Një platformë e re digjitale lidh Ministrinë e Punëve të Brendshme dhe Gazetën Zyrtare për publikim më të shpejtë të dokumenteve të humbura dhe nxjerrje të të rejave, përcjell TV21. Me këtë zgjidhje, ndalet praktika e mëparshme e shkëmbimit të të dhënave përmes e-mail-it, dhe në bazë të marrëveshjes mes dy institucioneve, procesi kalon në platformën kombëtare për ndërveprueshmëri.

Kështu, Gazeta Zyrtare çdo ditë do t’i marrë automatikisht dokumentet e humbura ose të vjedhura për t’i shpallur të pavlefshme. Pas shpalljes, MPB po ashtu automatikisht i merr nga platforma kombëtare dhe i azhurnon në sistemin e saj të brendshëm, duke i mundësuar qytetarëve të nxjerrin më shpejt dokumente të reja.

Zëvendëskryeministri njëherazi, një nga Krerët e VLEN, Arben Fetai ka kujtuar figurën e liderit të madh politik, Arbën Xhaferi, duke e vlerësuar si një nga personalitetet më të rëndësishme të historisë moderne shqiptare.

“Arbën Xhaferi na ka lënë një trashëgimi të çmuar, të gdhendur me mençuri, durim, qëndrueshmëri dhe një vullnet të pathyeshëm për dinjitetin e kombit tonë”, ka shkruar Fetai.

Ai ka theksuar se vizioni dhe urtësia e Xhaferit janë frymëzim i përjetshëm për gjeneratat që vijnë. “Me urtësinë e tij të rrallë dhe vizionin e një lideri me përmasa mbarëkombëtare, Arbni mbetet një frymëzim i përjetshëm, një dritë që na udhëheq. Ai është rruga që ne kurrë nuk do të braktisim”, ka përfunduar Fetai.

Edhe pse kanë kaluar 13 vjet nga largimi i tij, humbja e Arben Xhaferit mbetet po aq e ndjeshme për të gjithë ata që e njohën dhe e vlerësuan.
Kryetari i Aleancës për Shqiptarët, Arben Taravari, në një mesazh përkujtimor ka shprehur respektet e përjetshme për figurën e gjigandit të politikës shqiptare, duke theksuar se ai ka lënë pas një trashëgimi të pasur mendimesh dhe mësimesh për brezat e ardhshëm.

“Arben Xhaferi ishte një vizionar dhe mbrojtës i vendosur i të drejtave të shqiptarëve. Nga ai kemi shumë për të mësuar e kuptuar,” – ka theksuar Taravari.

Arben Xhaferi, një nga figurat më të shquara të skenës politike shqiptare në Maqedoninë e Veriut, mbetet simbol i përkushtimit, vizionit dhe guximit politik.