Lajme nga vendi
Emërimi i rrugëve në Tetovë/ Siljanovksa kundër, i përgjigjet ashpër Kasami
Presidentja Gordana Siljanovska mbështetë kërkesën e Lidhjes së Luftëtarëve të Maqedonisë për mos ndryshimin e emrave të rrugëve në Tetovë, shkruan Alsat.
Siljanovska me këtë qëndrim e ka arsyetuar me mbështetjen për historinë që tregojnë këto emra, edhe pse të njëjtët nuk përkojnë aspak me realitetin etnik të vendit.
“Me pasardhësit e luftëtarëve të LNÇ, sot u pajtuam se nuk guxojmë ta harrojmë historinë dhe duke i nderuar personalitetet që kanë qenë pjesë e luftës anti-fashiste, tregojmë se mbetemi siç kemi qenë në anën e progresit. Heronjtë që na sollën lirinë nuk janë të paramenduar. Emrat e tyre tregojnë dhe rrëfejnë të vërtetën historike. Andaj, Lidhja e luftëtarëve duhet të jetë e vendosur në mos ndryshimin e emrave të rrugëve për një pjesë të rrugëve në Tetovë që mbajnë emrat e veprimtarëve kombëtar në të kaluarën anti – fashiste. Të gjithë kemi përgjegjësi ndaj historisë dhe ë njëjta duhet t`iu lihet fëmijëve tanë”, tha presidentja Siljanovska.
I menjëhershëm ishte reagimi i kreut të komunës Bilall kasami. Ai në përgjigjen e tij drejtuar presidentes, ka përmendur se ky projekt ka tejet rëndësi për Tetovën dhe vet banorët.
Kasami i kërkon Siljanovskës që para se të jep deklarata të këtilla, fillimisht ta bisedoj këtë projekt me drejtuesit e komunës së Tetovës.
“Përskaj shumë projekteve të realizuar në Tetovë për interes të qytetarëve dhe për të përmirësuar jetën e tyre këtyre ditëve është edhe procesi i ndryshimit të emrave të rrugëve shesheve bulevardeve dhe urave. Ky është një proces po aq i rëndësishëm sa edhe ndërtimi i infrastrukturës rrugore, ndriçimit apo kanalizimit e ujësjellësit. Andaj ftoj gjithë faktorët politik që janë të përfshirë në këtë proces të jenë konstruktiv sepse kjo është nevojë e qytetarëve të Tetovës pa marrë parasyshë përkatësinë politike etnike apo fetare. Ftoj presidenten që para se të jep deklarata që nuk kontribojnë për përmbylljen me sukses të këtij procesi, të konsultoj fillimisht pushtetin lokal të komunës së Tetovës për të marrë informata më të sakta për realizimin e këtij projekti. I gjithë procesi është konform Ligjit e Kushtetutës, është gjithpërfshirës dhe në fund do dalin fitues qytetarët e saj. Tetovarët meritojnë të kenë adresa të sakta me emër dhe numër në banesat e tyre”, iu përgjigj Kasami.
Fillimi i procesit të ndryshimin e emrave në Tetovë, për herë të parë pas më së dy dekadash, has në një kohezion politik dhe pajtueshmëri gjithëpërfshirëse, ndërsa kundër këtij procesi, që në fillimin e tij, janë shprehur Lidhja e pasardhësve të Luftëtarëve të Tetovës, ndërsa së fundmi edhe LSDM e cila javë më parë u largua nga komisioni për ndryshim të emrave./ Alsat.mk
Nga Drejtoria për Punë Hidrometeorologjike njoftojnë se pritet mot i ndryshueshëm me reshje të shpeshta lokale shiu, përcjell TV21. Do të fryjë erë e dobët deri mesatare nga drejtimi verior. Sipas DPHM, në Shkup moti do të jetë i ndryshueshëm me periudha me diell. Do të fryjë erë e dobët deri mesatare nga drejtimi verior.
“Nesër moti do të mbetet stabil. Nga pasditja e së mërkurës deri të premten, nën ndikimin e një vale të re të lagësht do të ketë reshje shiu, më të bollshme (mbi 30 l/m²). Për shkak të depërtimit të një mase më të ftohtë ajri nga veriu dhe erës së përforcuar veriore, të enjten dhe të premten në male do të ketë kushte që reshjet e shiut të kalojnë në borë të përkohshme. Temperatura do të bjerë ndjeshëm. Gjatë ditëve të fundjavës pritet stabilizim i motit dhe rritje e ngadalshme e temperaturave ditore”, thonë nga DPHM.
Lajme nga vendi
Linjë e re ajrore nga Shkupi drejt Gjermanisë, tre herë në javë do të ketë fluturim drejt Shtutgartit
Me fluturimin e parë që u nis sot në orën 06:25 nga Shkupi drejt Shtutgartit, kompania “Wizz Air” ka hapur një linjë dhe destinacion të ri nga kryeqyteti i Maqedonisë drejt Gjermanisë, njofton TAV Maqedonia.
Kompania do të operojë fluturime nga Shkupi për në Shtutgart 3 herë në javë, çdo të hënë, të mërkurë dhe të premte. Gjatë orarit veror të fluturimeve në Aeroportin Ndërkombëtar të Shkupit, deri më 24 tetor, orari i nisjes është:
E hënë dhe e premte: 06:25 nga Shkupi, me mbërritje në Shtutgart në 11:10 sipas orës lokale.
E mërkurë: nisja në 06:30 nga Shkupi, me mbërritje në 11:10 sipas orës lokale.
Gjatë sezonit dimëror, fluturimet do të jenë gjithashtu të hënave, të mërkurave dhe të premteve, me të njëjtat orare nisjeje dhe mbërritjeje, respektivisht 06:30 dhe 11:30 sipas orës lokale.
Me shtimin e Shtutgartit në hartën e destinacioneve nga Aeroporti i Shkupit, “Wizz Air” ka tashmë 9 linja drejt 9 qyteteve në Gjermani: Shtutgart, Berlin, Dortmund, Baden-Baden, Friedrichshafen, Hamburg, Frankfurt-Hahn, Mynih-Memingen dhe Nuremberg.
Kjo linjë është pjesë e marrëveshjes së kompanisë me Qeverinë.
Me qëllim mbështetjen dhe promovimin e fermerëve të Sharrit dhe prodhuesve të produkteve bujqësore, në fshatin Vicë, u mbajt manifestimi i dytë me radhë, Dita e Patates së Vicës.
Në eventin e djeshëm u ekspozuan prodhimet bujqësore dhe blegtorale, me theksin kryesor pataten e Vicës, e cila bashkë me kaçamakun tradicional dhe groshën u servuan për të pranishmit.
“Ne si prodhues e kemi edhe trashëgimi prej prindërve. 28-30 tonë në vit nxjerrim nga të mbjellat, por ka fshatarë të tjerë që mbjellin edhe më shumë. Tërë fshati jeton nga patatja e Vicës, andaj edhe në treg dua që të mos keqpërdoret emri i patates Vicës, por të shitet kualiteti”, tha Refik Arifi, Kultivues i patates.
“Qëllimi i këtij manifestimi është ta promovojmë Mali
n Sharr si Park Kombëtar. Ta kthejmë qengjin e Sharrit si më i shijshmi, por edhe djathin si brend të Sharrit por gjithsesi edhe racën e deles së Sharrit”, shtoi Mome Mlladenovski, Kryetar i kooperativës bujqësore Ovçepolka.
Fermerët e Sharrit kërkojnë nga Ministria e Bujqësisë të rrisë subvencionet, gjë që do ndikonte në rritjen e prodhimit dhe cilësisë.
“Problemi primar është çështja e subvencioneve. Subvencioneve duhet të bëhen në një datë sepse e dini gjithë blegtorët në një shkurt duhet t’i kemi të sigurta subvencionet, sepse shkaku i saj fermerëve iu rritet çmimi i ushqimeve”, tha Naser Xhemaili, Kryetar i fermerëve të Sharrit.
Manifestimi që për të dytin vit me radhë organizohet në fshatin malor Vicë të Tetovës, organizohet nga kooperativa “Sharri”, ndërsa financohet nga Ministria e Bujqësisë dhe organizata evropiane e të njëjtës veprimtari./Alsat.mk
Gjatë javë priten reshje bore në viset malore në Maqedoni
Çmimi i arit arrin rekord, tregjet presin ulje të normave të interesit në SHBA
Linjë e re ajrore nga Shkupi drejt Gjermanisë, tre herë në javë do të ketë fluturim drejt Shtutgartit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve