Lajme nga vendi
Mickoski: Çmimi i blerjes së duhanit është 400 denarë për kilogram dhe 100 denarë subvencione, vazhdojmë të punojmë në interes të bujqëve
“Në bujqësi kemi trashëguar kaos total, edhe në pjesën e blerjeve, edhe në pjesën e pagesës së subvencioneve, edhe në pjesën e pagesës së të ardhurave personale në disa shoqëri aksionare shtetërore, si dhe në ndërmarrjet publike, shtetërore. Të gjitha këto kemi arritur ta rregullojmë gjatë këtyre nëntë muajve, t’i kthejmë borxhet dhe të sigurojmë që pagesat të rrjedhin pa probleme”, tha sot Kryeministri Hristijan Mickoski, duke iu përgjigjur pyetjes gazetareske.
“Nga porositë që kam marrë nga bujqit në këtë rajon vërehen disa sjellje të caktuara spekulative nga ana e blerësve të lakrës. Këtë e mora si mesazh në një ose dy ditët e fundit. Kam folur edhe me ministrin e Bujqësisë, i cili më tha se do të jetë sot këtu”, shtoi ai.
Kryeministri Mickoski theksoi se ajo që është e rëndësishme për Radovishin dhe Konçen është çmimi i duhanit, që sipas tij është 400 denarë për kilogram duhan të blerë, plus 100 denarë subvencione.
“Ajo që është e rëndësishme për këtë rajon, rajonin e Redovishit dhe Konçen, është se kemi një çmim rekord për duhanin, i arritur si asnjëherë më parë – 400 denarë për kilogram të blerjes, plus 100 denarë subvencionim”, theksoi Mickoski dhe potencoi se Qeveria mbetet e përkushtuar që të punojë në interes të bujqëve.
“Këtë vit subvencionet do të jenë edhe më të mëdha sipas informatave që marr nga marrëveshjet, kështu që si Qeveri mbetemi të fokusuar dhe prioritet do të jenë, ndër të tjera, edhe bujqit.”, është decid Kryeministri Mickoski.
Është ndarë nga jeta aktivisti Rauf Ramadani nga Tetova. Lajmin e kanë bërë të ditur miq dhe familjarë të Raufit.
Rauf Ramadani ka qenë aktivist politik në PDSH, një periudhë ka udhëhequr Ndërmarjen publike komunale të Tetovës.
Poashtu njihet si afarist. Ishte pronar i marketeve Erzana kurse së fundmi i kompanisë “Swiss bakery”.
Stafi i Televizionit Koha u shpreh ngushëllime familjes Ramadani , miqve dhe shokëve të të ndjerit.
Institucionet bullgare po vendosin se çfarë të bëjnë me gjashtë lopë, të cilat para pak ditësh kaluan kufirin nga Maqedonia në afërsi të fshatit Gjueshevë të Qustendilit, njofton Radioja Kombëtare Bullgare.
Kafshët janë kapur dhe janë vendosur në një objekt të përkohshëm blegtoral të komunës, ndërsa një komision i shërbimeve të autorizuara bullgare dhe maqedonase po vendos se si do të veprohet në këtë rast.
Nuk dihet nëse këto gjashtë lopë janë pjesë e gjedheve që lëvizin lirshëm në zonën e Koritës së Kriva Pallankës, duke shkaktuar tension të madh mes banorëve dhe pronarëve, problem ky që autoritetet kompetente maqedonase ende nuk po arrijnë ta zgjidhin.
Kafshët janë vërejtur në tokën e fshatit Gjueshevë, ndërsa kryetarja e fshatit e ka denoncuar rastin në komunë. Ato janë kapur dhe janë transportuar në një objekt të përkohshëm për blegtori.
Komisioni rajonal për kontrollin e ushqimit, autoritetet kufitare dhe ato komunale do të marrin vendimin përfundimtar për fatin e tyre.
Para disa vitesh, lopa Penka shkeli kufirin duke hyrë nga Serbia në afërsi të fshatit Oltomanci të Qustendilit.
Sipas rregulloreve evropiane, pas hyrjes nga një vend jashtë BE-së, ajo duhej të asgjësohej.
Ky rast u kthye në një problem ndërkombëtar – në fund, lopa u kursye dhe pronari i saj nga fshati Kopillovci u kujdes për të në kopenë e tij për vite me radhë.
Moti sot në Maqedoninë Veriut do të jetë vranësira dhe diell, ndërsa gjatë fundit të ditë pritet të ketë reshje lokale të shiut.
Në vend do të fryjë një erë e fortë nga drejtimi jugor.
Temperaturat minimale do të lëvizin nga 0 deri 7, ndërsa temperaturat maksimale do të lëvizin nga 14 deri 21 gradë celsius.
Nesër moti pritet të jetë me reshje shiu, ndërsa në vendet malore do të ketë kushte për reshje të borës.
Ndahet nga jeta afaristi Rauf Ramadani nga Tetova
Lopët kalojnë “ilegalisht” kufirin: 6 lopë nga Maqedonia ndalohen në Bullgari
Moti sot në Maqedoninë Veriut do të jetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme