Lajme nga vendi
Sukseset dhe arritjet e kompanive dhe bizneseve nga Maqedonia e Veriut janë evidente dhe në Diasporë sidomos në Gjermani
Viteve të fundit në Diasporë, e sidomos në Gjermani janë themeluar shumë kompani të fuqishme me afaristë nga Maqedonia e Veriut. Sukseset dhe arritjet e kompanive dhe bizneseve nga Maqedonia e Veriut janë evidente dhe për mburrje. Poashtu, Maqedonia e Veriut dhe Gjermania kanë një bashkëpunim të shkëlqyer ekonomik. Ekonomia gjermane është një prej partnereve kryesorë tregtare të Maqedonisë së Veriut, nga pavarësia deri më sot. Kompanitë gjermane janë investuesit të parë më të mëdhenj në Maqedoninë e Veriut. Për herë të parë në shtator të viti 2024 themeluam një institucion tejet të rëndësishëm:Klubin e Biznesit Gjermani -Maqedoni e Veriut (DNMBC), që është një urë mes bizneseve gjermano-maqedonase. Më date 25 dhe 26 maj 2025 në mënyrë ceremoniale u bë hapja e zyrave të DNMBC-së. Më date 25 maj 2025 në prani të afaristëve me prejardhje nga Maqedonia e Veriut u shpalos, funksionimi, misioni dhe Vizioni I DNMBC-së. Për këtë folën Presidenti i DNMBC-së, Gafar Vejseli I cili mes tjerash tha: “Qëllimi i “Klubit të Biznesit Gjermani-Maqedoni e Veriut (DNMBC)” është që të kontribuojë në forcimin e bashkëpunimit ekonomik midis kompanive private, dhomave të tregtisë, dhomave të tregtisë dhe institucioneve ekonomike shtetërore ndërmjet Gjermanisë dhe Maqedonisë së Veriut dhe duke u rrjetëzuar me komunitetin e biznesit dhe duke promovuar Republikën e Maqedonisë së Veriut në një nivel ekonomik, financiar, turistik dhe kulturor dhe anasjelltas. Fjalë përshëndetëse patën edhe nënkryetarët, Dragan Ilievski dhe Ziber Seljami kurse në emër të ambasadës së Republikës së Maqedonisë së Veriut fjalë përshëndetëse patu Sekretarja e Parë, Rumena Nesterovska. Më date 26 maj 2025 në prani të afaristëve gjerman, Presidenti Gafar Vejseli I përshëndeti të pranishmit dhe theksoi rëndësinë e investimeve gjermane në Maqedoninë e Veriut si dhe mjedisin e volitshëm që Maqedonia e Veriut ofron per investimet e huaja. I pranishëm ishte edhe ambasadori i Maqedonisë së Veriut në Gjermani, Prof.dr. Ylber Sela, kurse në emër të ambasadës të pranishmeve iu drejtua zv. Ambasadori, Vasko Grkov. Për rëndësinë e bashkpunimit, investimit dhe forcimit ekonomik midis Gjermanisë dhe Maqedonisë së Veriut folën edhe Ralph Shuman nga DNMBC-ja si dhe Urs Unkauf nga BWA Global Economic Network. Në këtë ngjarrje morën pjesë personalitete nga jeta biznesore, politike dhe kulturore në gjermani si dhe disa afarist të ardhur nga Maqedonia e Veriut. TV KOHA
Unionet e studentëve nga Universiteti i Tetovës, Universiteti “Nënë Tereza” dhe Universiteti i Evropës Juglindore kanë intensifikuar thirrjet për mbështetje ndaj protestës së paralajmëruar më 6 prill në ora 12:30 në Shkup.
Në një komunikatë publike, ata i janë drejtuar mediave, shoqërisë civile dhe aktivistëve, duke kërkuar përfshirje dhe mbështetje për kauzën e tyre. Studentët theksojnë se po përballen me padrejtësi të vazhdueshme, pasi nuk u lejohet dhënia e provimit të jurisprudencës në gjuhën shqipe, një të drejtë e garantuar me Kushtetutë dhe ligj.
Protesta do të nisë me një marsh nga Ura e Gurit në Shkup. Çështja ka tërhequr vëmendje të shtuar kohët e fundit, pasi 385 studentë shqiptarë nga tre universitetet kanë nënshkruar një peticion që kërkon organizimin e provimit të jurisprudencës edhe në gjuhën shqipe, në përputhje me të drejtat e tyre ligjore.
Lajme nga vendi
Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027
Për pacientët onkologjikë për momentin mungon vetëm një ilaç – palbociklibi të cilin e përdorin 142 nga gjithsej 7000 paciente femra me kancer në gji.
Drejtori i Fondit për Sigurim Shëndetësore (FSSH), Sasho Klekovski deklaroi se ilaçi së shpejti do të jetë në dispozicion dhe se sasitë për vitin 2026 janë rritur për 50 për qind.
Në konferencën për shtyp në Klinikën për Radioterapi dhe Onkologji ku u shpallën rezultatet për rritjen e jetëgjatësisë së pacientëve me tre lloje kanceri, që është për shkak të terapisë efikase dhe një buxheti më të madh për trajtim, Klekovski tha se mungesa e palbociklibit është për shkak të faktit se në dhjetor 2025 u përballën me një nevojë dukshëm të shtuar për këtë ilaç (për 142 pacientë), ndërsa vitin e kaluar sasitë ishin planifikuar për 80 pacientë.
“Kur ka një numër dukshëm më të madh pacientësh se sa është planifikuar, nuk është e lehtë të plotësohen nevojat, kështu që buxheti për vitin 2026 do të rritet për 50 për qind për dy barna në këtë kategori, ku përveç këtij është edhe një ilaç tjetër. Presim që thirrja e re për barna të shpallet brenda dy javësh që do të mbulojë vitet 2026-2027”, tha Klekovski.
Së shpejti në Onkologji do të jenë të kapshëm edhe markerët- tumoralë që janë në mungesë, por Klekovski theksoi se kjo nuk është mungesë në të gjithë vendin dhe se pacientët mund të bëjnë markerë- tumoralë në spitale dhe laboratorë të tjerë.
NDOTET LUMI VARDAR, KOMUNA E GOSTIVARIT NIS HETIMET PËR ZBULIMIN E AUTORIT
Studentët kërkojnë mbështetje për protestën: Jurisprudenca edhe në shqip
Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota1 week ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”