Lajme nga vendi
Bekim Sali: Qeveria VLEN ndanë 47.5 milionë euro për ndërtimin e spitalit të Kërçovës, 77.5 për spitalin e Tetovës
Të nderuar qytetarë, të nderuara media, sot ndajmë me qytetarët një nga lajmet më të jashtëzakonshme të këtij mandati, jo thjesht një statistikë buxhetore apo projekt ndërtimor, por një fitore njerëzore, një hap civilizues dhe një akt i thellë moral ndaj një rajoni që për shumë vite ishte lënë në harresë: Kërçova do të ketë një spital të ri, tërësisht modern, të denjë për shekullin XXI dhe për qytetarët që jetojnë me krenari, dinjitet dhe besim në këtë vend, deklaroi Bekim Sali nga Vleni, të cilën e transmeton në mënyrë integrale.
Falë përkushtimit të palëkundur të Ministrisë së Shëndetësisë dhe vizionit të ministrit Azir Aliu, si dhe bashkëpunimit të ngushtë me institucionet qeveritare dhe komunale, projekti i ri për ndërtimin nga themeli të Spitalit të Kërçovës është tanimë realitet i pashmangshëm. Jo më premtime në letër. Jo më beton i harruar nga koha. Por një vepër që flet me gjuhën e jetës, shërimit dhe dinjitetit njerëzor.
Investimi prej 47.5 milionë euro në Kërçovë do të mundësojë ndërtimin e një qendre rajonale të standardeve europiane, me infrastrukturë të re moderne, me pajisje mjekësore të fjalës së fundit dhe me kushte që frymëzojnë siguri e besim për pacientët dhe për personelin profesional. Do të jetë një spital ku mjekësia takohet me etikën, ku profesionalizmi takohet me respektin, dhe ku shërbimi nuk është privilegj, por e drejtë njerëzore.
Të nderuar,
Në këtë qendër shëndetësore do të gravitojnë qytetarë nga Kërçova, Makedonski Brod, Pllasnica, Zajazi, Vraneshtica, Demir Hisari e më gjerë, dhe për herë të parë pas shumë dekadash do të ndihen të barabartë, të përfaqësuar dhe të përkujdesur. Spitali i Kërçovës nuk do të jetë më objekt i turpit dhe neglizhencës, por simbol i një epoke të re që po ndërtojmë së bashku. Ministri Azir Aliu e ka kthyer shëndetësinë në prioritet strategjik të qeverisë, jo vetëm me fjalë, por me projekte konkrete që transformojnë realitetin në Tetovë, Shkup, Kërçovë dhe në gjithë vendin. Vetëm në Tetovë, investimi për përmirësimin e infrastrukturës spitalore kap shifrën 77.5 milionë euro, që përfshijnë ndërtimin e dy objekteve të reja, rinovimin e bllokut të kirurgjisë dhe internistikës, si dhe Fakultetin e ri të Mjekësisë, i cili do t’i japë Tetovës statusin e një qendre të plotë klinike dhe akademike.
Me këtë vizion, ministri Aliu po lë pas një trashëgimi për brezat që vijnë, një sistem shëndetësor që shëron me nder, respekton me vlerë dhe frymëzon me përkushtim.
E ritheksojmë me bindje: VLEN nuk e sheh shëndetësinë si shpenzim, por si investim kombëtar. VLEN nuk i shikon qytetarët si numra në lista, por si jetë me dinjitet që duhet mbrojtur.
Faleminderit për besimin që nuk u shua, edhe kur vonesa zgjati më shumë seç duhej. Sot ai besim po shpërblehet jo me fjalë boshe, por me dinjitet të prekshëm dhe punë konkrete. Koha e pritjes ka kaluar, tani është koha e realizimit.
Link për te video:
https://www.filemail.com/d/atlsoqdriyzohlp
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
