Sport
KF SHKËNDIJA SIPAS PLANIT NË NDESHJEN E PARË KONTROLLUESE
KF Shkëndija ka regjistruar fitore në ndeshjen e parë kontrolluese të zhvilluar në kuadër të fazës përgatitore në Slloveni, duke mposhtur ekipin rumun FC Argesh Piteshti me rezultat 1:0. Ndeshja e dytë kontrolluese luhet të shtunën kundër FC Koper.
Në kuadër të përgatitjeve për garat eliminatore të Ligës së Kampionëve klubi i futbollit Shkëndija në Slloveni krahas seancave të rregullta stërvitore dy herë në ditë , nga dita e djeshme ka filluar edhe me ndeshje kontrolluese ashtu siç e ka parapa shefi i stafit teknik Jeton Beqiri. Në ndeshjen e parë kontrolluese kundër ekipit rumun FC Argesh Piteshti, skuadra kuqezi në ndeshjen e zhvilluar në vendin Zreçe shënoi fitore minimale me një gol të vetëm që e ka realizuar Tamba në minutat e fundit të ndeshjes .. Kjo ndeshje shërbeu si test i parë në rrugëtimin përgatitor të ekipit, ndërsa trajneri Jeton Beqiri pati mundësinë të aktivizojë shumë lojtarë dhe të vëzhgojë nga afër gjendjen e skuadrës përpara fillimit të garave zyrtare.
‘’Jam i kënaqur me angazhimin e futbollistëve gjatë fazës përgatitore gjatë këtyre 3-4 ditëve sa jemi në slloveni. Shqetësuese është vetëm një dëmtim i vogël i kapitenit Besartit, kurse të gjithë futbollistët tjerë japin maksimumin . Ekipi normalisht është i rënduar janë të lodhur por nëpër gjithësi sot dhanë maksimumin dhe normalisht jam i kënaqure me futbollistët sa i përket maksimum it. Kurse sa i përket lojës ka gjëra të cilat do korrigjohen do analizohen dhe besoj se do përmirësohen’’deklaroi trajneri Beqiri
Sa i përket shortit dhe kundërshtarit në ndeshjen e parë eliminatore të Ligës së Kampionëve trajneri Beqiri tha se do të tentojmë që të kualifikohemi më tej
‘’Sinqerisht nuk dua të komentoj shortin për shkak se ne jemi Shkëndija dhe futbollistët që disponojmë dhe ekipin që kemi është ekip cilësor dhe unë besoj në futbollistët tanë. Gjatë këtyre ndeshjeve europaine do na nderojnë dhe do na bëjnë që të ndihemi mirë , normalisht jo vetëm kundër këtij kundërshtari por edhe kundër çdo kundërshtari tjetër ne do të duhej të tentonim dhe do të tentojmë gjithçka për gjithçka. Konkretisht do të tentojmë dhe besoj se do të kualifikohemi’’ tha trajneri Jeton Beqiri
Ndeshjen e dytë kontrolluese Shkëndija do ta zhvilloj kundër ekipi FC Koper të shtunën në ora 17:30. Sa i përket kundërshtarit të radhës në eliminatoret e Ligës së kampionëve nëse kalon në raundin e dytë kuqezinjtë mund të përballen me fituesit nga ndeshja FCSB – Inter apo fituesi nga ndeshja Olimpija – Kairat Almati
Shaban Sinani – TV Koha
Klubi futbollistik Shkëndija është ekipi i vetëm shqiptar që ka arritur afër kualifikimeve në fazën e Ligës së Kampion;ve.
Kuqezinjtë sonte do të kenë përballjen e radhës me ekipin Qarabag FK në Shkup, e para kësaj ndeshje ka folur i pari i ekipit Shkëndija, Lazim Destani ku ka shprehur krenarinë e tij për arritjet e klubit, ndërsa ka bërë një thirrje për të gjithë ata që do të jenë në stadium, duke ftuar që të tregojnë kulturë sportive dhe të përmbahen nga provokimet.
“Me emocion më të madh për arritjet e deritanishme, ëndrra jonë vazhdon. Me përkushtim dhe fokus të madh, klubi ynë po ecën përpara drejt synimeve të reja dhe drejt arritjeve që i meritojmë. Qëllimi ynë është suksesi dhe rruga në Champions League”.
“Sot do të jemi të gjithë në tribunat e stadiumit, duke kënduar këngët tona të fitores dhe duke i dhënë zemër lojtarëve dhe stafit tonë, sepse ata e meritojnë këtë.
Si tifoz i Shkëndijës, u bëj thirrje që sot të tregojmë kulturën tonë sportive dhe të mos biem pre e provokimeve”, ka shkruar Destani.
Kampioni i Maqedonisë, klubi i futbollit Shkëndija e Tetovës, sonte në arenën ‘’Todor Proeski’’ pret kampionët e Azerbajxhanit, ekipin Karabah në kuadër të ndeshjes së parë të raundit të tretë kualifikues për Ligën e Kampionëve.
Shkëndija e Tetovës sonte me fillim në orën 20:00 do të luaj ndeshjen e parë ndaj Karabahut të Azerbajxhanit në kuadër të xhiros së tretë eliminatore në Ligën e Kampionëve. Ekipi që drejtohet nga trajneri Jeton Beqiri pritet të vazhdon rrugëtimin europian në UEFA Ligën e kampionëve,ku sonte do në këtë një detyrë e vështirë përballë një ekipi që luan në vazhdimësi në Kupat Evropiane. Nga tabori kuqezi, shihet një atmosferë pozitive para kësaj sfide do të thonim historike andaj shpresojnë edhe në përkrahjen dinjitoze dhe numër sa më të madh të tifozerisë kuqezi pasi suksesi eventual që të gjithë e presim do të hapë një faqe të re në historinë këtij klubi që me të drejt konsiderohet simboli i futbollit shqiptarë në Maqedoni dhe jo vetëm.
Sa i përket formacionit që sonte do të zbres në fushën e gjelbër trajneri Beqiri do të vendos para fillimit të ndeshjes, por më e rëndësishmja është se të gjithë ekipi është në dispozicion të trajnerit dhe të gatshëm për të dhënë më të mirën nga vetja e tyre.
Informatat nga terreni thonë se për të ndjekur ndeshjen e sotme interesimi i futboll dashësve është i jashtë zakonshëm sidomos në rajonin e Pollogut
Ndeshja Shkëndija – Karabah, luhet sonte në arenën ‘’Todor Proeski’’ me fillim në ora 20:00, ndërsa drejtësi do të ndaj arbitri nga Sllovakia, Ivan Kruzhilak.
Shaban Sinani – TV Koha
Me finalet e ndeshjeve të Streetballit dhe rutës së çiklizmit mbrëmë edhe zyrtarisht përfundoi manifestimi Vera Kulturore tetovare ku gjithsejtë u organizuan 32 aktivitete
Me ndeshjen finale të Streetballit 3×3 mbrëmë zyrtarisht përfundoi edhe manifestimi Vera Tetovare 2025, që u mbajt me moton “Tetova n’festë“! Gjatë 19 ditëve sa zgjati manifestimi janë mbajtur 32 aktivitete kulturore, sportive, koncerte, net rinore dhe shumëçka tjetër!
Fitues i turnirit në Streetballit 3×3, që u ndoq nga një numër i madh i publikut tetovar doli ekipi Kino Vllae nga Shkupi me lojtarët Hristjan Ristov, Marko Dujkoviq, Fatjon Rexha dhe Milorad Minovski, Vendi i dytë i takoi Strugës me lojtarët Art Shabani, Albijond Hoxha, Muhamed Qamilovski dhe Jovan Gjoroviq, ndërsa vendi tretë Gostivarit me lojtarët Filip Joviq, Viktor Isajlovski, Kristijan Stolevski, Ibraim Reçani dhe Kristijan Isajlovski.
Për tre ekipet ftuese organizatori Komuna e Tetovës ndau Kupa, medalje dhe mirënjohje .
Gjithashtu dje në kuadër të aktivitet të Verës Kulturore tetovare u mbajt edhe turi i çiklizmit nga Tetova deri në Kodrën e Diellit. Për më të mirë organizatori ndau medalje në shenjë të respektit dhe djersës së derdhur.
Komuna e Tetovës ka falënderuar qytetarët dhe sidomos mërgimtarët për pjesëmarrjen e tyre në këto aktivitete.
Bekim Sali: Qeveria VLEN ndanë 47.5 milionë euro për ndërtimin e spitalit të Kërçovës, 77.5 për spitalin e Tetovës
Mexhiti inspekton punimet në Fushë Topanë: Synojmë ta zgjidhim problemin e kahmotshëm për Parking
Janevska: Ligji për shkollat fetare është kushtetues dhe nuk shkel laicitetin e shtetit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve