Sport
UEFA CONFERENCE LEAGUE: FITON VARDARI HUMBIN SILEKSI DHE RABOTNIÇKI
Në raundin e pare të garave në Konferencë Ligë skuadrat tre nga Maqedonia e Veriut kanë shënuar rezultate të ndryshme derisa Vardari në Shkup mundi La Fiorita 3-0, Sileksi pësoi në Tuz nga Deçiqi 2-0, ndërsa Rabotniçki pësoi nga ekipi bjellorus Zhodino 3-0
Klubi i futbollit Vardari si fitues i Kupës së Maqedonisë, mbrëmë në arenën ‘’Todor Proeski’’ në Shkup para një nunëri shumë të vogël të tifozëve të pranishëm shënoi fitore të sigurt kundër ekipit La Fiorita nga San Marino me rezultatin 3-0 , ndërsa autor të golave ishin Omeragiq, Drudi autogol dhe Mato. Ndeshja kthyese në të cilën Vardari ka epërsi të mjaftueshme për të kaluar në raundin tjetër do të zhvillohet më 17 korrik, në “San Marino Stadium” në Serravalle me fillim në ora 21:00.
Në stadiumin “Haladás Sportkomplexum” në Szombathely, skuadra bjelloruse Zhodino mundi ekipin e Rabotniçkit nga Shkupi me rezultatin 3-0 me çka me një këmbë janë në raundin e dytë ;Ndeshja kthyese Rabotniçki – Zhodino zhvillohet më 17 korrik me fillim në ora 18:00.
Disfatë në raundin e parë ka pësuar edhe Sileksi nga Deçiqi e Tuzit të Malit Zi , ku Deçiqi ka marrë një fitore të rëndësishme në ndeshjen e parë të raundit të parë kualifikues në Ligën e Konferencës, duke mposhtur skuadrën e Sileksit me rezultat 2-0.Takimi u zhvillua në stadiumin ‘BESA’ në Tuz, ku për herë të parë Deçiqi zhvillua një ndeshje ndërkombëtare në terrenin e vet.
Autor të golave ishin Andrej Bajoviç i cili hapi serinë e golave në minutën e 39-të, ndërsa në pjesën e dytë shënoi Ibrahima Ndiaye me çka vulosi epilogun e kësaj ndeshje. Kujtojmë se skuadra e Sileksit nga minuta e 50-të luajti me jjë lojtar më pak pasi Mirçevsku u ndëshkua me kartonë të kuq.
Ndeshja e kthimit do të zhvillohet pas një jave në Maqedoninë e Veriut, ku Deçiq do të kërkojë të konfirmojë kalimin në fazën e radhës.
Skiatori shqiptar, Denni Xhepa, zhvilloi sot garën e parë në Lojërat Olimpike Dimërore Milano-Cortina 2026, që transmetohen në RTSH. Kjo garë shënon edhe debutimin e skuadrës shqiptare në Olimpiadën Dimërore, ku përfaqësohemi me 4 sportistë.
Ai regjistroi kohën 1:31,72, duke u pozicionuar në vend të 34-t në Super G. Xhepa zbriti në pistë i 37-i dhe kjo garë ishte për të një test për Slalomin Gjigant, që do të zhvillohet pas tri ditësh.
Kjo është hera e parë që Shqipëria merr pjesë në një garë shpejtësie në ski.
Përveç Xhepës, në Lojërat Olimpike Dimërore marrin pjesë në disiplina të ndryshme Lara Colturi, Lisa Brunga dhe Semire Dauti. Xhepa garon gjithashtu në Slalom Gjigant më 14 shkurt dhe Slalom më 16 shkurt.
Më 15 shkurt zbresin në pistë Lara Colturi dhe Semire Dauti, të cilat marrin pjesë në disiplinën e Slalomit Gjigant. Më 18 shkurt Lara Colturi, Lisa Brunga dhe Semire Dauti garojnë në disiplinën Slalomit.
Lucas Ignacio Pires, ish-futbollist i Almirante Broën, u vra me një shishe qelqi të thyer gjatë një përleshje në La Matanza të Buenos Aires
Lucas Pires pasoi një plagë të thellë në parakrah që shkaktoi gjakderdhje fatale.
Pampa Mónaco’ publikon pamjet e regjistruara nga një kamerë sigurie në momentin kur, në kontekstin e një grindjeje, një burrë përdor buzën e një shisheje të thyer për t’i shkaktuar një plagë të thellë kundërshtarit të tij.
Sipas burimeve gjyqësore dhe policore, Lucas Pires pësoi një plagë të thellë në parakrahun e djathtë që dëmtoi një arterie, duke shkaktuar një hemorragji fatale .
Lucas Pires u dërgua me urgjencë në Spitalin Nestor Kirchner, por i riu vdiq për shkak të plagës së rëndë, pasi besohet se tehu i xhamit ka arritur në një arterie.
Çështja po trajtohet nga Zyra e Prokurorit të Vrasjeve në La Matanza, e cila po heton si një krim të mundshëm brenda familjes, raporton Marca.
Dy skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24
Skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24. Rihapet debati për substancat e përdorura te materialet sportive.
Skualifikohen për një pomadë të ngjashme me pastën e dhëmbëve. Kjo substancë ka shkaktuar largimin menjëherë nga Olimpiada dimërore të dy skiatoreve nga Koreja e Jugut, Han Dasom dhe Lee Eui-jin. Është fluori i ndaluar në protokoll që nga sezoni 2023/24.
Bën përshtypje fakti se fronti i ri i CIO-s është dopingu te materialet, sepse fluori nuk është gjetur në trupat e sportisteve, por në pajisjet e sportit që ato ushtrojnë, te skitë. Konkretisht, është gjetur në dyllin që teknikët kishin përgatitur për garat në Lago di Tesero. Kështu ka ardhur menjëherë përjashtimi i dy garueseve që gjithsesi nuk do të luftonin për medalje.
Lajmi ka rindezur debatin mbi rëndësinë e substancave që përdoren për skitë për t’i bërë ato më të shpejta gjatë garës. Ekipi italian, për shembull, ka një kamion me më shumë se 500 lloje pomadash, që seleksionohen për diskutimit me sportistët garë pas gare.
ROKAS NË BOGOVINË, TAKON KËSHILLTARËT DHE KRYETARIN E KOMUNËS
SHUMË FJALË, PAK VEPRA – MAQEDONIA SA AFËR AQ LARG BE-së
TRENDAFILOV: PO NDIQEM – KEQPËRDOREN FËMIJTË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
