Vetëm 1 minut apo 2 minuta. Kështu bllokohen rrugët në Tetovë. Parkingu paralel po del të jetë faktori më ngulfatës i trafikut në Qytetin e Tetovës. Këto pamje që i shihni janë përditshmëri në qendër të qytetit. Në vendin ku trafiku duhet të lëviz lirshëm, kur gjinden shumica e institucioneve, veturat ngecin për kohë të gjatë. Probelm në vete del të jetë edhe për ata që paguajn parking në vendet e dedikuara dhe më pas nuk mund të dalin nga parkingu për shkak të shoferëve të papërgjegjshëm që parkojnë veturat paralelisht.

Nga Komuna e Tetovës, përveç apeleve për ndërgjegjësim të qytetarëve dhe shtim të kontrolleve të policisë së trafikut, thonë se po tentojnë të gjejnë edhe zgjidhje permanente për këtë dukuri negative në qytetin e Tetovës.

Kryetari i Komunës së Tetovës Bilall Kasami tha se është krijuar një komision që do të punojë për deketimin e hapësirave të reja për paking me çka pritet të 4 fishohet numri i vendeve për parking.

Ai shpreson që me këtë projekt, të zgjidhet problemi edhe me parkingun paralel.

Komisioni i formuar për këtë çështje pritet që të vendos edhe për rrugët më problematike në qytetet, në ndryshimin e regjimit të komunikacionit dhe vendosjen e rregullave të reja të qarkullimit në Tetovë. Vendimet e këtij komisioni pritet që të publikohen javën e ardhshme, pasi që i njëjti është gati por është derguar për përkthim thonë nga Komuna e Tetovës.

Advertisement

Problemi dekadësh me emrat e rrugëve në qytetin e Tetovës pritet që të merr epilog pas dy muajsh. Kështu se paku thotë kryetari i Komunës së Tetovës Bilall Kasami i cili njofton se bëhet fjalë për mbi 300 rrugë dhe mbi 1000 propozime që po i shqyrton komisioni i formuar për çështjen e riemërimit të emrave të rrugëve.

Kasami thotë se presioni publik rreth kësaj problematike është i madh se komisioni po punon me kujdes të shtuar dhe se çdo vendim do të merret në suaza të ligjit.

Kujtojmë se emrat ekzistues të rrugëve nuk pritet që të posojnë ndryshime, por do të emërohen rrugët që nuk kanë emra, pra janë me numra ose nuk kanë numra fare. Kjo me qëllim zgjidhjen e kaosit dhe konfuzonit që krijon mungesa e emrave të rrugëve dhe numrave të shtëpive. Propozimi i komisionit në fund duhet të kalon në Këshillin e Komunës së Tetovës me shumicë votash, ku patjetër duhen edhe votat e partive maqedonase në këtë rast VMRO-DPMNE-në. Komisioni nuk përfshin edhe emrat e institucioneve arsimore, siç janë shkollat fillore dhe të mesme.

Pas viteve anulime dhe pasiguri, një nga projektet më të rëndësishme në rajon përfundimisht fitoi një fillim të ri. Me vendosjen e gurrthemelit të interkoneksionit Manastir – Elbasan, bëhet hapi vendimtar drejt lidhjes së plootë energjetike dhe integrimi më i fuqishëm në rrjetin evropian. Fillimi I projektit është përshëndetur edhe nga koalicioni VLEN.

 Pas vitesh ngecjeje dhe zvarritjeje, interkoneksioni 400 kiloVoltësh mes Maqedonisë së Veriut dhe Shqipërisë tashmë po hyn në fazën e realizimit – thonë nga koalicioni VLEN.

Sipas tyre, bëhet fjalë për një projekt me peshë strategjike për vendin dhe rajonin, që forcon lidhjen mes dy shteteve dhe i jep shtysë të re bashkëpunimit energjetik.

‘Ky projekt ka peshë të shumëfishtë. Ai forcon sigurinë energjetike, rrit stabilitetin e sistemit të transmetimit dhe hap mundësi të reja për integrim më të thellë në tregun rajonal dhe evropian të energjisë. Në të njëjtën kohë, me këtë interkoneksion po mbyllet edhe hallka e fundit energjetike e Korridorit 8 Pan-Evropian, duke i dhënë vendit lidhje më të fortë infrastrukturore dhe energjetike me Shqipërinë” – thuhet në komunikatën e VLEN-it.

Sipas VLEN, nuk është rastësi që drejtori i përgjithshëm i SHA MEPSO, Burim Latifi, e cilësoi këtë interkoneksion si urë besimi dhe bashkëpunimi mes dy vendeve, si një lidhje energjetike të natyrshme, të domosdoshme dhe largpamëse.

Advertisement

Për vite me radhë kemi dëgjuar shumë për projekte strategjike, por kemi parë fare pak vepra, thonë nga VLEN, duke shtuar se sot dallimi shihet qartë. Dikush i përdorte këto tema për propagandë, ndërsa sot ato po konkretizohen. Për VLEN-in, kjo është rruga e duhur, më pak fjalë, më pak zhurmë dhe vetëm punë – thuhet në komunikatën e VLEN.