Sport
BOTËRORI 2026: NESËR MAQEDONIA PËRBALLET ME BELGJIKËN
Nesër me fillim në ora 20 e 45 , në program janë gjashtë ndeshje të raundit të tretë në Grupet I, J dhe L për Kualifikimi në Kampionatin Botërorë të futbollit që në vitin 2026 , mbahet në SHBA, Kanada dhe Meksikë. Maqedonia e Veriut përballet me Belgjikën
Ndeshjet kualifikuese për Kupën e Botës 2026, që mbahet në SHBA, Kanada dhe Meksikë vazhdojnë gjatë ditës së nesërme me raundin e tretë në grupet I, J dhe L .
Në Grupin J ku bëjnë pjesë Maqedonia e Veriut, Uellsi, Bellgjika, Kazakistani dhe Lihtenshtajni, Nesër me fillim në ora 20 e 45 do të përballen Maqedoni – Belgjikë dhe Uellsi – Lihtenshtajni. Pas dy xhirove të zhvilluara në grupin J, kryeson Maqedonia me 4 pikë aq sa ka edhe Uellsi, Kazakistani ka 3 pikë, ndërsa Belgjika e cila nuk ka zhvilluar asnjë ndeshje dhe Lihtenshtajni nuk kanë asnjë pikë. Ndeshja kundër Belgjikës që zhvillohet në arenën ‘Todor Proeski’ në Shkup ku pritet që tribunat të jenë të mbushura me tifozë, fitorja eventuale për Maqedoninë mund të jetë një hapë pranë kualifikimit në Kupën e Botës 2026.
Dy ndeshje të raundit të tretë zhvillohen edhe në Grupin I dhe atë Norvegjia – Italia dhe Estonia Izraeli, ndërsa në grupin L, takohen Gjibralltari – Kroacia dhe Çekia – Mali Zi.
Të gjitha takimet e randit të tretë në grupet I, J dhe L fillojnë nga ora 20 e 45.
Me disfatën e turpshme 5-0 nga Lozana, ekipi i Vardarit përfundon aventurën e vetë në garat europiane. Shkëndija e Tetovës mbetet skuadra vetme që mbron nderin e futbollit të Maqedonisë në garat europiane
Përfaqësuesi Maqedonisë së Veriut, skuadra e Vardarit e përfundoi rrugëtimin e vetë në garat e UEFA Konferencë Ligën pasi në ndeshjen kthyese pësoi humbje të thellë 5-0 duke e përmbysur epërsinë e Vardarit nga ndeshja e parë në Shkup humbën 2-1.
Skuadra vendase dëshmoi cilësi dhe ishte e vendosur të anulonte avantazhin e Vardarit që në fillim të duelit kur mori epërsinë 1:0 me një gol të Noah Disene në minutën e 16-të. Në fund të pjesës së parë, Lozana shënoi dy gola të tjerë, që i realizuan Kali Sene në minutën e 33-të dhe në minutën e 45+2. Në pjesën e dytë për vendasit shënoi Alban Ajdini në minutën e 55-të për epërsinë 4:0 dhe Seydou Traore me golin e pestë në minutën e 84-të shënoi për vulosi fatin e Vardarit.
Vardari në Lozanë nuk ishte e vetmuar pasi në tribunat e stadiumit kishte në numër të konsideruar të tifo grupit të tyre por që ishte kotë pasi ekipi nuk ishte në nivelin për të bërë ballë zviceranëve. Kështu pas eliminimit të Sileksit dhe Rabotniçkit që raundin e parë, të Konferencë Ligës, në raundin e dytë u eliminua edhe Vardari. Pra Shkëndija është skuadra e vetme nga Maqedonia e Veriut që vazhdon garat në fazën eliminatore të UEFA Liga e Kampionëve. Shkëndija tani për tani ka të sigurta edhe 10 ndeshje evropiane gjatë këtij sezoni
Në raundin e tretë në garat e UEFA Konferencë Liga janë kualifikuar Egnatia dhe Dinamo e Tiranës nga Shqipëria dhe Ballkani i Suharekës nga Kosova. Eliminohen Vllaznia, Prishtina dhe Deçiqi
Tri nga gjashtë ekipet shqiptare që ishin pjesë e garave të UEFA Konferencë Ligës kanë arritur që të kalojnë në rundin e tretë kualifikues. Kualifikim në raundin e tretë të UEFA Konferencë Liga e arritën Ballkani I Suharekës, Dinamo Tiranës dhe Egnatia e Rrogozhinës, ndërsa nga gara u eliminuan Prishtina,e cila humbi në penallti nga Larne, Deçiqi që u mposht me rezultat të përgjithshëm 6:2 nga Rapidi dhe Vllaniza që humbi me rezultat të përgjithshëm 5:3 nga Vikingur Reykjaviku.
Për herë të parë në histori, Egnatia arrin të kaloj një turn në Kupat e Europës. Rrogozhinasit e Edlir Tetovës, ja dolën me sukses ndaj bjellorusëve të Dinamo Minks, duke siguruar një biletë për në raundin e tretë të Ligës së Konferencës, falë rezultatit të përgjithshëm 3 me 0.
Dinamo e Tiranës siguroi kualifikim në raundin e tretë duke fituar ndaj Atletic Escaldes me rezultat të përgjithshëm 3-2 nga të dyja ndeshjet 2-1 në transfertë dhe 1:1 në Tiranë . Një paraqet një sukses të jashtëzakonshëm kur dihet se pas 15 viteve sërish prezantojnë Shqipërinë në garat europiane
Në ndeshjet e para të raundit të tretë më 7 gusht, takohen Hajduku i Splitit – Dinamo Tiranë, Ballkani – Shamrok Rovers dhe Olimpija e Lubjanës – Egnatia,
Tre skuadrat shqiptare Egnatia, Vllaznia dhe Dinamo City, dhe dy skuadrat e Kosovës Ballkani dhe Prishtina sonte do të zbresin sot në fushë për ndeshjet e kthimit të raundit të dytë të UEFA Konferencë Liga . Të tre skuadrat shqiptare vijnë pas fitoreve në përballjet e para dhe synojnë të ruajnë avantazhin për të siguruar kualifikimin.
Egnatia është nikoqire Dinamo Minskun në stadiumin “Arena Egnatia”, pas fitores 2-0 në transfertë ndaj skuadrës bjelloruse. Ndeshja Egnatia – Dinamo fillon në ora 21:00.
Dinamo City do të luajë ndeshjen e kthimit kundër AC Escaldes në stadiumin “Elbasan Arena”. Pas fitores 2-1 në ndeshjen e parë, dinamovitët kërkojnë një tjetër rezultat pozitiv për të kaluar më tej. Takimi do të nisë në orën 20:45.
Nd;rkaq, Vllaznia do të udhëtojë drejt Islandës për ndeshjen e kthimit kundër Vikingur. Shkodranët fituan 2-1 sfidën e parë të zhvilluar më 24 korrik në stadiumin “Loro Boriçi” dhe tashmë synojnë të ruajnë epërsinë. Ndeshja e kthimit do të nisë në orën 20:45.
Skuadrat nga Kosova Ballkani dhe Prishtina sot zhvillojnë ndeshjet kthyese të raundit të dytë në UEFA Konferencë Ligë.
Ballkani, do të zhvillojë sonte ndeshjen e kthimit kundër Floriana FC në kuadër të raundit të dytë kualifikues të UEFA Konference Liga . Takimi do të luhet në “Centenary Stadium” në Maltë dhe nis nga ora 20:45. Ndeshjen e parë në Prishtinë Ballkani e fitoi me rezultatin 4-2.
FC Prishtina do të zhvillojë sonte ndeshjen e kthimit ndaj Larnes në kuadër të raundit të dytë kualifikues të Ligës së Konferencës. Pas barazimit pa gola në sfidën e parë të zhvilluar në Irlandën e Veriut, bardhekaltrit do të kërkojnë fitoren vendimtare para tifozëve të tyre në stadiumin “Fadil Vokrri”. Takimi nis nga ora 20:00
Shaban Sinani – TV Koha
Bilall Kasami sot zyrtarisht shpall kandidaturën për mandatin e dytë në Komunën e Tetovës
VLEN publikon listën e kandidatëve për zgjedhjet lokale
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve