Lajme nga vendi
MEXHITI: PO FINALIZOJMË PROPOZIM-LIGJIN PËR VEPRIM KLIMATIK
Zëvendëskryeministri i parë dhe ministës i Mjedisit Jetësor dhe Planifikimit Hapësinor, Izet Mexhiti, sot mori pjesë dhe kishte paraqitje në ngjarjen përmbyllëse të projektit “Ngritja e kapaciteteve drejt zhvillimit të qëndrueshëm të kapitalit njerëzor në Maqedoninë e Veriut”, organizuar nga Shoqata Gjermane për Bashkëpunim Ndërkombëtar – GIZ.
Në takimin përmbyllës, ku folën edhe ministri i Politikës Sociale, Demografisë dhe Rinisë, Fatmir Limani, koordinatori qeveritar për Fondin e Gjelbër për Klimën, Dame Dimitrovski dhe menaxheri i projektit në Zyrën e GIZ-it në Shkup, Mark Barret, Mexhiti theksoi rëndësinë e luftës kundër ndryshimeve klimatike, që siç tha ai, nuk ka të bëjë vetëm me teknologjitë, por edhe me infrastrukturën, dhe politikat.
‘Bëhet fjalë për ti siguruar individët, komunitetet dhe institucionet me njohuri, aftësi dhe mënyra të të menduarit, të nevojshme për të nxitur ndryshime të rëndësishme dhe të qëndrueshme. Ndryshimet klimatike, si një qëllim i veçantë i zhvillimit të qëndrueshëm, paraqesin një nga sfidat më të mëdha të kohës sonë. Për ti trajtuar në mënyrë efikase këto sfida, duhet të investojmë në kapitalin njerëzor – aftësinë tonë kolektive për t’u përshtatur, për të inovuar dhe për të ndërtuar shoqëri të qëndrueshme’, tha Mexhiti.
Para së gjithash, shtoi zëvendëskryeministri i parë Mexhiti, arsimi luan një rol kyç në ndërtimin e qëndrueshmërisë klimatike dhe njohuritë i fuqizon individët të marrin vendime të informuara dhe të zbatojnë zgjidhje të qëndrueshme.
Në aktivitet u diskutua edhe për krijimin e “profesioneve të gjelbra” të reja, të cilat do t’u japin të rinjve mundësinë për të punuar në sektorë që janë në përputhje me tendencat më të fundit klimatike.
“Ne jemi veçanërisht krenarë që ky projekt ka hedhur themelet për nxitjen e vendeve të gjelbra të punës dhe avancimin e politikave të përfshirjes sociale. Në këtë kontekst, është e rëndësishme të theksohet se Plani Kombëtar i veprimit për mbështetjen e zhvillimit të punësimit të gjelbër, inteligjent ndaj klimës, punësimit të ndjeshëm ndaj gjinisë dhe gjithëpërfshirës në sektorët kyç ekonomik në vend përmban masa specifike për përshtatjen e tregut të punës me tranzicionin e gjelbër”, tha Fatmir Limani, Ministër i Politikës Sociale, Demografisë dhe Rinisë.
Koordinatori i Qeverisë për Fondin e Gjelbër për Klimën, Dame Dimitrovski, vuri në dukje se ndryshimet klimatike janë të vendosura lartë në agjendën e qeverisë dhe se sektori i arsimit, mbrojtjes sociale dhe shëndetësisë njihen si sektore kyçe të agjendës së gjelbër.
Mark Barrett, menaxher projekti i Agjencisë Gjermane të Bashkëpunimit Ndërkombëtar GIZ, vuri në dukje se një e treta e portofolit është në të vërtetë zbatimi i projekteve që kontribuojnë në përshtatjen e sektorëve të bujqësisë dhe transportit, dekarbonizimin e sektorit të energjisë, përmirësimin e efiçencës energjetike të ndërtesave publike dhe menaxhimin e përmbytjeve si dhe forcimin e sektorit privat.
Në ditën e hyrjes në fuqi të ligjeve, Aleanca për Shqiptarët ka kontestuar në Gjykatën Kushtetuese aktet ligjore që përfshihen në paketën “Safe City”.
Abidin Abduli, avokat i angazhuar nga Aleanca për Shqiptarët, deklaroi:
“Siç paralajmëruan deputetët tanë nga foltorja e Kuvendit, ligjet e paketës ‘Safe City’ do të ankohen në Gjykatën Kushtetuese në ditën e hyrjes së tyre në fuqi. Këto iniciativa i dorëzuam me qëllim që çdo ligj të vlejë për të gjithë qytetarët, në të gjithë territorin e Republikës së Maqedonisë së Veriut.”
Në lidhje me deklaratën e Ziadin Selës, një pyetje e ngritur nga gazetarët, deputeti Halil Snopçe theksoi:
“Serioziteti për ‘Safe City’ matet me veprime konkrete dhe jo me deklarata politike. Neni 9 i Kushtetutës garanton barazi për të gjithë qytetarët, ndërsa zbatimi i ligjit vetëm në tre qytete nuk është i barabartë dhe nuk siguron uniformitet. Deputeti Rijad Shaqiri paralajmëroi nga foltorja e Kuvendit se Aleanca për Shqiptarët do të dorëzonte ankesë, ndërsa Ziadin Sela nuk ishte i pranishëm gjatë votimit të ligjit.”
Aleanca për Shqiptarët thekson se çdo ligj duhet të jetë i drejtë, i barabartë dhe të garantojë të drejta të njëjta për të gjithë qytetarët, pa përjashtim.
Aleanca për Shqiptarët
Zëvendëskryeministri Arben Fetai, në emisionin “Rishtazi” në KohaCast, ka deklaruar se Ligji për kundërvajtje, i njohur si sistemi “Safe City”, është politizuar pa nevojë, duke u shoqëruar me dilema, propagandë dhe përpjekje për etnizim të tij. Sipas Fetait, “Safe City” është një sistem i konceptuar për të vendosur rend në qarkullimin publik dhe për të ulur numrin e aksidenteve fatale në trafik. “Bëhet fjalë për një sistem që synon të vendosë rend në qarkullimin publik dhe të ulë shkallën e vdekshmërisë në aksidentet rrugore. Ai është menduar dhe dizajnuar mbi bazën e statistikave që shteti disponon lidhur me aksidentet e trafikut në nivel vendi”, ka deklaruar Fetai.
Zëvendëskryeministri ka theksuar se qasja e Qeverisë është parandaluese dhe jo ndëshkuese, duke hedhur poshtë pretendimet e opozitës se qëllimi është mbledhja e gjobave për mbushjen e buxhetit. “Qëllimi ynë nuk është të ndëshkojmë qytetarët apo të mbledhim para për buxhetin, siç u paraqit nga një pjesë e opozitës. Qasja është parandaluese dhe ka të bëjë me sigurinë publike”, tha Fetai.
Ai sqaroi se ligji ende nuk zbatohet plotësisht dhe se aktualisht sistemi ndodhet në fazë testuese. Sipas tij, operacionalizimi i plotë i sistemit, përfshirë edhe shqiptimin e dënimeve, do të nisë nga data 1 shkurt. Fetai po ashtu nënvizoi se dërgimi i njoftimeve përmes SMS-ve është ende në fazë testimi dhe se Qeveria ka garantuar respektimin e Ligjit për përdorimin e gjuhëve. “Kemi qartësuar se do të respektohet ligji për përdorimin e gjuhëve dhe njoftimet do të dërgohen në dy gjuhë. Këtë e garantojmë”, theksoi Fetai.
Ministrja e Arsimit dhe Shkencës, Vesna Janevska, në emisionin “Click Plus” deklaroi se aktualisht institucionet po veprojnë mbi kallëzimet për diploma të falsifikuara, duke theksuar se ligji në fuqi për momentin parashikon vetëm masa ndëshkuese.
Ajo shtoi se së shpejti pritet të hyjë në fuqi Ligji i ri për Arsimin e Lartë, i cili do të mundësojë procedura të reja për trajtimin e këtyre rasteve.
“Gjatë gjithë kësaj periudhe kemi punuar për të përcaktuar disa fakte që kanë ndodhur në të kaluarën, por ka indikacione se raste të tilla po ndodhin edhe tani, megjithëse në një përqindje më të vogël. Më vjen keq të them se ligjet tona ekzistuese për arsimin e lartë kanë disa mangësi, të cilat nuk na lejojnë ta përmbyllim plotësisht këtë problematikë, ndonëse do të kishim mundësi. Kemi ndërmarrë hapa dhe aktualisht po veprojmë në bashkëpunim me Inspektoratin Shtetëror të Arsimit, i cili, edhe jashtë planit të rregullt, po zhvillon një sërë hetimesh. Për momentin po punohet mbi kallëzimet e paraqitura dhe të gjitha ato që na janë dorëzuar janë proceduar. Ligji nuk është i qartë se si duhet vepruar pas përfundimit të procedurave. Një pjesë e madhe e rasteve janë zgjidhur me shqiptimin e masave ndëshkuese ndaj subjekteve që kanë kryer shkeljet. Në këtë proces do të duhet të përfshihet edhe Agjencia për Cilësinë e Arsimit të Lartë”, deklaroi Janevska.
ASH konteston zbatimin jo uniform të paketës “Safe City” në Kushtetuese
Fetai: “Safe City” është politizuar pa nevojë, ligji nuk ka karakter ndëshkues
Diploma false, ministrja Janevska: Ka kallëzime penale, po veprohet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
