Sonte  me fillim në ora 20 e 30  në  arenën ‘’Todor Proeski’’ në Shkup përballen     fituesi i Kupës  së Maqedonisë , Vardari  me  skuadrën zvicerane  FC Lozana. Në fushë zbresin edhe  ekipet  e Shqipërisë dhe Kosovës

 Skuadra e  vetme  nga  vendi ynë që përfaqësohet në raundin e dytë në UEFA Liga e Konferencës, ekipi i Vardarit të Shkupit sonte  në arenën ‘’Todor Proeski’’ luanë ndeshjen e parë  kundër ekipit zviceran Lozana . Në pritje  të kësaj ndeshje   mbrëmë  është mbajtur  pres konferencë kua  para  medieve ka  folur trajneri Goce Sedlovski,  i  cili ka thënë se  Kemi një kundërshtar të mirë kundër nesh. Duhet të jemi të vetëdijshëm se na pret një ndeshje e vështirë në këto 90 minuta të para në Shkup. Futbolli zviceran po përparon dhe ata kanë një ligë të fortë. Kemi respekt, por duhet të dalim, të tregojmë karakter. Gjithçka varet nga mënyra se si kundërshtari do të na lejojë të luajmë’’ ka  thënë ai.

Ndeshja  e sotme  Vardari – Lozana  fillon në ora 20 e 30, ndërsa drejtësi do të ndaj arbitri çek  Dominik Stary

Sonte  në  fushë zbret edhe skuadra kosovare, FC Prishtina, e cila do të përballet me ekipin nga Irlanda e Veriut, FC Larne. Sfida do të nisë nga ora 21:00

Në  fushë zbresin edhe Vllaznia e Shkodrës që përballet me ekipin Vikingur me  fillim në ora 20 e 30, Engantia  është mysafire e  Dinamo Minskut, ndërsa Dinamo e  Tiranës është mysafire në  Andorë për tu përballur me  ekipin Atletik Eskaldes

Advertisement

Ekipet e Ligës së Parë  me sukses  janë duke zhvilluar  fazën e fundit përgatitore  para  fillimit të sezonit të ri që nis më 8,9 dhe 10 gusht. Shkëndija mundi Rabotniçkin, Struga Trim Lum barazoi me Llapin, ndërsa Arsimi mundi Teteksin. Nesër hidhet  shorti për sezonin e ri 2025/2026

 Vetëm dy javë para  fillimit të  sezonit të ri  në Ligën e Parë të  futbollit   ekipet në kuadër  të përgatitjeve  të fazës së  fundit  krahas  seancave të rregullta stërvitore zhvillojnë edhe ndeshje  kontrolluese.

 Kampioni në fuqi  Shkëndija e  Tetovës , mbrëmë me  një formacion të kombinuar  ka zhvilluar ndeshje kontrolluese  me ekipin e Rabotniçkit  të  cilën e fitoi  3-1.  Autor  të  golave  për  kuqezinjtë ishin Florent Ramadani 2 dhe Fiton Ademi 1 gol, ndërsa për romantikët shënoi Velkovski. Qëllimi i ndeshjes  kontrolluese ishte  që trajneri  Beqiri  të njihet edhe me  formën e lojtarëve të cilët kanë pasur më pak minutash në ndeshjet e deri tanishme

Klubi i futbollit Struga Trim Lum ka zhvilluar edhe ndeshjen e katërt  kontrolluese , kësaj radhe kundër ekipit Llapi  nga kampionati i Kosovës.  Ndeshja kontrolluese  Struga Trim Lum – Llapi,  që  u zhvillua në stadiumin e qytetit në Strugë përfundoi me  shifra të barabarta  1-1

Për kundërshtarë këtë herë kishim skuadrën e njohur kosovare të KF Llapit…

Advertisement

Struga Trim Lum ka barazuar 1:1 kundër KF Llapit. Në këtë ndeshje ekipi i trajnerit Bledi Shkëmbi u paraqit dukshëm më mirë, kjo edhe për faktin se ishte ndeshja jonë e katërt para sezonale, përmes të cilave strategu nga Korça po lexon mirë formën e çdo futbollisti.  Autor  të  golave  ishin Memetriza  Hamza  për ekipin vendas, ndërsa Diako për Llapin.

 Debutuesi në Ligën e Parë Arsimi i Çegranit ndeshje  kontrolluese ka zhvilluara  me  debutuesin në ligën e dytë  ekipin e Teteksit  të Tetovës. Golat për  ekipin nga  Çegrani i kanë shënuar Alban Taipi, Ignjatov, Olatunbosun, Asani dhe Shabani.

Kujtojmë, sezoni i ri në Ligën e Parë Futbollistike të RMV-së starton me datë 8 gusht (e premte), derisa ndeshje do të ketë edhe me datat 9 dhe 10 gusht.

Do të jetë kjo hera e parë në histori që ndeshjet e Ligës së Parë do të zhvillohen në tre ditë të ndryshme. Shorti për kampionatin e ri 2025/2026  do të hidhet  nesër në hapësirat e FFM-së.

Advertisement

Federata Shqiptare e Futbollit është njoftuar zyrtarisht nga FIFA për një vendim disiplinor pas ndeshjes Shqipëri–Serbi, e zhvilluar më 7 qershor 2025 në stadiumin “Air Albania”.

Sipas vendimit, FSHF dënohet me një gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit të mbyllur për publikun, për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë (këngë me përmbajtje diskriminuese, hedhje objektesh, ndezje fishekzjarrësh, përdorimi i gjesteve apo mesazheve të papërshtatshme për një ngjarje sportive, si dhe ndërprerje gjatë himneve kombëtare).

Ky vendim është një penalizim serioz për gjithë komunitetin futbollistik dhe dëmton jo vetëm Federatën, por mbi të gjitha Kombëtaren. FSHF u bën thirrje të gjithë tifozëve të Kombëtares që të shmangin çdo veprim që mund të dëmtojë skuadrën tonë, të respektojnë rregullat ndërkombëtare dhe të kontribuojnë për një atmosferë dinjitoze në mbështetje të Shqipërisë.