Lajme nga vendi
Tetova pa hapësira me gjelbërim, parqet shndërrohen në vendparkime

Edhe nëse mbjellet ndonjë fidane ose rregullohet një park, janë të parët ata që vet i dëmtojmë. Si duket syri nuk na është mësuar që të shohim gjëra të bukura në qytet, prandaj edhe ndoshta na pengojnë pamjet me gjelbërim. Ndonëse zyrtarisht jemi në stinën e pranverës, megjithatë sikurse në të kaluarën edhe këtë vit, kjo stinë e gjen Tetovën pa parqe dhe pa hapësira të mjaftueshme të gjelbërta.Stand uppNatyrën që e ka Tetova, nuk e ka asnjë vend tjetër, por fatkeqësisht nuk është bërë asgjë për ta mirëmbajtur, thonë qytetarët të cilët I takuam nëkë të ditë, pranë parkut të ri të qytetit.Deklafrata plakuQytetarët më tej shprehen se megjithatë në Tetovë këto hapësira janë të pakta. Ata që i takuam sot në parkun pranë lumit Shkumbin. Por, në vend se të ketë parqe, qytetarët jo rrallë herë këto hapësira I shfrytëzojnë edhe si vende për parkim.Pranw parkut nuk mungojnw edhe mbeturina qw hidhen nga njerwz tw pandwrgjegjshwm.“Asgjë nuk mirëmbahet .Edhe nëse mbjellet diçka mënjëherë vrapohet që ta presin ose largojnë.Fajtorë është edhe populli që nuk ka kulturë, por fajtorë ka më shumë…Më mirë mos i numëroj.Shpresojmë se do të jetë më mirë, do të përmirësohet diçka” “Fillimisht, hapësirat publike në Tetovë janë shumë të rrezikuara.Së dyti, në Tetovë kemi mungesë të drunjëve, nuk ka dru për ajër më të mirë, gjithçka dëmtohet, parkingje plot dhe nuk ka gjelbërim, kurse pikërisht në Tetovë, na duhen më shumë gjelbërime.Fajtorë për këtë situatë jemi vet në qytetarët” Nëpërmjet projektit EU për ajër të pastër, financuar nga Bashkimi Evropian, 954 pemë janë mbjellur në lokacione të ndryshme në Tetovë.Pra, për të pasur ambient të pastër, edhe për këtë duhet të kujdeset Bashkimi Evropian. “Me mbjelljen e pemëve kontribuojmë në uljen e ndotjes së ajrit, në rritjen e biodiveristetit dhe nxitjen e një mjedisi më të shëndetshëm në Tetovë” shkruan në mesazhin e Bashkimit Evropian për qytetarët e Tetovës.Por, edhe përskaj këtyre kampanjave, Tetova mbetet një vend me shumë pak gjelbërime.
Lajme nga vendi
Mickoski: Për të kryer reformat në vend nevojitet një administratë publike përgjegjëse dhe profesionale

Kryeministri i RMV-së, Hristijan Mickoski ka kërkuar një administratë publike të përgjegjëse dhe profesionale në mënyrë që kryhen reformat në vend.
“Pa një administratë publike të fuqishme, profesionale, përgjegjëse dhe të respektuar, nuk ka as shtet, as reforma, as demokraci të vërtetë. Urime festa për punën tuaj, për përkushtimin tuaj, për qëndrueshmërinë tuaj, ndonjëherë edhe në kushte të vështira dhe dekurajuese”, thotë Kryetari i Qeverisë së Republikës së Maqedonisë së Veriut, Hristijan Mickoski, në ngjarjen e sotme me rastin e Ditës Ndërkombëtare të Administratës Publike.
Mickoski theksoi se dita e sotme nuk është vetëm një formalitet, por një thirrje për reforma dhe, më në fund, kapërcim të sëmundjeve që prej shumë kohësh e gërryejnë administratën publike.
“Por dita e sotme nuk është vetëm një formalitet. Ajo është edhe një thirrje. Thirrje për një kthesë. Thirrje për reformë. Thirrje për t’i tejkaluar përfundimisht sëmundjet që prej shumë kohësh e gërryejnë administratën publike dhe për të cilat duhet të jemi të vetëdijshëm: partizimi, nepotizmi, joefikasiteti, klientelizmi”, tha Mickoski.
Mickoski shtoi se erdhi koha për ndryshim. Ndryshim të vërtetë.
“Po i ndërtojmë themelet e ndryshimeve. Për kohën tënde që po vjen. Për një kohë në të cilën dija dhe puna do të jenë më të rëndësishme se libreza partiake. Për një kohë në të cilën institucioni do t’i shërbejë qytetarit, e jo qytetari institucionit. Për një kohë në të cilën profesionalizmi do të jetë standard, e jo përjashtim. Për një kohë në të cilën nëpunësi do të jetë krenar që është pjesë e administratës publike, ndërsa qytetari do të dijë se do të marrë shërbim me respekt, në mënyrë efikase dhe digjitale”, tha Kryeministri.
Kryeministri Mickoski theksoi se gjatë vitit të kaluar ka filluar aksioni “Të gjithë së bashku për një administratë publike profesionale dhe cilësore”, i cili paraqet bazë për transparencë dhe shumë projekte të tjera.
“Në këto 12 muaj, nuk kemi premtuar – por kemi punuar. E kemi nisur aksionin “Të gjithë së bashku për një administratë publike profesionale dhe cilësore”, si bazë për një proces transparent dhe të qëndrueshëm të konsultimeve gjatë hartimit të ligjeve.
Lajme nga vendi
Temperatura deri në 40 gradë, nga nesër valë e të nxehtit me indeks UV 9

Nën ndikimin e një mase ajrore të ngrohtë nga jugu, nga nesër (e mërkurë) deri të premten në gjithë vendin do të mbizotërojë mot shumë i nxehtë, njoftoi Drejtoria për Punë Hidrometeorologjike (DPHM). Temperaturat ditore do të tejkalojnë 30°C, ndërsa në disa vende pritet të arrijnë edhe mbi 40 gradë.
Përveç temperaturave të larta, vlera e indeksit UV do të jetë 9 – që paraqet një nivel shumë të lartë dhe sjell rrezik serioz për shëndetin në rast të ekspozimit të drejtpërdrejtë në diell. Qytetarëve u këshillohet të shmangin qëndrimin jashtë në periudhën nga ora 11 deri në 17, të veshin rroba të lehta dhe të konsumojnë më shumë lëngje.
Sipas parashikimeve, të premten pasdite dhe në mbrëmje pritet të ketë paraqitje lokale të motit të paqëndrueshëm – me reshje shiu dhe bubullima. Nga fundjava pritet një freskim i lehtë me ulje të temperaturave dhe erë veriore mesatare deri e fuqishme.
Në Shkup nesër moti do të jetë me diell dhe shumë i nxehtë, me erë të lehtë nga drejtimi verior. Temperatura maksimale ditore do të arrijë deri në 39°C.
Lajme nga vendi
Minçev: Ligji për Përfaqësim të Drejtë do t’i dërgohet Komisionit së Venecias, punësimi do të bazohet në kompetencë

Ministri i Administratës Publike, Goran Minçev tha se Ligji për përfaqësim të drejtë do të shqyrtohet sot në një seancë qeveritare, pas së cilës do t’i dërgohet Komisionit të Venecias, dhe më pas do të hyjë në procedurë parlamentare.
Në përgjigje të pyetjes së një gazetari në lidhje me punësimin sipas këtij ligji, Minçev theksoi se qëllimi është që punësimi të bazohet në kompetencë dhe cilësi.
“Ky ligj për përfaqësim të drejtë, i cili duhet të them se është një kategori kushtetuese që rrjedh nga Marrëveshja Kornizë e Ohrit, u përgatit nga një grup ekspertësh në Qeveri. Ligji do të shqyrtohet sot në një seancë qeveritare dhe do t’i përcillet Komisionit të Venedikut. Ajo që është e rëndësishme në lidhje me këtë ligj është se punësimi do të bazohet në kompetencë, cilësi dhe profesionalizëm.
Balancuesi është shfuqizuar nga Gjykata Kushtetuese dhe për këtë arsye motivi ishte që ky ligj të bëhej nga një grup ekspertësh kushtetues. Modeli i përfaqësimit të drejtë do të rregullohet me akte nënligjore, por pas çdo vërejtjeje të mëparshme nga Komisioni i Venecias”, deklaroi Minçev.
Bashkimi Demokratik për Integrim ka reaguar ashpër ndaj projektligjit të propozuar për përfaqësim të drejtë. Nga BDI thonë se ligji synon të zëvendësojë Balancuesin, një instrument ligjor dhe detyrues për pasqyrimin e realitetit demografik në institucionet publike, me një strukturë të paqartë, joefektive dhe politikisht sterile, siç është një “organ koordinues”.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve