Lajme nga rajoni
Moti i keq përmbyt ishujt e Greqisë, rrugët kthehen në lumenj
Moti i keq me reshje të dendura shiu ka shkaktuar përmbytje masive në disa ishuj të Greqisë, veçanërisht në Mykonos, Paros dhe Kretë.
Mediat greke bëjnë me dije se stuhia e shiut sgkaktoi probleme edhe në aeroportin e Chanias në Kretë, pasi tre fluturime të mëngjesit nga Athina u anuluan, fluturimi nga Paphos në Chania u ul në Heraklion, ndërsa dy fluturime nga Helsinki dhe Oslo kanë ndryshuar orar.
Në ishullin e Kretës shumica e problemeve janë identifikuar në Chania.
Siç raporton zarpaneës.gr, rrugët në Tsikalaria, Souda, Vamvakopoulos dhe në qendër të qytetit të Chania janë përmbytur ndërkohë që ekipet zjarrfikëse anë marrë shumë telefonata.
Ka pasur edhe persona të shpëtuar nga makinat , pasi uji ishte ngritur në një lartësi të madhe dhe për rrjedhojë qytetarët hasën vështirësi për të dalë nga automjetet e tyre.
Në Paros i ktheu rrugët në përrenj të rrëmbyeshëm. Përmbytjet, mbeturinat, balta dhe makinat krijuan një skenë shkatërrimi biblik. Për orë të tëra, qarkullimi në rrugët kryesore ishte i pamundur, pasi përrenjtë u frynë dhe shkëmbinjtë u shkëputën nga shpatet, duke e bërë jashtëzakonisht të vështirë edhe aksesin e ekipeve të shpëtimit.
E njëjta situatë është regjistruar edhe në Mykonos. Breshri dhe shiu goditën me furi ishullin e erërave. Rrugët u kthyen në lumenj dhe përmes përrenjtë e vrullshëm të ujit rrëmbyen makinat, të cilat ishin bllokuar në rrugicat e ngushta të ishullit.
Në disa vende niveli i ujit ka kaluar një metër, duke i kthyer rrugët në lumenj dhe duke bërë të pamundur kalimin e mjeteve dhe këmbësorëve. Dhjetëra banorë u detyruan të mbeten të bllokuar në shtëpitë e tyre, në pamundësi për t’u larguar, ndërsa autoritetet morën thirrje të vazhdueshme për ndihmë.
Një vrasje e trefishtë ka ndodhur ditën e diel në Gjilan. Viktimat janë: Selami dhe Edmond Hasani (babë e bir), si dhe Abedin Hoxha.
Kjo ngjarje ka tronditur të gjithë Kosovën. Në lidhje me këtë rast tragjik, në kërkim policor janë shpallur tre persona: Mefail Shkodra dhe dy djemtë e tij, Edonisi dhe Engulli që ende nuk janë kapur nga policia.
Dyshohet se fajdja ishte arsyeja që çoi në shkrepjen e armëve, ku humbën jetën tre persona.
Në një konferencë për media, drejtori rajonal i Policisë në Gjilan Adnan Rukiqi, dje bëri të ditur se po ndërmerren të gjitha veprimet hetimore dhe është kërkuar bashkëpunim ndëkombëtar.
Rukiqi tha se janë njoftuar të gjitha pikat kufitare dhe janë kryer kontrolle me dyshimin për vendndodhjen e të dyshuarve, por ata ende nuk janë gjetur.
I dyshuari kryesor, Mefail Shkodra, është person i njohur për organet e drejtësisë dhe ka mbi 30 vepra për raste të ndryshme, përfshirë sulme, fajde, mashtrim, kërcënim dhe pjesëmarrje në organizata kriminale.
Nga ana tjetër, prokurori i rastit, Isuf Sadiku, deklaroi për media se menjëherë pas marrjes së informacionit kanë ndërmarrë veprimet e para në vendin e ngjarjes dhe janë realizuar urdhërkontrolle, por të dyshuarit nuk janë gjetur.
Sa i përket motivit të ngjarjes, Sadiku ka deklaruar se është ende herët për të dhënë detaje, pasi do të merren në pyetje të dëmtuarit dhe do të vazhdohet me hetime.
Nga ngjarja e rëndë janë plagosur katër persona, tre prej të cilëve kanë ndërruar jetë.
Njëri nga viktimat vdiq në vendin e ngjarjes, ndërsa dy të tjerët në spitalin rajonal të Gjilanit.
Një person tjetër ndodhet në gjendje të rëndë shëndetësore dhe po trajtohet në Qendrën Klinike Universitare të Kosovës në Prishtinë, ndërsa një i pestë ka pësuar lëndime me mjete të forta dhe jo me armë zjarri.
Derisa sot, do të varroset Abedin Hoxha, njëri prej viktimave nga kjo ngjarje makabre./alsat.mk/
Lajme nga rajoni
Gjykata Kushtetuese e urdhëron Vetëvendosjen: Albulena Haxhiu mund të jetë kandidate vetëm tre herë!
Lajme nga rajoni
Rama: Nëse Kosova miraton rezolutë për shkeljet në Hagë, Kuvendi i Shqipërisë do ta mbështesë menjëherë
Kryeministri i Shqipërisë, Edi Rama i ka dhënë mbështetje protestës së sotme të veteranëve, e cila u mbajt në sheshin “Skënderbeu” në Prishtinë.
Në llogarinë e tij në rrjetin social, Facebook, Rama ka publikuar një fotografi nga protesta.
Protesta u zhvillua sot nga ora 17:00, ku mijëra qytetarë protestuan duke kërkuar “Drejtësi kundër padrejtësive në Hagë”.
Temperaturat e larta, rritet numri i pacientëve që kërkojnë ndihmë mjekësore
Zëvendëskryeministri Arben Fetai pret në takim zëvendësdrejtorin e ri të Byrosë për Zhvillimin e Arsimit, Shenasi Toci
Revizioni konstaton shkelje të shumta tek N.P Pyjet shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve