Lajme nga vendi
Rreth 200 fëmijë janë incizuar me aparat të ri mobil për rentgen në Klinikën e Fëmijëve në Shkup, i dhuruar nga Ambasada e Japonisë
Ambasada e Japonisë i dhuroi një aparat mobil rentgen Klinikës Universitare për Sëmundje të Fëmijëve në Shkup. Ambasadorja e Japonisë Secuko Kavahara sqaroi sot se bëhet fjalë për aparat të markës “shimacu” përmes Programit për projekte të vogla për siguri të njerëzve (GGP).
“Qeveria jonë e nisi programin GGP në vitin 1996 dhe ai është bërë një nga shtyllat e rëndësishme të bashkëpunimit dypalësh midis Japonisë dhe Maqedonisë së Veriut. Që nga viti 1996, përmes GGP-së, Japonia ka zbatuar më shumë se 70 projekte në sektorin e shëndetësisë të këtij vendi, me vlerë gati katër milionë euro. Jemi të kënaqur që vendi ynë ka kontribuar në përmirësimin e shërbimeve mjekësore dhe kujdesit shëndetësor në Maqedoninë e Veriut”, theksoi ambasadorja.
Ajo shtoi se në kuadër të këtij programi, ky është donacioni i 15-të për Kompleksin Universitar të Klinikave “Nëna Terezë”. Sepse Klinika Universitare është qendër e shërbimit mjekësor në vend, theksoi ajo, pranon pacientë nga qytete të tjera, beson se ndihma është e nevojshme jo vetëm për qytetarët e Shkupit, por edhe për të gjithë popullsinë.
Rexhep Memedi, drejtor i Klinikës, shprehu mirënjohje për donacionin. Ai tha se me këtë donacion të rëndësishëm dhe donacion i vlefshëm të aparatit mobil për rentgen për pacientë neonatalë dhe pacientë të pediatrisë, është treguar humanizëm i madh për fëmijët, pacientët tanë, ndërsa edhe ndaj qytetarëve të vendit tonë.
“Ky aparat rentgen i cili ka një vlerë prej 60 540 eurosh, është me përfitim të madh sepse mundëson diagnozë të shpejtë dhe të saktë dhe shërbime mjekësore me cilësi më të lartë për pacientët më të vegjël, ndërsa teknologjia digjitale mobile për rëntgen ndihmon në eliminimin e ekzaminimeve të përsëritura me rentgen dhe transportit të panevojshëm ose ndryshimeve në pozicionin e trupit të pacientit”, theksoi drejtori.
Gjatë kësaj, ai shpjegoi se kjo i ndihmon ndjeshëm të porsalindurit, veçanërisht ata të parakohshëm, pasi kushtet e tyre të veçanta mjekësore shpesh nënkuptojnë që ata nuk mund të hiqen nga inkubatorët e tyre dhe të transportohen në një aparat statik për rëntgen.
Drejtori informoi se pas kontrolleve të bëra dhe lejeve të marra nga institucionet relevante, aparati është lëshuar në përdorim në muajin shkurt të këtij viti dhe deri më tani janë incizuar rreth 200 fëmijë me aparatin e ri.
Drejtori shprehu mirënjohjen e tij për mbështetjen e Ministrisë së Shëndetësisë. Ai uroi që bashkëpunimi i shkëlqyer me Ambasadën e Japonisë të vazhdojë edhe në të ardhmen, me qëllim ofrimin e kujdesit mjekësor më cilësor për pacientët neonatalë dhe pediatrikë.
Në takimin e sotëm ishte edhe përfaqësuesi i Organizatës Botërore të Shëndetësisë në shtet, Akim Ali.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
