Sport
ZYRTARE: SERBI – SHQIPËRI MË 11 TETOR NË BEOGRAD
Ndeshja kualifikuese mes Serbisë dhe Shqipërisë raundi i pestë në Grupin “K” e vlefshme për kualifikim në “Botërorin 2026”që mbahet në SHBA, Kanada dhe Meksik do të zhvillohet në stadiumin “Rajko Mitiç”në Beograd me 11 tetor
Federata e Futbollit të Serbisë ka konfirmuar se ndeshja ndërmjet Serbisë dhe Shqipërisë, e vlefshme për kualifikueset e Kupës së Botës 2026, do të zhvillohet në stadiumin “Rajko Mitić” në Beograd më 11 tetor, dhe jo në Leskovac siç ishte përfolur më parë.
Përmes një njoftimi zyrtar në rrjetet sociale, Federata serbe bëri të ditur gjithashtu se edhe ndeshja ndaj Anglisë më 9 shtator do të luhet në të njëjtin stadium, ndërsa përballja e fundit ndaj Letonisë, më 16 nëntor, do të zhvillohet në stadiumin “Dubočica” në Leskovac.
Në deklaratë thuhet se pas një analize të plotë – duke përfshirë aspekte sportive, organizative dhe të sigurisë – dhe në konsultim me UEFA-n, u vendos që ndeshjet më të rëndësishme të luhen në impiantin më të madh të vendit. Sipas Federatës, “Rajko Mitić” ofron kushtet më të mira për zhvillimin e përballjeve me peshë.
Kujtojmë se ndeshja e fundit mes Serbisë dhe Shqipërisë në Beograd, e zhvilluar më 14 tetor 2014 për eliminatoret e Euro 2016, u ndërpre pas incidenteve të shumta, përfshirë futjen në fushë të një droni që mbante flamurin shqiptar me simbole historike dhe patriotike, si dhe përleshje mes lojtarëve dhe ndërprerje për shkak të hedhjes së sendeve nga tifozët.
Tre skuadrat shqiptare Egnatia, Vllaznia dhe Dinamo City, dhe dy skuadrat e Kosovës Ballkani dhe Prishtina sonte do të zbresin sot në fushë për ndeshjet e kthimit të raundit të dytë të UEFA Konferencë Liga . Të tre skuadrat shqiptare vijnë pas fitoreve në përballjet e para dhe synojnë të ruajnë avantazhin për të siguruar kualifikimin.
Egnatia është nikoqire Dinamo Minskun në stadiumin “Arena Egnatia”, pas fitores 2-0 në transfertë ndaj skuadrës bjelloruse. Ndeshja Egnatia – Dinamo fillon në ora 21:00.
Dinamo City do të luajë ndeshjen e kthimit kundër AC Escaldes në stadiumin “Elbasan Arena”. Pas fitores 2-1 në ndeshjen e parë, dinamovitët kërkojnë një tjetër rezultat pozitiv për të kaluar më tej. Takimi do të nisë në orën 20:45.
Nd;rkaq, Vllaznia do të udhëtojë drejt Islandës për ndeshjen e kthimit kundër Vikingur. Shkodranët fituan 2-1 sfidën e parë të zhvilluar më 24 korrik në stadiumin “Loro Boriçi” dhe tashmë synojnë të ruajnë epërsinë. Ndeshja e kthimit do të nisë në orën 20:45.
Skuadrat nga Kosova Ballkani dhe Prishtina sot zhvillojnë ndeshjet kthyese të raundit të dytë në UEFA Konferencë Ligë.
Ballkani, do të zhvillojë sonte ndeshjen e kthimit kundër Floriana FC në kuadër të raundit të dytë kualifikues të UEFA Konference Liga . Takimi do të luhet në “Centenary Stadium” në Maltë dhe nis nga ora 20:45. Ndeshjen e parë në Prishtinë Ballkani e fitoi me rezultatin 4-2.
FC Prishtina do të zhvillojë sonte ndeshjen e kthimit ndaj Larnes në kuadër të raundit të dytë kualifikues të Ligës së Konferencës. Pas barazimit pa gola në sfidën e parë të zhvilluar në Irlandën e Veriut, bardhekaltrit do të kërkojnë fitoren vendimtare para tifozëve të tyre në stadiumin “Fadil Vokrri”. Takimi nis nga ora 20:00
Shaban Sinani – TV Koha
Trajneri Qatip Osmani pas klubeve shqiptare të futbollit në Maqedoni dhe Shqipëri , këto ditë është angazhuar për herë të parë të drejtoj edhe FC Malishevën në kampionatin e Kosovës
Prej para tre ditëve trajneri më i suksesshëm tetovar, Qatip Osmani është emëruar trajner i klubit të futbollit Malisheva i themeluar në vitin 2016 dhe pjesë e Super ligës në futbollin e Kosovës . Trajneri Qatip Osmani është një emër i njohur në futbollin mbarë shqiptar pasi ka drejtuar ekipin Shkëndijës, Renovën, Drita e Bogovinës, FC Shkupi, Struga Trim Lum dhe Vllazninë e Shkodrës, ku edhe ka të fituara shumë trofe sidomos me ekipin e Shkëndijës 3 tituj kampioni, 1 Kupë dhe një superkup.
Trajneri Qatip Osmani me ndihmësin e tij Bashkim Livorekën , debutuan me fitore në sezonin e ri me Malishevën, duke mundur KF Drenicën 1-0. Në ekipin e Malishevës aktualisht janë edhe dy futbollistët shkupjan Besnik Ferati dhe Xhemal Ibishi.
Shaban Sinani – TV Koha
Futbollistët e Shkëndijës me fitoren kundër Steauas dhe kualifikimit në xhiron e tretë të eliminatoreve për Ligën e Kampionëve shënuan sukses historik pasi realizuan ëndrrën e tyre më të madhe për të luajtur në fazën e grupeve të një gare të UEFA-s. Kundërshtari i radhës është ekipi Qarabag nga Azerbajxhani
Simboli i futbollit shqiptar në Maqedoninë e Veriut dhe jo vetëm Shkëndija e Tetovës ka shkruar një faqe të ndritur në historinë e saj dhe në futbollin e Maqedonisë së Veriut., duke u kualifikuar në raundin e tretë eliminator të UEFA Liga e Kampionëve duke eliminuar gjigantin rumun ekipin Steaua në ‘’Arenën Nacionale’’ të Bukureshtit në ndeshjen kthyese të raundit të dytë. Më këtë sukses skuadra kuqezi i heshti afro 30 mijë tifozë të pranishëm në tribuna e heshti pronarin e ekipit rumun Xhixhi Bekali , i cili ka thënë ‘’Është turpi më i madh i futbollit rumun deri më tani!.
Pra,Shkëndija ia doli të triumfoj 2-1 dhe me rezultatin e përgjithshëm 3-1 nga të dyja ndeshjet dhe kualifikohet në raundin e tretë. Autor të golave ishin Cisotti për vendasit, ndërsa Liridon Latifi dhe Vane Kërstevski për Shkëndijën.Pas këtij triumfi i gjithë ekipi së bashku me tifozët e pranishëm festuan këtë sukses historik. Timonieri i ekipit kuqezi Jeton Beqiri i emocionuar nga ky sukses historik para gazetarëve deklaroi me punën e bërë gjatë gjithë javës ia arritëm
‘’Ishte një ndeshje me shumë emocione por unë gjatë gjithë javës punoja me futbollistët që nëse do arrinim të kemi besim , të kemi guxim dhe të mendojmë se mund të fitojmë këtu vetëm në at mënyrë kishim mundësi të kualifikoheshim dhe e dija që do kemi rastet tona. Për fat të mirë ne i shfrytëzuam rastet tona dhe jemi në xhiron e ardhshme të champions ligës. Që do të thotë se është një sukses i përbashkët i të gjithë klubit duke filluar nga pronarët të cilët pa reshtur disa vite investojnë., pastaj kryesia e klubit, pastaj gjithë administrata mos harrojmë më të rëndësishmit që janë futbollistët dhe gjithashtu edhe tifozët e vërtet të cilët na ndjekin çdo kund dhe një falënderim i veçantë për përkrahjen e sotme këtu në Bukuresht’’ deklaroi trajneri Jeton Beqiri
Sa i përket kundërshtarit të ardhshëm ekipit Qarabag nga Azerbajxhani , trajner i Beqiri tha se është skuadër që seriozisht duhet të respektohet.
‘’Duhet të respektojmë patjetër edhe kundërshtarin e ardhshëm që është ekipi i Qarabagut, është një ekip shumë serioz dhe shumë i organizuar njëjtë siç ishte Steaua. Po për mua shumë e rëndësishme edhe për ekipin tim edhe për futbollistët që ne të japim maksimumin , të respektojmë fanellën që bartim dhe pastaj t’ia lëmë fushës të tregoj rezultatin’’ tha Beqiri
Suksesin e simbolit të futbollit shqiptar në Maqedoni, e kanë festuar edhe numër i madh i tifozerisë tetovare të cilët e ndoqën ndeshjen nga ekrani gjigant i vendosur para shtëpisë së kulturës .
Në raundin e tretë përballet me ekipin Qarabag të Azerbajxhanit, ku ndeshja e pare zhvillohet në Shkup të martën me fillim në ora 19:00. Në rast fitoreje në këtë përballje me dy ndeshje, Shkëndija do të luajë në play-off-in për fazën e grupeve të Ligës së Kampionëve.
Shaban Sinani – TV Koha
Tre persona të vdekur, policia jep detaje nga aksidenti në rrugën Tetovë – Shkup
Kasami: Iniciativa për parkun përkujtimor në Spitalin Modular është në koordinim me familjarët e viktimave
Gashi: Zgjedhjet do të shpallen në afatin e fundit, duhet të mbërrijmë afatet për zgjedhjen e Avokatit të Popullit dhe kreut të Anti-korrupsionit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve