Sport
LIGA E PARË: SHKËNDIJËS FITORJA IA SIGURON TITULLIN KAMPION
Kampionati në Ligën e parë të futbollit vendor vazhdon të mërkurën me ndeshjet e javës së 31-të të sezonit 2024/2025, ku pritet të vendoset epilogu përfundimtar se cila skuadër do të shpallet kampion. Të gjitha takimet e nesërme fillojnë në ora 17:00.
Ndeshja kryesore e kësaj jave pa dyshim është sfida që do të zhvillohet në stadiumin e qytetit në Tetovë mes Shkëndijës vendase dhe Rabotniçkit . Me fitoren eventuale kundër romantikëve, skuadra kuqezi edhe matematikisht do të siguronte titullin Kampion i Maqedonisë së Veriut në futboll të pestin në historinë e këtij klubi që është simbol i futbollit shqiptar në Maqedoninë e Veriut dhe jo vetëm. Për këtë sfidë të rëndësishme ekipi është përgatitur maksimalisht si në aspektin taktiko-teknik ashtu edhe në aspektin psikologjik duke pasur para sysh karakterin e kësaj ndeshje. Kapiteni Besart Ibraimi cili në karrierën e tij ka tre tituj kampion me Shkëndijën, dy me Struga Trim Lum dhe një me Renovën, tha se ekip është i gatshëm edhe për sfidën e nesërme
‘’Të gjithë ne e dimë rëndësinë e kësaj ndeshje. Jemi të përgatitur maksimalisht kur e mendojmë që me fitore edhe matematikisht jemi kampion edhe jemi të gatshëm për lojën e nesërme’’ tha kapteni Besart Inraimi
Përkundër presionit për të dhënë më të mirën sidomos pas dy barazimeve të fundit ekipi i Shkëndija do të del fitues në këtë ndeshje
‘’Çdo herë mendoj se këtu në Shkëndijë është vështirë me presionin që e kemi të gjithë ne të japim çdo herë at që e pret publiku e dimë të gjithë ne që janë të dëshpëruar me dy rezultatet e fundit . Po unë besoj që ne jemi të vetëdijshëm dhe shpresoj që nesër ta fitojmë ndeshjen edhe të shpallemi kampion’’,tha Ibraimi
Kapiteni Besart Ibraimi është futbollist i vetë që në kampionatin e Maqedonisë deri më tani ka gjashtë tituj të fituara, ndaj ai shpreson se titullin e tij të shtatë do t’ua Tetovës dhe Ballistëve
‘’ Po shpresojmë njëherë ta fitojmë dhe normal që do ua dedikoja familjes time që më kanë përkrahë çdo moment, Tetovës , Ballistëve dhe të gjithë tifozëve që janë të pranishëm te ne ‘’ tha Besart Ibarimi.
Sfidë të rëndësishme nesër do të ketë edhe Besa e Dobërdollit në transfertën në Kavadar me Tikveshin, në Shkup, skuadra e vardarit përballet e Struga Trim Lum, nd[rsa Shkupi është mysafire e AP Brera në Strumicë. Të gjitha ndeshjet e nesërme fillojnë në ora 17:00
Në organizim të Shoqatës “Vllaznimi” dhe me përkrahjen e Federatës së Futbollit Shqiptarë, nesër në Durrës nisë edicioni jubilar i 20-ti me radhë Turneu ndërkombëtar i futbollit për fëmijë ‘Vllaznimi Cup 2025’
Në organizimi nga Shoqata “Vllaznimi” në bashkëpunim me Federatën Shqiptare të Futbollit Bashkinë “Durrës”, duke filluar data 25 deri më 30 qershor në Durrës mbahet edicioni jubilar i 20 –ti me radhë Turneu Ndërkombëtar i futbollit për fëmijë “Vllaznimi Cup 2025”. Ne këtë aktivitet jubilar marrin pjesë mbi 60 ekipe rajoni si: Kosova, Mali i Zi, Maqedonia, Shqipëria, Serbia, Bosnje Hercegovina, Bullgaria, Greqia nga mosha U-11 deri ne moshën U-15 dhe ekipe të vajzave pa kufizim moshe.
Turneu Ndërkombëtar ‘Vllaznimi Cup’ ketë vit feston edicionin e 20-te të futbollit për fëmije. Koordinatorit të këtij turneu Heraj Lisaku në tha se Shoqata Vllaznimi prej 20-të vitesh bën së bashku ne Durrës ekipe nga te gjitha trevat shqipfolëse dhe nga Evropa. Me moton “TE NDRYSHEM POR TE BARABARTE” ky aktivitet sportiv i organizuar nga Shoqata Vllaznimi mbështetet nga Bashkia Durrës, Federata Shqiptare Futbollit, Ministria Arsimit dhe Sportit. E veçanta e këtij viti është edhe pjesëmarrja për herë te parë e ekipeve nga Greqia. Ekipet e vajzave do të jetë një tjetër bukuri qe do ti shtohet këtij aktiviteti. Bashkimi i fëmijëve duke zhvilluar lojëra te bukura sportive pritet të mbledhë ne qytetin bregdetar te Durrësit mbi 60 ekipe.
Organizatori për të gjitha ekipet pjesëmarrëse do të ndanë mirënjohje dhe medalje ndërsa për ekipet fituese edhe Kupa.
Në organizim të Komunës së Tetovës dhe në bashkëpunim me federatën e Volejbollit të Maqedonisë së Veriut për tre ditë me radhë në sheshin ‘’Iliria’’ do të mbahet kampionati Ballkanik i volejbollit në rërë.
Qyteti i Tetovës nga data 25-27 qershor, është nikoqire e kampionatit Ballkanik të volejbollit në rërë , ku do të marrin pjesë reprezentacionet Maqedonisë së Veriut, Shqipërisë, Kosovës, Turqisë, Rumanisë dhe Moldavisë. Të gjitha ekipet pjesëmarrëse do të krahas ekipet të meshkujve do të prezantohen edhe me ekipin e vajzave . Ndeshjet finale janë para pa të zhvillohen të premten. Këtë për televizionin Koha e deklaroi zëdhënësi i komunës Albion Halili
‘’Duke filluar nga nesër nga data 25 deri më 27 qershor do të zhvillohet Kampionati Ballkanik i volejbollit në rërë. Janë diku gjashtë shtete Kosova, Shqipëria, Maqedonia e Veriut, Moldavia, Turqia dhe Rumania. Ndeshjet do të jenë duke filluar nga ora 9:00 e mëngjesit deri në 12:00 të drekës. Pastaj shkaku i temperaturave të larta ndeshjet do të postohen nga ora 17:00 deri në ora 22:00’‘ deklaroi Albion Halili.
Të gjitha vendet pjesëmarrëse do të prezantohen në dy kategori at të meshkujve dhe femrave
‘’Ndeshjet do të jenë në kategorinë e vajzave dhe djemve, ndërsa ditën e premte do të jetë edhe finalja e madhe e kampionatit ballkanik’ tha zëdhënsi Halili
Komuna e Tetovës si nikoqire së bashku me Federatën e volejbollit të Maqedonisë së Veriut janë duke i bërë përgatitjet përfundimtare në sheshin ‘’Ilirija’’ aty ku edhe do të zhvillohen ndeshjet e Kampionatit Ballkanik , ku pritet të ndiqet nga numër i madh i adhuruesve të volejbollit në rërë pasi është hera e parë që një kampionat ballkanik të organizohet në qytetin e Tetovës. Hapja zyrtare e Kampionatit Ballkanik të volejbollit në rërë do të bëhet të mërkurën në 20:00 nga ana e kryetarit të Komunës së Tetovës Bilall Kasami . Ndeshja e parë e kampionatit Ballkanik do të luhet të mërkurën me fillim në ora 9:00.
Oklahoma me fitoren e sotme që ishte e katërta në serinë e 7 ndeshjeve në finalen e play off-it, kundër ekipit Indiana 103-91, përherë të parë në histori fitoi titullin kampion i NBA-s
Ekipi i Oklahoma u shpall sot kampion në NBA për sezonin sportiv 2024-2025. Në finalen e shtatë play off luajtur në fushën e tij, Oklahoma mundi ekipin Indiana me rezultatin 103-91 I, duke fituar 4-3 serinë e ndeshjeve finale të play off-it duke u shpallur për herë të parë në histori kampion i NBA .
Gjithashtu duhet përmendur se pas plot 9 viteve serish në finalen e play off-it kampioni i shpall pas 4 fitoreve në 7-të ndeshjet e zhvilluara në finalen e madhe Ishte ky një triumf i merituar për ekipin Oklahoma, që kësaj radhe u pa se kishte edhe grupin më të mirë në sezonin e rregullt, që ngriti lart trofeun para tifozëve të saj.
Në sfidën vendimtare që u luajt sot, vendimtar dëmtimi i Haliburton për Indiana në mesin e periodës së parë i cili për 7 minuta kishte realizuar 9 pikë..
Kampioni i ri i NBA-s, Oklahoma, falë Aleksandër Shai, i cili realizoi 29 pikë e 12 asist, arriti të bënë diferencë deri në +22 pikë në pjesën e dytë. Paraqitje të shkëlqyeshme kishte edhe Jalen Villiams me 20 pikë dhe Chet Holmgren me 18 pikë.
Shaban Sinani – TV Koha
Mickoski: Për të kryer reformat në vend nevojitet një administratë publike përgjegjëse dhe profesionale
Temperatura deri në 40 gradë, nga nesër valë e të nxehtit me indeks UV 9
Minçev: Ligji për Përfaqësim të Drejtë do t’i dërgohet Komisionit së Venecias, punësimi do të bazohet në kompetencë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve