuk janë kundër tatimeve, por kundërshtojnë ngarkesën e padrejtë dhe retroaktive.
Semi Beqiri – Protestues
Protestuesit kërkojnë që të anulohen të gjitha vendimet e marra me efekt retroaktiv. Besir Abdullahi thotë se protestat janë apolitike dhe kanë për qëllim mbrojtjen e qytetarëve, megjithatë u bën thirrje kryetarëve të partive që t’i mbështesin në këtë mision.
Semi Beqiri – Protestues
Qytetarët paralajmëruan se do të vazhdojnë me protestën derisa të dëgjohet zëri i tyre, ndërsa thonë se protestat do të dislokohen edhe në Shkup nëse nuk gjindet zgjidhje. Ata thonë se tash më janë në kontakt të vazhdueshëm edhe me partitë opozitare dhe se çështja e tyre do të adresohet edhe në parlament së shpejti.
Semi Beqiri – Protestues
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.
Kasami inspekton asfaltimin e rrugës drejt Sellcës: Çdo premtim po e kthejmë në realitet
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
PROTESTA E PESTË NË TETOVË KUNDËR TATIMEVE RETROAKTIVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
