Lajme nga vendi
Ministria e Ekonomisë dhe Punës ka shpallur katër thirrje publike për mbështetje financiare për subjektet afariste
Ministria e Ekonomisë dhe Punës ka shpallur katër thirrje publike për mbështetje financiare për subjektet afariste, me qëllim të nxitjes së sipërmarrësisë, rritjen e konkurrueshmërisë dhe avancimin e standardeve të cilësisë te ndërmarrjet mikro, të vogla dhe të mesme, si dhe te zejtarë.
Thirrjet janë pjesë e realizimit të Programit për zhvillimin e sipërmarrësisë dhe konkurrueshmërisë së ndërmarrjeve të vogla dhe të mesme për vitin 2025, si dhe programit për mbështetjen e konkurrueshmërisë së industrisë përpunuese dhe përgjegjësisë shoqërore për vitin 2025.
Janë shpallur thirrjet si vijon:
1. Thirrje publike për kompensimin e një pjese të shpenzimeve të NVM-ve për certifikimin e sistemeve të cilësisë sipas standardeve ISO
Lëndë e thirrjes publike është bashkëfinancimi i 40% të shpenzimeve të dëshmuara, por jo më shumë se 150.000 denarë individualisht për secilin aplikant, për certifikimin e sistemeve të cilësisë sipas standardeve ISO
Gjithsej mjete të parashikuara: 1.500.000 denarë.
Shpenzimet duhet të jenë bërë në vitet 2024 dhe 2025.
Të drejtën e pjesëmarrjes e kanë ndërmarrjet mikro, të vogla dhe të mesme nga sektorët C/B – Industria Prodhuese (10-33.20), të cilat plotësojnë kriteret për aktivitetin, gjendjen financiare dhe harmonizimin ligjor.
Afati për aplikim: deri më 30.06.2025
Nëse ka më shumë kërkesa sesa mjetet në dispozicion, shumat do të zvogëlohen në mënyrë proporcionale.
2. Thirrje publike për kompensimin e një pjese të shpenzimeve të NVM-ve për certifikimin e sistemit HALLALL
Bashkëfinancim prej 40% të shpenzimeve për certifikimin e sistemit HALLALL, por jo më shumë se 150.000 denarë për aplikant.
Gjithsej mjete të parashikuara: 1.500.000 denarë
Mbulohen shpenzimet e bëra në vitet 2024 dhe 2025.
Të drejtën e pjesëmarrjes e kanë ndërmarrjet mikro, të vogla dhe të mesme nga sektori C/B – Industria Përpunuese (10-33.20), të cilat plotësojnë kushtet e përmendura në thirrje.
Afati për aplikim: deri më 30.06.2025
Nëse buxheti tejkalohet, zvogëlohen mjetet në mënyrë të barabartë.
3. Thirrje publike për subvencione për zejtarët për vitin 2025
Bashkëfinancim të 40% të shpenzimeve për blerjen e makinave, veglave dhe dizajnin e produktit të ri, por jo më shumë se 120.000 denarë për aplikant.
Gjithsej mjete të parashikuara: 3.000.000 denarë
Shpenzimet duhet të jenë bërë në vitin 2024 dhe 2025.
Të drejtën e pjesëmarrjes e kanë zejtarët dhe ushtruesit e veprimtarisë zejtare të regjistruar në përputhje me Ligjin për Zejtari, me rezultat pozitiv për vitin 2024 dhe të gjitha kushtet e tjera të përmbushura.
Nuk pranohen aplikimet nga paushallët.
Afati për aplikim: deri më 30.06.202 Rajonet me PBB më të ulët marrin mbështetje plotësuese.
4. Thirrje publike për kompensimin e një pjese të shpenzimeve të subjekteve afariste për zhvillimin e subjektit afarist, produktit dhe tregut
Bashkëfinancim prej 50% të shpenzimeve, por jo më shumë se 500.000 denarë për aplikant, për aktivitete që lidhen me:
-zhvillimin e subjektit afarist
-zhvillimin e produktit
-zhvillimin e tregut
Gjithsej mjete të parashikuara: 5.000.000 denarë
Mbulohen shpenzimet e bëra në vitet 2024 dhe 2025.
Të drejtën për pjesëmarrje e kanë ndërmarrjet nga industria përpunuese, me minimum 5 të punësuar me kohë të pacaktuar. Një kërkues mund të aplikojë për një aktivitet.
Afati për aplikim: 18.07.2025
Mjetet ndahen në bazë të parimit “i pari i ardhur, i pari i shërbyer” deri në shterimin e buxhetit.
Afatet për aplikim janë deri më 18.07. të vitit 2025, ose deri në shterimin e buxhetit (i pari i ardhur, i pari i shërbyer).
Më shumë informacione, kritere dhe dokumentacion i nevojshëm mund të gjeni në ueb-faqen e Ministrisë së Ekonomisë dhe Punës: www.economy.gov.mk
Me respekt,
Njësia e marrëdhënieve me publikun
Lajme nga vendi
Revizion, u keqpërdorën 2 milionë euro – s’dihet se ku u tretën për rregullimin e sallës për Samitin e OSBE në vitin 2023
Sipas raportit të fundit të punës së Entit Shtetërorë për Revizion për Qendrën Sportive-Rekreative “Boris Trajkovski”, është konstatuar se nuk ekziston asnjë evidencë se si qendra për sport dhe rekreacion ka përfituar nga tenderët e Ministrisë së Punëve të Jashtme për përmirësimin e ambientit të jashtëm në funksion të pritjes së delegacioneve gjatë Presidencës së OSBE-së në Shkup në vitin 2023.
Gjatë presidencës së RMV me OSBE-në (30 nëntor – 1 dhjetor 2023), sipas udhëzimit të Qeverisë, Qendra për sport dhe rekreacion iu ofrua Ministrisë së Punëve të Jashtme për t’u ndihmuar dhe për të bërë adaptime dhe rregullime të jashtme për nevojat e eventit. Më pas, MPJ pagoi për disa kontrata të furnizimit publik në vlerë 124.234 mijë denarë. Sipas revizionit, nuk u paraqitën raporte zyrtare nga MPJ që të konfirmonin punimet e realizuara dhe mjetet e instaluara që tani janë në posedim të Qendrës për sport dhe rekreacion. Gjithashtu, nuk janë zbatuar dispozitat e marrëveshjes së bashkëpunimit: punimet dhe pajisjet e instaluara ende nuk janë marrë në përdorim nga Qendra për sport dhe rekreacion.
Raporti gjithashtu evidenton mosfunksionimin e sistemit të ngrohjes së pishinës brenda objektit:
Revizioni vë në dukje pasiguri për funksionimin e ardhshëm të “sistemit diellor” (solare) – që përfshin panele diellore dhe pompa ngrohëse për pishinë. Ministria ka paguar për këtë sistem 25.945 mijë denarë, por sipas dokumenteve financiare të Qendrës për sport dhe rekreacion, vlera aktuale e tij është 2.856 mijë denarë. Sistemi u vendos në përdorim në vitin 2014 dhe ka funksionuar me ndërprerje deri në vitin 2023, por për shkak të defekteve teknike në panelet, ai tashmë nuk funksionon. Nuk është propozuar ndonjë zgjidhje alternative për riparim ose zëvendësim.
Një shqetësim tjetër i rëndësishëm është mbyllja e akua-parkut brenda Qendrës:
Në vitin 2024, akua-parku u mbyll për arsye ekonomike dhe për shkak të skadimit të periudhës së garantimit – 10 vjet për pajisjet dhe instalimet. Gjatë kësaj periudhe, kontraktuesit garantojnë cilësinë e punimeve.
Në përfundim, Enti Shtetërorë për Revizion thekson se ka edhe të tjera mangësi dhe mos-përputhje, dhe kërkon që autoritetet përgjegjëse të ndërmarrin hapa për t’i adresuar.
Lajme nga vendi
Gjatë ditës së djeshme janë shqiptuar gjoba ndaj 46 vozitësve të trotinetëve elektrikë në RMV
Nga Ministria e Punëve të Brendshme njoftojnë se vetëm gjatë ditës së djeshme janë shqiptuar 698 gjoba në komunikacion.
Sipas MPB-së, gjatë ditës së djeshme janë shqiptuar dënime për 46 vozitës të trotinetëve elektrikë.
“Dje janë shqiptuar gjoba për 27 pjesëmarrës në trafik për mosvendosje të rripit të sigurisë, 24 drejtues automjetesh janë sanksionuar për përdorim të telefonit celular gjatë ngasjes, ndërsa janë marrë 49 masa ndaj drejtuesve të motoçikletave për mospërdorim të helmetës mbrojtëse.
Shtesë, janë evidentuar gjashtë raste të kalimit në semafor të kuq, si dhe janë shqiptuar madje 46 urdhërpagesa për drejtues të trotinetëve elektrikë për shkelje të trafikut dhe janë përballur me gjobat e parashikuara me ligj”, thonë mes tjerash nga MPB.
Lajme nga vendi
I dënuar në Maqedoni për plagosje, arrestohet në Pikën Kufitare të Bllatës 28-vjeçari
Gjatë kontrolleve të imtësishme, të kryera në bazë të analizës së riskut, ndaj shtetasve dhe mjeteve me të cilat ata lëvizin, shërbimet e Drejtorisë Vendore për Kufirin dhe Migracionin Kukës:
-në PKK Bllatë, ndaluan shtetasin A. L., 28 vjeç, banues në Dibër të Madhe, RMV, sepse nga verifikimet në hyrje të RSh-së, rezultoi se ishte në kërkim, pasi ishte i dënuar me 4 muaj burgim, nga autoritetet gjyqësore në RMV, për plagosje.
Vijon bashkëpunimi me homologët maqedonas, nëpërmjet Interpol Tiranës, për ekstradimin e 28-vjeçarit;
Materialet procedurale iu referuan Prokurorisë, për veprime të mëtejshme.
Revizion, u keqpërdorën 2 milionë euro – s’dihet se ku u tretën për rregullimin e sallës për Samitin e OSBE në vitin 2023
Gjatë ditës së djeshme janë shqiptuar gjoba ndaj 46 vozitësve të trotinetëve elektrikë në RMV
I dënuar në Maqedoni për plagosje, arrestohet në Pikën Kufitare të Bllatës 28-vjeçari
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve