Lajme nga vendi
SKIJIM: KONSTASNTIN STOILLOV DHE LIRIKA DEVA FITUES TË QENIT TË SHARRIT
Me shpalljen e fituesve të në mënyrë solemne përfundoi edicioni i 41-të i garave ndërkombëtare të skijimit Kupa e Malit Sharr që kësaj radhe u organizua nga Federata e Skijimit dhe Ministria e sportit të Maqedonisë së Veriut dhe me përkrahjen e të Qendrës rekreative sportive Kodra e Diellit. Fitues të përgjithshëm dolën bullgari Konstantin Stoillov në kategorinë e meshkujve dhe kosovarja Lirika Deva na at të vajza. Në mbylljen solemne krahas drejtuesve të Federatës së Skijimit ishte edhe kreu i Komunës së Tetovës Bilall Kasami i cili premtoj se organizimi në ardhmen do t jetë në nivelin më lartë
‘’Fillimisht më lejoni që të përgëzoj të gjithë pjesëmarrësit dhe garuesit dhe ato që morën vende. Për ne si komunë e Tetovës dhe si Republikë e Maqedonisë së veriut është e një rëndësie të veçantë rikthimi i Kupës së Sharrit, sepse ka qenë një simbol i Tetovës , simbol i Ballkanit dhe ne do të punojmë fuqishëm që nga viti i ardhshëm ky organizim të jetë shumë më e mirë dhe do ketë shumë më shumë pjesëmarrës dhe sigurisht që dal nga dal t’ia rikthejmë shkëlqimin që ka pasur diku’’ deklaroi Bilall Kasami kryetar i Komunës së Tetovës
Fitues të përgjithshëm në kategorinë e meshkujve dolën skiator bullgarët Konstantin Stoillov vendi parë, Ivan Glavçev vendi dytë.,ndërsa venin e tretë e ndanë bullgari Marko Semerxhiev dhe skitari i Maqedonisë Mirko Llazarevski . Ndërsa fitues i shpërblimit 1000 euro dhe Qeni i Sharrit i takoi Konstantin Stoillov. Pas që u shpall më i miri ai ekskluzivisht për TV koha deklaroi
‘’Jam krenar që dola fitues i Kupës së Sharrit , për mua është nder që mora pjesë dhe që dëshmova skitari cilësorë. E di që kjo gara është tradicionale cilës dhe shpresoj se do të vazhdon edhe më tutje ‘’deklaroi Stillov
Në kategorinë e femrave fituese e përgjithshme doli skiatorja e Kosovë Lirika Deva , para asaj bullgare Paula Mie dhe kosovares tjetër Arba Pupovci. Lirika deva e emocionua pas këtij suksesi për televizionin koha deklaroi
‘’Ka qenë shumë e lumtur me rezultatin tim sot dhe kjo është një rezultat i punës time shumë vjeçare dhe kam qenë shumë falënderuese për krejt shqiptarët që kanë ardhur me na përkrahë dhe kryesisht ishte një garë shumë e mirë’’ tha fituesja Lirika Deva
Ndryshe për shkak të dëborës jo të mjaftueshme dhe të mjegullës së dendur edhe sot garat u mbajtën në disiplinë e sllallomit. Organizmi nga ana e delegatit të FIS-it i vlerësua lartë. Organizatori për ata më të merituarit në organizimin e këtij eventi tradicional ndajti mirënjohje në mesin e të cilëve edhe drejtorisë së Qendrës Turistike Kodra e Diellit.
Lajme nga vendi
Jetëgjatësia rritet, por Maqedonia e Veriut po zbrazet! Saraji dhe Çairi kryesojnë me rritje natyrore pozitive në vend
Jetëgjatësia në Maqedoninë e Veriut është rritur për një vit dhe në vitin 2024 ka arritur mesatare në 76,6 vjet, por vendi vazhdon të përballet me rënie të popullsisë për shkak të rritjes natyrore negative.
Sipas të dhënave nga “Vjetari Statistikor i Republikës së Maqedonisë së Veriut 2025”, publikuar nga Enti Shtetëror i Statistikës, gjatë vitit 2024 kanë lindur 16.061 fëmijë, ndërsa kanë vdekur 20.201 persona, që përbën një rënie të popullsisë prej 4.140 banorësh. Vetëm rajoni i Shkupit ka shënuar rritje natyrore pozitive, ndërsa në të gjitha rajonet e tjera numri i vdekjeve ka tejkaluar ndjeshëm numrin e lindjeve.
Jetëgjatësia mesatare është rritur nga 75,32 vjet në vitin 2023 në 76,63 vjet në vitin 2024. Gratë jetojnë më gjatë, me një mesatare prej 78,86 vjetësh, ndërsa burrat 74,48 vjet.
Në gjashtë vitet e fundit, që nga viti 2019, vendi ka pasur rritje natyrore negative. Vetëm brenda një viti, numri i lindjeve të gjalla ka rënë për rreth 700, nga 16.737 në vitin 2023 në 16.061 në vitin 2024. Në dhjetë vitet e fundit, lindjet kanë rënë nga 23.002 në vitin 2016.
Rajoni i Shkupit ishte i vetmi me rritje pozitive natyrore, veçanërisht në Saraj (+8.4) dhe Çair (+5.5 për 1.000 banorë). Rënia më e madhe natyrore u regjistrua në Novosellë (-14.8), Novac (-13.7), Nagoriçan i Vjetër (-13.6) dhe Kratovë (-12.8).
Shkaqet më të shpeshta të vdekjes janë sëmundjet e sistemit të qarkullimit të gjakut (36.6%), kanceret (19.6%) dhe sëmundjet endokrine e metabolike (7.7%).
Vitin e kaluar, numri i martesave ka rënë për 1.600 dhe ka arritur në 11.066, ndërsa shkurorëzimet janë rritur për 259, duke arritur në 2.024. Mesatarisht, në nivel shtetëror janë regjistruar 183 shkurorëzime për 1.000 martesa, me normën më të lartë në rajonet e Vardarit, Lindjes dhe Juglindjes.
Moti sot në Maqedoninë e Veriut do të jetë me vranësira dhe periudha diellore. Në pjesën perëndimore të vendit do të ketë kushte për reshje të shiut, ndërsa në vendet malore do të ketë kushte për reshje të borës.
Në vend do të fryjë një erë e lehtë nga drejtimi jugperëndimor.
Temperaturat minimale do të lëvizin nga -14 deri -6, ndërsa temperaturat maksimale do të lëvizin nga -4 deri 6 gradë celsius.
Për ditën e shtunë moti pritet të jetë me vranësira dhe reshje lokale të shiut.
Me 27 vota pro, Këshilli Komunal ka miratuar buxhetin e Komunës së Tetovës për vitin 2026. Propozim-buxheti kap vlerën mbi 44 milionë euro, nga të cilat rreth 17 milionë euro janë të dedikuara për projekte kapitale. Kryetari i Komunës së Tetovës, Bilall Kasami, theksoi se buxheti për vitin 2026 është më i madh krahasuar me vitin paraprak dhe se bëhet fjalë për një buxhet zhvillimor.
“Për herë të parë, rreth 40 për qind e buxhetit është e dedikuar për investime kapitale. Në buxhetet e mëparshme, 70 deri në 80 për qind shkonin për paga dhe shpenzime operative. Ky buxhet parasheh ndërtimin e shkollave të reja, pishina, rrugë, kanalizim, ujë të pijshëm dhe projekte të tjera në interes të drejtpërdrejtë të qytetarëve”, deklaroi Kasami.
Ai sqaroi se janë paraparë mbi 200 mijë euro për projektimin dhe depërtimin e një rruge të re në fshatin Shipkovicë, e cila do të jetë pjesë e lidhjes rrugore Tetovë-Prizren.
“Në Shipkovicë do të ndërtohet një qarkore, në mënyrë që rruga të mos kalojë përmes fshatit, pasi rruga ekzistuese nuk i plotëson kushtet. Janë ndarë mbi 200 mijë euro për projektimin dhe depërtimin e kësaj qarkoreje. Segmenti nga Tetova deri në Shipkovicë i plotëson kushtet, ndërsa pjesa nga Shipkovica drejt fshatrave të tjera do të zgjerohet”, shtoi Kasami.
Këshilltari nga Lista Më Mirë për Tetovën, Agron Arifi, kritikoi disa zëra të buxhetit, duke theksuar se në të janë përfshirë mjete për rrugë që, sipas tij, janë realizuar gjatë fushatës zgjedhore.
“Bëhet fjalë për projekte që janë realizuar gjatë vitit 2025 dhe që do të paguhen nga buxheti i vitit 2026. Gjithashtu, kemi punësime me kontrata në Komunën e Tetovës, me një vlerë rreth 570 mijë euro. Propozova një amendament për rregullimin e fushës sportive në Gjimnazin ‘Kiril Pejçinoviç’, por nuk u pranua me arsyetimin se aty do të ketë investim privat”, tha Arifi.
Gjatë seancës, këshilltarët e Aleanca Kombëtare për Integrim akuzuan se edhe për vitin 2026 është paraparë një buxhet i konsiderueshëm për punësime, të cilat i cilësuan si punësime të militantëve partiakë. Këto akuza u hodhën poshtë nga kryetari Kasami, i cili deklaroi se në Komunën e Tetovës askush nuk merr pagë pa kryer punë. Po ashtu, këshilltarët e AKI-së kërkuan që të ndahen mjete edhe për rrugën në fshatin Gajre, duke theksuar se ajo është lënë në harresë dhe ndodhet në gjendje të rënduar infrastrukturore./TV KOHA/
Jetëgjatësia rritet, por Maqedonia e Veriut po zbrazet! Saraji dhe Çairi kryesojnë me rritje natyrore pozitive në vend
Moti sot në Maqedoninë e Veriut
Miratohet buxheti i Tetovës, mbi 17 milionë euro për projekte kapitale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
