Lajme nga vendi
Nëntë incidente nga plumbat e devijuar nga përdorimi i armëve në dasma
Përdorimi i armëve në dasma vazhdon të shkaktojë probleme në rajonin e Tetovës dhe jo vetëm. Shkrepja e armëve nëpër këto ahengje familjare ka bërë që të dëmtohen vetura si dhe plumbat të përfundojnë në oborret e shtëpive. Rasti më i ri është regjistruar mbrëmë në Tetovë, kur një 47 vjeçar me iniciale V.T ka denoncuar se përderisa ishin ulur në oborrin e tyre në rrugën “161” në Tetovë, pranë tyre kishte rënë një plumb i devijuar nga një armë zjarri. Një ekip nga SPB-Tetovë ka kryer një inspektim në vendin e ngjarjes dhe plumbi është marrë për procedura të mëtejshme.
Duke përfshirë këtë incident gjithsej janë regjistruar nëntë raste ku plumbat e devijuar përfundojnë në prona private. Sektori për Punë të Brendshme në Tetovë rikujton qytetarët se të shtënat me armë janë në kundërshtim me Ligjin për kundërvajtje kundër rendit dhe qetësisë publike dhe se gjoba për këtë lloj kundërvajtjeje sipas nenit 31 varion nga 100 deri në 250 euro në denarë. Gjithashtu, sipas policisë, varësisht nga pasojat, të shtënat me armë mund të përbëjnë edhe vepër penale si “shkaktim i rrezikut të përgjithshëm” për të cilin është paraparë dënim me burg prej një deri në pesë vjet.
“Gjatë vitit 2025 në SPB-Tetovë janë regjistruar 9 vepra penale, prej të cilave në rajonin e Tetovës dhe tre në rajonin e Gostivarit, ‘Shkaktim i rrezikut të përgjithshëm’ të parashikuar dhe i dënueshëm nga neni 288 i Kodit Penal, të kryera nga autorë të panjohur, ku janë regjistruar dëmtime nga plumba të padestinuar nga të cilat janë dëmtuar 5 automjete 2 tarraca dhe 2 plumba të padestinuar kanë mbaruar në oborre shtëpie, gjithashtu janë regjistruar edhe tre prishje të rendit dhe qetësisë publike, respektivisht Tetovë 2 dhe Gostivar 1, me përdorim të paautorizuar të mjeteve piroteknike apo armëve të zjarit gjatë ahengjeve familjare, ku pas masave të marra pjesëtarët e policisë kanë përgatitur parashtresa përkatëse ndaj organizatorit të ahengjeve familjare”, deklaroi Fatmir Rexhepi, zëdhënës i Sektorit për Punë të Brendshme në Tetovë.
Nga Policia e Tetovës kanë apeluar që qytetarët të festojnë në mënyrë dinjitoze dhe të mos përdorin armë në ahengjet e tyre sepse mund të rrezikojnë jetën e qytetarëve. Ndërsa, aktivizimi i fishekzjarrëve mund të shkaktojë zjarre të pakontrollueshme.
“Sektori i Punëve të brendshme-Tetovë apelon deri tek qytetarët që të kenë kujdes dhe të mos përdorin armët apo mjetet piroteknike në ahengje familjare sepse çdo plumb ka një shënjestër dhe çdo shkëndijë piroteknike mund të shkaktoj zjarre të përmasave gjigante dhe të parikuperueshme në këto ditë të thata vere, kështu që ne si sektor kemi përforcuar aktivitetet kontrolluese të planit për zbulimin dhe sanksionimin e shkeljeve të tilla të rendit dhe qetësisë publike, dhe në këtë temë, ndër të tjera, janë mbajtur takime me grupe këshillimore të qytetarëve dhe komuniteteve lokale dhe urbane, gjithashtu janë mbajtur edhe takime me hotelierë të kësaj zone dhe njohja e tyre me implikimet ligjore. Qëllimi i tyre është të parandalojnë ngjarjet dhe pasojat e mundshme të padëshiruara në fushën e sigurisë”, tha zëdhënësi Rexhepi.
Këtë vit janë regjistruar vetëm dëme materiale ndërsa viteve të kaluara ka pasur edhe lëndime të personave nga plumbat e devijuar.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
