Prokuroria Themelore Publike e Manastirit ka lëshuar urdhër për zhvillimin e një procedure hetimore ndaj një 31-vjeçari nga Manastiri, i dyshuar për veprën penale të prodhimit dhe shpërndarjes së materialeve pornografike me fëmijë.

Sipas njoftimit, procedura është iniciuar pas veprimeve parahetimore të realizuara nga Prokuroria Publike në koordinim me SPB Manastir dhe Sektorin për Krim Kompjuterik dhe Forenzikë Dixhitale në Shkup. Hetimi ka nisur pas një raporti të autoriteteve australiane, të cilat më herët kanë zhvilluar një operacion për identifikimin e faqeve që shpërndajnë materiale që përmbajnë abuzim me fëmijë.

Autoritetet australiane kanë identifikuar përdorues të ndryshëm përmes adresave IP dhe të dhënave elektronike, disa prej të cilëve ndodhen në Maqedoninë e Veriut. Për këto raste është dërguar njoftim tek institucionet vendore përkatëse.

Nga Prokuroria njoftojnë se kontrolle janë duke u zhvilluar edhe në Shkup dhe qytete të tjera, me qëllim verifikimin e plotë të të dhënave të siguruara në kuadër të hetimit.

Advertisement

Ndërkohë, në Gjykatën Themelore të Manastirit është paraqitur propozim për caktimin e masës së paraburgimit për të dyshuarin.

-Kjo rrugë nuk mund të ndërtohet pa pasur bashkëpunim mes dy qeverive! Nuk e di sa ka bashkëpunim, nuk e di sa ka nënshkrim të marrëveshjeve, tha kryetari i komunës së Prizrenit, Shaqir Totaj në lidhje me rrugën Tetovë-Prizren, përcjell TV21. Totaj akuzoi qeverinë e Kosovës për mungesë të transparencës në këtë projekt.

“Në Kosovë ka punime që po realizohen. Ne po ballafaqohemi me mungesë të transparencës dhe me mungesë të informacioneve të sakta se çka po punohet, në çfarë drejtimi po punohet edhe shumë informacione të tjera që do të duhej të ishin publike, që ne nuk i kemi. Por projekti si i tillë, ideja për një projekt të tillë gjithsesi duhet të përshëndetet dhe duhet të besojmë se do të realizohet”, shtoi Totaj.

Një 39-vjeçare nga rrethina e Tetovës ka raportuar në polici vëllanë e saj dhe anëtarë të tjerë të familjes. Ajo dyshon se përmes nënshkrimeve të falsifikuara, prona familjare është kaluar në emër të tij. Policia po punon për zbardhjen e rastit.