Lajme nga vendi
Mediat greke: Filluan punët preliminare në Greqi për ndërtimin e interkonektorit me Maqedoninë e Veriut
“Udhëtimi” i gazsjellësit të ri Greqi – Maqedonia e Veriut filloi, duke pasur parasysh atë se “Terna” i filloi motorët, duke i filluar punët preliminare për pjesën greke të projektit, shkruan portali energjetik grek “Energji mag” lidhur me ndërlidhësin për gaz natyror mes të dyja vendeve, informon korrespondentja e MIA-s nga Athina.
Kompania “Terna” para katër muajve ishte zgjedhur si kontraktuese e pjesës greke të ndërlidhësit, me çka e mori projektin e hollësishëm, furnizimin e materialeve dhe ndërtimin e gazsjellësit Nea Mesimvria – Evzoni/Gjevgjeli.
Portali grek shkruan se për projektin konkret që është në kompetencë të Operatorit Kombëtar për Transmetim të Gazit në Greqi DESFA, buxheti është rishikuar në 92 milionë euro (prej 67 milionë euro në programin paraprak), ndërsa paralelisht vijon edhe tenderi edhe për ndërtimin e stacionit matës, që është kyç për funksion të pandërprerë të gazsjellësit.
Projekti, sipas portaleve greke të specializuara për tema energjetike, pritet të finalizohet në pranverë të vitit të ardhshëm, periudhë kohore e zhvendosur për shkak të vonesës nga ana jonë.
Ministrja e Energjetikës, Minierave dhe Burimeve Minerale, Sanja Bozhinovska para dy javëve, pas pjesëmarrjes në Samitin energjetik në Greqi dhe pas takimit me homologun e saj grek Teodoros Skilakas, në bisedë për MIA-n, për ndërlidhësin sqaroi se te ne ishte anuluar procedura dhe ka filluar procedurë e re, ndërsa çmimi është për 12 milionë më i lirë se herën e kaluar.
“Sa i përket Nomagas-it, i ka kryer të gjitha kontrollet dhe ne kemi përfunduar gjithçka nga ana jonë. Është dërguar në Bankën Evropiane të Investimeve dhe çdo ditë presim, maksimumi këto ditë në javë presim konfirmimin dhe fillimin e nënshkrimit të kontratës për kompaninë që është operatori më i suksesshëm ekonomik dhe të fillojë ndërtimi, sepse na pret neve”, sqaroi ministrja para dy javëve dhe theksoi se me Skilakakis kanë biseduar për ndërlidhësin.
Gazsjellësi është paraparë të jetë në gjatësi prej 123 kilometra, prej të cilave 67 kilometra janë në territor të Maqedonisë së Veriut, që të shtrihet nga Nea Mesimvria drejt Negotinës përmes Gjevgjelisë dhe t’i lidhë dy sistemet kombëtare për transmetim të gazit natyror, ndërsa me qëllim që të diversifikohen burimet e furnizimit me gaz natyror në Maqedoninë e Veriut.
Paralelisht përmes projektit, vendi ynë do të ketë mundësi të furnizohet edhe me gaz natyror dhe gaz të lëngshëm natyror (LNG) nga terminalet greke në Revitusa dhe Aleksandropuli.
Kapaciteti fillestar do të jetë 1,5 miliardë metra kub në vit, me mundësi të zgjerimit deri 3 miliardë metra kub në vit, ndërsa janë zbatuar edhe studime me qëllim që gazsjellësi të ketë specifikime adekuate për transport të hidrogjenit të gjelbër.
Me ndërtimin e ndërlidhësit, për shkak të vendndodhjes së tij gjeografike, vendi ynë mund të bëhet udhëkryq në rajon, duke qenë se, siç sqaroi Bozhinovska për MIA-n, lidhja me Bullgarinë tashmë ekziston, po punohet në atë me Greqinë, dhe vitin e kaluar është nënshkruar memorandumi i bashkëpunimit me Serbinë, i cili, siç tha ajo, “ne po punojmë në atë që nënkupton se te ne do të kalojë ruta transitore dhe do të furnizohet jo vetëm Serbia, por edhe Hungaria dhe Austria”.
Në ditën e hyrjes në fuqi të ligjeve, Aleanca për Shqiptarët ka kontestuar në Gjykatën Kushtetuese aktet ligjore që përfshihen në paketën “Safe City”.
Abidin Abduli, avokat i angazhuar nga Aleanca për Shqiptarët, deklaroi:
“Siç paralajmëruan deputetët tanë nga foltorja e Kuvendit, ligjet e paketës ‘Safe City’ do të ankohen në Gjykatën Kushtetuese në ditën e hyrjes së tyre në fuqi. Këto iniciativa i dorëzuam me qëllim që çdo ligj të vlejë për të gjithë qytetarët, në të gjithë territorin e Republikës së Maqedonisë së Veriut.”
Në lidhje me deklaratën e Ziadin Selës, një pyetje e ngritur nga gazetarët, deputeti Halil Snopçe theksoi:
“Serioziteti për ‘Safe City’ matet me veprime konkrete dhe jo me deklarata politike. Neni 9 i Kushtetutës garanton barazi për të gjithë qytetarët, ndërsa zbatimi i ligjit vetëm në tre qytete nuk është i barabartë dhe nuk siguron uniformitet. Deputeti Rijad Shaqiri paralajmëroi nga foltorja e Kuvendit se Aleanca për Shqiptarët do të dorëzonte ankesë, ndërsa Ziadin Sela nuk ishte i pranishëm gjatë votimit të ligjit.”
Aleanca për Shqiptarët thekson se çdo ligj duhet të jetë i drejtë, i barabartë dhe të garantojë të drejta të njëjta për të gjithë qytetarët, pa përjashtim.
Aleanca për Shqiptarët
Zëvendëskryeministri Arben Fetai, në emisionin “Rishtazi” në KohaCast, ka deklaruar se Ligji për kundërvajtje, i njohur si sistemi “Safe City”, është politizuar pa nevojë, duke u shoqëruar me dilema, propagandë dhe përpjekje për etnizim të tij. Sipas Fetait, “Safe City” është një sistem i konceptuar për të vendosur rend në qarkullimin publik dhe për të ulur numrin e aksidenteve fatale në trafik. “Bëhet fjalë për një sistem që synon të vendosë rend në qarkullimin publik dhe të ulë shkallën e vdekshmërisë në aksidentet rrugore. Ai është menduar dhe dizajnuar mbi bazën e statistikave që shteti disponon lidhur me aksidentet e trafikut në nivel vendi”, ka deklaruar Fetai.
Zëvendëskryeministri ka theksuar se qasja e Qeverisë është parandaluese dhe jo ndëshkuese, duke hedhur poshtë pretendimet e opozitës se qëllimi është mbledhja e gjobave për mbushjen e buxhetit. “Qëllimi ynë nuk është të ndëshkojmë qytetarët apo të mbledhim para për buxhetin, siç u paraqit nga një pjesë e opozitës. Qasja është parandaluese dhe ka të bëjë me sigurinë publike”, tha Fetai.
Ai sqaroi se ligji ende nuk zbatohet plotësisht dhe se aktualisht sistemi ndodhet në fazë testuese. Sipas tij, operacionalizimi i plotë i sistemit, përfshirë edhe shqiptimin e dënimeve, do të nisë nga data 1 shkurt. Fetai po ashtu nënvizoi se dërgimi i njoftimeve përmes SMS-ve është ende në fazë testimi dhe se Qeveria ka garantuar respektimin e Ligjit për përdorimin e gjuhëve. “Kemi qartësuar se do të respektohet ligji për përdorimin e gjuhëve dhe njoftimet do të dërgohen në dy gjuhë. Këtë e garantojmë”, theksoi Fetai.
Ministrja e Arsimit dhe Shkencës, Vesna Janevska, në emisionin “Click Plus” deklaroi se aktualisht institucionet po veprojnë mbi kallëzimet për diploma të falsifikuara, duke theksuar se ligji në fuqi për momentin parashikon vetëm masa ndëshkuese.
Ajo shtoi se së shpejti pritet të hyjë në fuqi Ligji i ri për Arsimin e Lartë, i cili do të mundësojë procedura të reja për trajtimin e këtyre rasteve.
“Gjatë gjithë kësaj periudhe kemi punuar për të përcaktuar disa fakte që kanë ndodhur në të kaluarën, por ka indikacione se raste të tilla po ndodhin edhe tani, megjithëse në një përqindje më të vogël. Më vjen keq të them se ligjet tona ekzistuese për arsimin e lartë kanë disa mangësi, të cilat nuk na lejojnë ta përmbyllim plotësisht këtë problematikë, ndonëse do të kishim mundësi. Kemi ndërmarrë hapa dhe aktualisht po veprojmë në bashkëpunim me Inspektoratin Shtetëror të Arsimit, i cili, edhe jashtë planit të rregullt, po zhvillon një sërë hetimesh. Për momentin po punohet mbi kallëzimet e paraqitura dhe të gjitha ato që na janë dorëzuar janë proceduar. Ligji nuk është i qartë se si duhet vepruar pas përfundimit të procedurave. Një pjesë e madhe e rasteve janë zgjidhur me shqiptimin e masave ndëshkuese ndaj subjekteve që kanë kryer shkeljet. Në këtë proces do të duhet të përfshihet edhe Agjencia për Cilësinë e Arsimit të Lartë”, deklaroi Janevska.
ASH konteston zbatimin jo uniform të paketës “Safe City” në Kushtetuese
Fetai: “Safe City” është politizuar pa nevojë, ligji nuk ka karakter ndëshkues
Diploma false, ministrja Janevska: Ka kallëzime penale, po veprohet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
