Lajme nga vendi
MMJPH: Aktivitete të intensifikuara nga komunat për ajër më të pastër në javën e fundit të janarit
Sipas detyrimeve nga Plani i Veprimit me masa afatshkurtra për ajër të pastër për sezonin e ngrohjes 2024-2025, komunat Ohër, Manastir, Shtip, Tetovë, Prilep, Gazi Babë, Kisella Vodë, Strumicë dhe Krushevë dërguan Raport për aktivitetet e realizuara për periudhën nga 27 deri më 31 janar 2025.
Në Ohër, fokusi është vënë në kontrollin e rregullshmërisë së automjeteve dhe zvogëlimin e gazrave të dëmshme nga trafiku, ndërsa është realizuar një inspektim i jashtëzakonshëm në dy vend-ndërtimore, ku nuk janë vërejtur emisione të ndaluara nga substancat ndotëse.
Shërbimet inspektuese të Komunës së Manastirit gjatë gjysmës së dytë të janarit kanë kryer inspektime kontrolluese në tri instalacione me leje B dhe i kanë detyruar ato të marrin masa për të ulur emisionet në ajër në kufijtë e lejuar nga ligji. Aktualisht priten rezultatet nga matjet e reja. Po ashtu, janë kryer inspektime në 11 autoservise për trajtimin e mbeturinave dhe nuk është konstatuar djegia e vajit të mbeturinave, dhe me të njëjtin po veprohet në përputhje me ligjin: është ruajtur përkohësisht në kushte të sigurta dhe i është dorëzuar subjekteve të autorizuara. Gjatë kontrollimeve të vazhdueshme, inspektorët komunalë nuk kanë konstatuar djegie të mbeturinave në hapësira të hapura.
Në komunën e Shtipit janë kryer 5 mbikqyrje inspektuese tek subjektet juridike që posedojnë B-LEI, nga të cilat për 3 janë lëshuar aktvendime për veprim, përkatësisht ato janë detyruar të kryejnë matjet e përcaktuara në lejet e tyre. Po ashtu, janë kryer 14 inspektime të jashtëzakonshme tek subjektet që posedojnë elaborat për mbrojtjen e mjedisit, nga të cilat për 6 subjekte juridike që kryejnë aktivitetin – përpunimi i drurit dhe produkteve drurore, përfshirë edhe prodhimin e mobiljeve, është lëshuar aktvendim për veprim për matjet sipas Elaboratit.
Në komunën e Tetovës, shërbimet inspektuese kanë kryer mbikëqyrje inspektuese. Shërbimet inspektuese në Ohër kanë kryer mbikqyrje inspektues tek 5 subjekte juridike që kanë B leje ekologjike të integruar dhe Elaborat për mbrojtjen e mjedisit dhe për këto subjekte nuk janë vërejtur shkelje. Në procesin e prodhimit, dy subjekte përdorin energji elektrike, ndërsa tre përdorin dru për ngrohje (kryesisht bukë-pjekës).
Komuna e Prilepit gjatë javës së përmendur ka realizuar 5 mbikqyrje inspektuese, nga të cilat 4 janë autoservise, dhe një është tek subjekti juridik që kryen gërmim të mermerit. Tek autoserviset janë kryer matje të emisioneve nga burimi stacionar.
Në komunën e Shkupit, Gazi Babë, janë kryer mbikqyrje inspektuese në përputhje me dispozitat e Ligjit për hapësirat e gjelbra urbane, ku inspektorët komunalë të komunës së Gazi Babës kanë shqiptuar 12 gjoba. Po ashtu, janë shqiptuar 7 gjoba në përputhje me Ligjin për pastrimin publik, dhe është realizuar një inspektim i të gjitha pikave kritike ku shpesh ndodhin shkelje në lidhje me depozitimin dhe/ose djegien e mbeturinave, dhe është shqiptuar një gjobë për depozitimin e papërshtatshëm të mbeturinave.
Në lidhje me inspektimin e subjekteve juridike që disponojnë B- Leje të Integruar Ekologjike, është bërë një inspektim në 2 servise automekanike në territorin e Komunës së Gazi Babës, ku nuk janë konstatuar shkelje. Gjatë javës së përmendur, gjatë inspektimit të rregullt dhe kontrollit të ngrohjes në serviset e vogla, nuk është gjetur djegie e mbeturinave. Është konstatuar se një problem serioz për Komunën e Gazi Babës janë familjet që ngrohen duke djegur mbeturina druri (dërrasa, mbeturina druri dhe të ngjashme). Janë paralajmëruar 2 persona fizikë për këtë shkelje dhe u është urdhëruar që menjëherë të largojnë mbeturinat nga oborret e tyre dhe të përdorin dru për ngrohje.
Komuna e Gazi Babës ka vepruar edhe në lidhje me masën 8 të Planit të Veprimit dhe ka realizuar një inspektim të kantierëve të ndërtimit, gjatë të cilit është kontrolluar zbatimi i masave për reduktimin e ndotjes (deponimi i duhur i mbeturinave, punë me manovra speciale që nuk do të shkaktojnë pluhur, etj.). Po ashtu, bëhet kontroll i rregullt i automjeteve që dalin nga kantieret dhe investitorëve u rekomandohet të lajnë rrotat e automjeteve para se të dalin nga kantieret.
Sipas raportit, Komuna e Gazi Babës ka realizuar inspektime të rregullta dhe të jashtëzakonshme për subjektet juridike që disponojnë Elabórate për mbrojtjen e mjedisit, sipas Dekretit për miratimin e të cilës është përgjegjës Kryetari i Komunës, Kryetari i Qytetit të Shkupit dhe Kryetarët e komunave në Qytetin e Shkupit. Gjatë realizimit të inspektimeve, është vënë theksi tek subjektet juridike që, gjatë aktivitetit të tyre, pranojnë mbetje si vajra motorikë të përdorur, goma të përdorura dhe mbetje të tjera. Janë realizuar 10 inspektime dhe janë dhënë 2 gjoba për djegien e mbeturinave në hapësirë të hapur. Po ashtu, janë realizuar 10 inspektime në kantierët e ndërtimit dhe magazinat aktive, dhe është urdhëruar larja e gomave të kamionëve dhe aktivitete të tjera për zbatimin e Ligjit për Pastrimin Publik.
Shërbimet inspektuese në Komunën e Strumicës kanë realizuar inspektime të jashtëzakonshme në 5 instalacione, dhe janë lëshuar 4 aktvendime (detyrimi për kryerjen e matjeve të emisioneve nga burimet e stacionuara, vazhdimi i B- lejes së integruar ekologjike) dhe një aktvendim me paralajmërim për përgatitjen e Elaboratit me kontratat e nevojshme për hedhjen e mbetjeve. Po ashtu, është realizuar një inspektim i jashtëzakonshëm në 2 kantierë ndërtimi, ku nuk janë konstatuar parregullsi.
Ndërkohë, për periudhën nga 01 deri më 04.02.2025, në Strumicë janë realizuar edhe gjashtë inspektime të jashtëzakonshme, nga të cilat katër tek subjekte juridike që merren me prodhimin e mobiljeve, një tek një subjekt juridik për prodhimin e paketimit plastik dhe një inspektim tek një subjekt juridik që merret me prodhimin e strukturave metalike, dhe në të gjitha gjashtë rastet janë konstatuar parregullsi edhe atë: tek dy subjekte juridike do të iniciohet procedura kundërvajtëse sipas Ligjit për menaxhimin e mbetjeve, me lëshimin e një fature të dënimit për shkelje me një gjobë prej 9000 euro për subjektin juridik dhe 500 euro për menaxherin e subjektit juridik të inspektuar; për tre subjekte juridike do të merret një Aktvendim për përgatitjen e një Elaborati për mjedisin dhe marrjen e masave teknike përkatëse për instalimin e filtrave për të reduktuar, parandaluar dhe kontrolluar ndikimin negativ mbi cilësinë e ajrit ambiental, ndërsa për një subjekt juridik do të merret një aktvendim për të përgatitur një Elaborat për mjedisin, në përputhje me aktivitetin që zhvillon. Për më tepër, gjatë periudhës që pason, inspektimet e jashtëzakonshme që realizohen nga inspektori i mjedisit në Komunën e Strumicës do të publikohen në faqen zyrtare të komunës.
Komuna e Krushevës ka vënë theksin në forcimin e kontrolleve aksionale për kontrollin teknik të automjeteve që marrin pjesë në trafik, me theks të veçantë në gazrat e shkarkimit, sidomos tek ato me naftë, automjetet e rënda dhe automjetet e paregjistruara.
Lajme nga vendi
Dënimet me burg të përjetshëm për vrasjen e Vanjës dhe Pançes në debat para Gjykatës së apelit
Gjykata e apelit në Shkup sot do të mbajë seancë publike rreth ankesave të parashtruara të aktvendimit të shkallës së parë për rrëmbimet dhe vrasjet e 14-vjeçares Vanja Gjorçevska nga Shkupi dhe 74-vjeçarit Pançe Zhezhovski nga Velesi me të cilin Ljupço Palevski, Velibor Manev, Bore Videvski dhe Vllatko Keshishov u dënuan me burgim të përjetshëm.
Lënda është në procedurë të shkallës së dytë rreth ankesave të parashtruara nga mbrojtja dhe nga Prokuroria themelore publike, e cila ankohet në pjesën e aktvendimit lirues për babain e Vanjës, Aleksandar Gjorçevski, si dhe për veprën e dytë të të akuzuarve.
Gjykata themelore publike Shkup më 25 qershor 2025 i dënoi Ljupço Palevskin, Velibor Manevin, Bore Videvskin dhe Vllatko Keshishev me burgim të përjetshëm për veprat penale grabitje dhe vrasje brutale të dy viktimave, përderisa Aleksandar Gjoçevski u lirua nga aktakuza për shkak të mungesës së dëshmive.
Sipas aktakuzës, të akuzuarit së bashku planifikuan grabitjen e 14 vjeçares Vanja me qëllim që t’i qasen një anëtari të familjes së saj të ngushtë për të dhënë para për shpërblesën. Grabitja e të dëmtuarit Pançe Zhezhovski në Veles, ndërkaq, u bë me qëllim që ta detyrojnë t’ua japë automobilin e tij për grabitjen e vajzës në Shkup.
E mitura Vanja dhe Pançe ishin paraqitur të zhdukur më 27 dhe 24 nëntor, ndërsa më 3 dhjetor 2023 u gjetën të vdekur në afërsi të Shkupit dhe Velesit.
Shkruan: Petar Arsovski/Dw
Për ne, që gjithsesi jemi një fusnotë në politikën rajonale, nuk ka pasoja të mëdha – variabla më e rëndësishme politike është nëse, në rast se humb Orbani, Gruevski mund të shfaqet në ndonjë pikë kufitare, ngjashëm me strategjinë “ja ku jam” të Artan Grubit.
Ndërkohë që jemi të fokusuar te lufta në Iran, duke pritur çdo ditë nëse do të vijë fundi i botës apo gjithçka do të vazhdojë “si deri më tani”, në rrethin tonë të afërt po ndodh ndoshta ngjarja më e rëndësishme politike për rajonin në dy dekadat e fundit – zgjedhjet në Hungari. Në prag të tyre, skena politike hyn në fazën më të pasigurt: pas viteve të dominimit të autokratit Viktor Orban dhe partisë së tij Fidesz, për herë të parë në sondazhe kryeson opozita. Megjithatë, për shkak të modelit zgjedhor dhe aparatit të konsoliduar partiak të pushtetit, rezultati mbetet ende i pasigurt. Tani shtrohet pyetja – cilat janë shanset reale për ndryshim pushteti dhe çfarë do të thotë kjo për Hungarinë dhe rajonin?
Së pari, për shanset e opozitës. Nëse matemi thjesht sipas trendeve empirike në sondazhe, Tisa hyn në zgjedhje si favorit. Në muajt e fundit, disa sondazhe të pavarura tregojnë një epërsi të qëndrueshme, madje ndonjëherë edhe dyshifrore ndaj Fidesz, sidomos te votuesit e përcaktuar. Sipas shkencës politike, kjo nuk është më një garë brenda marzhit të gabimit, por një zhvendosje reale e peizazhit politik.
Sistemi zgjedhor si faktor kyç i pasigurisë
Megjithatë, në sistemin dhe kontekstin hungarez, këto shifra nuk mund të lexohen në mënyrë lineare. Situata mbetet e pasigurt, kryesisht për shkak të sistemit zgjedhor që favorizon partitë e mëdha – dhe historikisht kjo ka qenë Fidesz.
Nga 199 deputetë, 106 zgjidhen me sistem shumicor dhe 93 me model proporcional kombëtar. Ky sistem hibrid nënkupton se, matematikisht, një parti mund të fitojë edhe me më pak vota, nëse ato janë të shpërndara më mirë në njësi zgjedhore, sidomos në ato me model shumicor. Kështu, edhe pse Tisa kryeson në nivel kombëtar, nëse kjo epërsi nuk shpërndahet në mënyrë të barabartë, Fidesz mund të fitojë në mandate – edhe pse ka më pak vota në total.
Për më tepër, kufijtë e njësive zgjedhore dhe struktura e tyre demografike e favorizojnë pushtetin, duke rritur peshën e zonave rurale – bastion tradicional i Fidesz.
Ndarjet gjeografike dhe demografike: tre Hungari të ndryshme
Për të kuptuar polarizimin e thellë politik, duhet parë edhe aspekti gjeografik dhe gjeneracional. Hungaria funksionon praktikisht si tre hapësira politike.
E para është Budapesti, ku elektorati është i prirur drejt opozitës dhe pritet dominim i Tisa-s me diferencë të ndjeshme. Por Budapesti, megjithëse i rëndësishëm, nuk mjafton për fitore.
E dyta janë qytetet e mëdha dhe qendrat rajonale – këtu zhvillohet beteja reale. Këto zona janë më të arsimuara, më të orientuara ekonomikisht dhe më pro-evropiane. Prandaj, Tisa ka potencial të fitojë një numër të madh njësish zgjedhore në këto zona, gjë që do ta siguronte fitoren në nivel kombëtar.
Por ekziston edhe hapësira e tretë – qytetet e vogla dhe fshatrat – bastionet e Fidesz. Në këto zona, pushteti ka organizim të fortë, ndikim mediatik dhe mbështetje të qëndrueshme nga popullsia më e vjetër. Nëse edhe këtu Tisa do të dilte përpara, kjo do të ishte një surprizë statistikore, por jo e pamundur – efekti “cunam” është i dokumentuar në prag zgjedhjesh.
Ndarja gjeneracionale: të rinjtë për ndryshim, të moshuarit për stabilitet
Një tjetër fenomen interesant është ndarja mes brezave: votuesit e rinj (18–40 vjeç) mbështesin fuqishëm Tisa-n, ndërsa votuesit më të moshuar, sidomos pensionistët, kanë preferencë të qartë për Fidesz.
Kjo nuk është vetëm ndarje sipas moshës, por përplasje mes dy emocioneve: e ardhmja kundrejt sigurisë. Tek ata që kërkojnë ndryshim dominojnë temat si lufta kundër korrupsionit, arsimi, shëndetësia dhe BE-ja. Tek votuesit konservatorë dhe më të moshuar dominojnë stabiliteti, siguria dhe sovraniteti. Ju tingëllon e njohur?
Skenarët e mundshëm
Rezultati përfundimtar do të varet nëse trendet e sondazheve do të përkthehen në vota reale, në vendet e duhura. Skenari më i mundshëm është që Tisa të fitojë shumicë, por jo shumë të madhe, duke lënë hapësirë për koalicione të pazakonta pas zgjedhjeve, sidomos nëse partitë e vogla hyjnë në parlament.
Skenari i dytë më i mundshëm është një parlament ku asnjë parti nuk mund të formojë qeveri – një “skenar bullgar” me zgjedhje të përsëritura. Skenari i tretë, edhe pse më pak i mundshëm, është rikthimi i Fidesz përmes mobilizimit të fortë dhe shpërndarjes së favorshme të votave.
Pasojat rajonale: si do të ndikojë ndryshimi në Budapest në Ballkan
Këto zgjedhje nuk janë thjesht zgjedhje – ato janë një referendum për drejtimin e Hungarisë: status quo apo ndryshim drejt një modeli më të hapur dhe më pro-evropian të demokracisë.
Për rajonin, kjo ka rëndësi të madhe. Hungaria nën Orban ka qenë një lloj “mburoje politike” për qeveri me probleme demokratike, si brenda BE-së ashtu edhe në fqinjësi. Në kuadër të BE-së, Budapesti shpesh ka bllokuar ose relativizuar kritikat për sundimin e ligjit. Nëse Tisa formon qeveri, ky model ka gjasa të zhduket dhe të zëvendësohet me një politikë më të harmonizuar me BE-në.
Për Serbinë, për shembull, ku Hungaria është aleat kyç politik dhe një nga mbështetësit më të zëshëm të Aleksandar Vuçiqit në institucionet evropiane, kjo mund të ndryshojë ndjeshëm qasjen e Brukselit ndaj Beogradit – nga një qëndrim relativisht i butë në një më të ashpër dhe më pak tolerant.
Për ne, që jemi gjithsesi një fusnotë në politikën rajonale, nuk ka pasoja të mëdha – përveç një çështjeje: nëse humb Orbani, a mund të shfaqet Gruevski në ndonjë pikë kufitare, sipas strategjisë “ja ku jam” të Artan Grubit? Nëse kjo ndodh, padyshim do të shkaktonte tronditje në skenën e brendshme – por kjo tashmë është temë për një kolumnë tjetër.
Shkëndija shënoi fitore të sigurt në transfertë me Rabotniçkin në Shkup 0-3, ndërsa Pelisteri dhe Vardari luajtën me barazim pa gola në Manastir, në kuadër të javës së 26-të në Ligën e parë të futbollit vendor.
Shkëndija ka marrë fitore bindëse 3:0 në transfertë me Rabotniçkin në Shkup.
Dy gola të Endrit Krasniqit dhe një të Fabrice Tambës sollën fitoren e 19-të sezonale për ekipin kuqezinj.
Pas ndeshjes trajneri Jeton Beqiri theksoi se fitorja vjen në një moment të duhur kurse ekipi i tij ka reaguar në mënyrë pozitive pas asaj disfate në Tetovë kundër Pelisterit
“E dominuam takimin nga fillimi deri në fund, përveç një gabimi individual në fillimin e pjesës së dytë ku na shpëtoi portieri. Pjesa tjetër ishte e kontrolluar nga ana jonë dhe ishte një fitore e cila na duhej në këto momente për shkak se, të them të drejtën, edhe ne si staf, edhe futbollistët, edhe opinioni, edhe tifozët, të gjithë e përjetuam shumë rëndë atë humbje me Pelisterin. Ishte një humbje e papritur, por futbolli i ka këto situata dhe ne duhet mbas humbjes të reagojmë dhe të luftojmë çdo ndeshje pastaj për trepikëshin.” ka deklaruar trajneri Jeton Beqiri.
Pas Shkëndisë në Tetovë, Pelisteri ia “prishi hesapet” edhe një favoriti për titullin kampion. Në Manastir nën dritën e reflektorëe ndeshja kundër Vardarit përfundoi pa gola.
Ky barazim ka një peshë të madhe duke ndezur “betejën” për titullin kampion.
Me këtë pikë Vardari bëri një hap prapa në garën me Shkëndinë, kurse Pelisteri tregoi se është “vrasës” i favoritëve pasi drejtpërdrejtë po ndikon se ku do të përfundojë titulli i Kampionit.
Teksa kanë mbetur edhe shtatë xhiro deri në përfundim të kampionatit diferenca mes Vardarit dhe Shkëndisë tani është 1 pikë.
SHABAN SINANI – TV KOHA
Dënimet me burg të përjetshëm për vrasjen e Vanjës dhe Pançes në debat para Gjykatës së apelit
Nëse humb Orbani, Gruevski mund të shfaqet në kufi
SHKËNDIJA I RIKTHEHET FITORES – PELISTERI “VRASËS” I FAVORITËVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”