Lajme nga vendi
Përmbaruesit të mbingarkuar me lëndë komunale! Vitin e kaluar janë arkëtuar rreth 160 milionë euro
Përmbaruesit në Maqedoninë e Veriut sipas statistikave për vitin 2024 janë të mbingarkuar lëndë komunale, të cilat përbëjnë 50% të gjithsej kërkesave të pranuara për përmbarim, kjo u bë e ditur në punëtorinë për gazetarë të mbajtur në Strumicë. Më pas vijnë lëndët për taksën gjyqësore, gjegjësisht për tarifat e papaguara për zhvillimin e procedurës së kundërvajtjes për lëndët në shumën prej 1.000 deri në 2.000 denarë dhe pas tyre janë rastet e detyrimeve ndërmjet qtetarëve, ndërmjet personave juridik dhe akterëve të tjerë në shtet, përfshirë shtetin ku paraqitet kreditori.
Por, sipas kryetares së Odës së Përmbaruesve të Maqedonisë së Veriut, Vesna Delovska, numri i kërkesave për përmbarim është rritur për 10 mijë lëndë pasi Gjykata Kushtetuese hoqi parashkrimin si mundësi për inkasimin e borxheve.
“Me kalimin e kohës, qytetarët ndërgjegjësohen, e dinë se çfarë është procesi i përmbarimit dhe problemet e mëparshme janë zhdukur. Me krenari do të thosha se qytetarët e vendit tonë po bëhen të vetëdijshëm financiarisht, të dëgjueshëm dhe të ndërgjegjshëm në përmbushjen e obligimeve të tyre”, theksoi Delovska.
Lidhur me ankesat e qytetarëve se u ngarkohen tarifa të paarsyeshme të larta, Delovska sqaron se shumat për shpenzimet përmbarimore të përmbaruesve jo vetëm që nuk janë të larta, sepse përveç borxhit kryesor, përmbaruesi ngarkon edhe shpenzime përmbarimore për avokatët, noterët, vlerësuesit, topografët, kadastrën, regjistrin qendror të shërbimeve postare.
Kostot totale të përmbarimit kryesisht përbëhen nga shpenzimet e tjera, jo nga tarifa e përmbaruesit, siç tregohet nga analiza e Doing Business, e cila tregon se edhe pse 28.8% e të gjithë kërkesës i përket përmbarimit, 16.7% nuk është për përmbaruesit, por për avokatët.
Në punëtori, ekspertët pjesëmarrës theksuan se nevojitet një transparencë dhe bashkëpunim më i madh ndërmjet përmbaruesve dhe gazetarëve, në mënyrë që bashkërisht ta afrojmë përmbarimin si aktivitet me publikun e gjerë, pra të thuhet në mënyrë transparente se çfarë dhe çfarë përfitimesh sjell puna përmbarimore për shtetin dhe ekonominë në tërësi.
Lajme nga vendi
Kasami inspekton asfaltimin e rrugës drejt Sellcës: Çdo premtim po e kthejmë në realitet
“Po punojmë me përkushtim që çdo projekt të realizohet me cilësi dhe në afat, në shërbim të qytetarëve. Çdo premtim e kthejmë në realitet. Çdo vendbanim është i rëndësishëm për ne”, ka shkruar Kasami në një postim publik.
Asfaltimi i kësaj rruge pritet të përmirësojë ndjeshëm qarkullimin dhe lidhjen e zonës me Tetovën, duke lehtësuar lëvizjen e banorëve dhe zhvillimin lokal. Komuna e Tetovës ka paralajmëruar vazhdimin e investimeve infrastrukturore edhe në vendbanime të tjera rurale./zyrtare.net/
Lajme nga vendi
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
Me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit, gjykatësi i procedurës paraprake në Gjykatën Penale të Shkupit u ka caktuar masën e paraburgimit afatshkurtër prej 48 orësh dy personave të dyshuar. Pas analizës së provave të grumbulluara, autoritetet kanë ngritur dyshime se këta individë kanë ndërmarrë aktivitete konkrete lidhur me sasinë prej 5 tonë marihuanë që u sekuestrua së fundmi në Republikën e Serbisë.
Masa e paraburgimit është vendosur me qëllim që t’i mundësohet prokurorisë kohë e mjaftueshme për të ndërmarrë veprimet e domosdoshme procesuale dhe për të siguruar praninë e të dyshuarve. Prokuroria sqaron se kjo masë është e justifikuar për shkak të kompleksitetit të rastit dhe karakterit të tij ndërkombëtar, ku afatet kohore për veprim janë shpesh të kufizuara. Institucionet po vijojnë me intensitet punën për zbardhjen e plotë të lëndës dhe kanë paralajmëruar se publiku do të informohet në kohë për rrjedhën e mëtejshme të procedurës.
Protesta e pestë me rradhë. Qytetarët sot protestuan përsëri para Drejtorisë së të Ardhurave Publike në Tetovë për tatimet të cilat u kërkohen të paguhen gjatë kohës që ata kanë punuar jashtë vendit, ata thonë se kjo është e jashtëligjshme. Qytetarët të cilët kanë punuar kryesisht në Irak dhe Afganistan theksojnë se nuk janë kundër tatimeve, por kundërshtojnë ngarkesën e padrejtë dhe retroaktive.
Semi Beqiri – Protestues
Protestuesit kërkojnë që të anulohen të gjitha vendimet e marra me efekt retroaktiv. Besir Abdullahi thotë se protestat janë apolitike dhe kanë për qëllim mbrojtjen e qytetarëve, megjithatë u bën thirrje kryetarëve të partive që t’i mbështesin në këtë mision.
Semi Beqiri – Protestues
Qytetarët paralajmëruan se do të vazhdojnë me protestën derisa të dëgjohet zëri i tyre, ndërsa thonë se protestat do të dislokohen edhe në Shkup nëse nuk gjindet zgjidhje. Ata thonë se tash më janë në kontakt të vazhdueshëm edhe me partitë opozitare dhe se çështja e tyre do të adresohet edhe në parlament së shpejti.
Semi Beqiri – Protestues
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.
Kasami inspekton asfaltimin e rrugës drejt Sellcës: Çdo premtim po e kthejmë në realitet
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
PROTESTA E PESTË NË TETOVË KUNDËR TATIMEVE RETROAKTIVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
