Lajme nga vendi
Ujëmatës dhe kyçje në ujësjellës për lagjen “146”
Pas shumë problemeve me ujin e pijshëm, më në fund në lagjen 146 në Tetovë filloi kyçja në rrjetin e ri të ujësjellësit. Paralelisht me këtë ka filluar edhe vendosja e ujëmatësve. Me këtë pritet që të zgjidhet problemi shumëvjeçar për këta banorë të cilët me dhjetëra herë kanë kërkuar nga autoritetet lokale që të gjendet zgjidhje për ujin e pijshëm. Në këtë lagje e cila ka infrastrukturë problematike për shkak se është e vendosur në kodër (rrugës për në Kodrën e Diellit), procesi i kyçjes së amvisërive në rrjetin e ujësjellësit dhe vendosja e ujëmatësve pritet që të sjell ujë të mjaftueshëm për këta banorë.
Ndërmarrjes Publike Komunale “Sharri”, ky projekt do t`i kushtojë rreth 1.5 milionë euro ndërsa banorët nuk do të paguajnë asgjë. “E gjithë lagjeja 146 së bashku me lagjen 188 do të furnizohen nga rrjeti i ri i ujësjellësit. Janë diku rreth 3 mijë shtëpi. Pra, e gjithë kjo zonë do të ketë kyçje në rrjet deri tek rruga e Lubotenit. Për çdo shtëpi do të ketë kyçje të re dhe ujëmatës. Një kyçje dhe një ujëmatës ndërmarrjes i kushton rreth 500 euro, ndërsa i tërë projekti kushton 1.5 milionë euro, komplet is projekt. Banorët nuk të paguajnë për kyçje dhe ujëmatës por më pas uji do të faturohet në bazë të harxhimeve”, deklaroi Valon Zeqiri, drejtor i Ndërmarrjes Publike Komunale “Sharri”.
Banorët shprehen se krahas ujit të pijshëm, në këtë lagje mungon edhe rrjeti i kanalizimit fekal dhe atmoseferik. Sipas banorëve, erë e rëndë kundërmon sidomos gjatë stinës së verës. Ata kërkojnë që edhe ky problem të merret parasysh nga autoritetet lokale. “Besojmë se problemi me ujin e pijshëm do të zgjidhet, ndërsa është një problem tjetër. Këtu tërë kanalizimi përfundon në oborrin tim. Para shtëpisë sime vjen erë e rëndë sepse ka një rrjet kanalizimi i parregulluar dhe i tërë uji i kanalizimeve prej lart kalon përmes shtëpisë time. Kemi bërë kërkesë, nuk është bërë asgjë. Ne i paguajmë faturat, por problemi nuk zgjidhet. Jemi mirënjohës për ujin por kanalizimi është shumë problem për neve”, thotë një mërgimtar.
Për shkak të poztës gjeografike, kjo lagje gjithmonë ka patur probleme me ujin e pijshëm, kanalizimin dhe mungesë të infrastrukturës së mirëfilltë. Nga Ndërmarrja Publike Komunale “Sharri” shpresojnë se përfundimisht problemi me ujin e pijshëm në këtë lagje do të zgjidhet, ndërsa kyçja në rrjetin e ri të ujësjellësit dhe vendosja e ujëmatësve do të vazhdojë edhe në lagjet tjera.
TV KOHA
Lajme nga vendi
Zëvendësministri Iseni dhe ambasadori francez De Rigoler në hapjen e trajnimit mbi luftën kundër shfrytëzimit dhe trafikimit të qenieve njerëzore
Zëvendësministri i Punëve të Brendshme, Astrit Iseni, sot, në Qendrën e Trajnimit – Idrizovë, hapi trajnimin mbi luftën kundër shfrytëzimit dhe trafikimit të qenieve njerëzore, në të cilin marrin pjesë 12 nëpunës policorë dhe prokurorë publikë. Trajnimi do të realizohet në periudhën nga 9 deri më 12 shkurt, informuar nga Ministria e Punëve të Brendshme.
Në fjalimin e tij, Iseni theksoi se trafikimi i qenieve njerëzore dhe shfrytëzimi janë disa nga format më serioze të krimit të organizuar, të cilat shkelin rëndë të drejtat e njeriut dhe dinjitetin e viktimave, duke theksuar se nevojitet një qasje e integruar dhe e koordinuar institucionale për parandalimin, zbulimin dhe sanksionimin efektiv të tyre.
Ai theksoi se trajnimi synon të ofrojë njohuri praktike dhe mjete për njohjen e treguesve të këtyre krimeve, veprimin e saktë në rastet e dyshimit dhe mbrojtjen dhe mbështetjen në kohë të viktimave, si dhe promovimin e bashkëpunimit ndërmjet policisë, gjykatave dhe prokurorëve.
Në këtë ngjarje morën pjesë edhe ambasadori i Republikës së Francës në Shkup, Kristof De Rigoler, si dhe drejtoresha e Akademisë së Gjykatësve dhe Prokurorëve Publikë, Irina Strezoski.
Iseni shprehu mirënjohjen e tij ndaj Ambasadës së Francës për mbështetjen dhe bashkëpunimin e saj të gjatë në forcimin e kapaciteteve të nëpunësve policorë.
Lajme nga vendi
Aksident në pikën kufitare Bllacë: Autobusi nga Kosova përplaset me kabinën, policia ndalon shoferin
Një aksident i pazakontë është regjistruar pak para mesnatës në pikën kufitare të Bllacës. Më datë 08.02.2026, rreth orës 23:55, në Sektorin e Punëve të Brendshme Shkup është denoncuar se në vendkalimin kufitar “Bllacë e Poshtme”, gjatë daljes nga shteti, shtetasi I.F. (40 vjeç) nga Republika e Kosovës ka humbur kontrollin mbi autobusin me targa të Kosovës dhe është përplasur me një kabinë.
Në vendin e ngjarjes ka kryer këqyrjen ekipi i SPB Shkup. Si pasojë e këtij incidenti, shtetasit I.F. nuk i është lejuar dalja nga shteti, ndërsa policia i ka sekuestruar dokumentet për procedura të mëtejshme ligjore.
Lajme nga vendi
Mexhiti: Me unifikimin e VLEN-it, krijojmë forcën e vetme me shtrirje në gjithë vendin
Kryetari i Lëvizjes Demokratike, Izet Mexhiti, zhvilloi një takim me strukturat e Lëvizjes Demokratike–VLEN në fshatin Kamjan, Komuna e Bogovinës, në një atmosferë të jashtëzakonshme dhe me pjesëmarrje të gjerë të të rinjve, Forumit të Grave dhe profesionistëve.
Duke përgëzuar strukturat për fitoren e madhe në zgjedhjet lokale, Mexhiti theksoi se fuqizimi i Lëvizjes Demokratike është fuqizim i drejtpërdrejtë i VLEN-it. Sipas tij, unifikimi i VLEN-it në një subjekt të vetëm politik po e shndërron këtë koalicion në forcë të vetme politike me shtrirje në të gjithë territorin e vendit.
Ai nënvizoi se organizimi nga baza dhe konsolidimi i strukturave në terren janë faktorë kyç që e dallojnë VLEN-in nga opozita, duke e pozicionuar atë si alternativë serioze dhe me ndikim real në nivel shtetëror, ku qytetari shqiptar mbetet prioriteti kryesor.
Zëvendësministri Iseni dhe ambasadori francez De Rigoler në hapjen e trajnimit mbi luftën kundër shfrytëzimit dhe trafikimit të qenieve njerëzore
Aksident në pikën kufitare Bllacë: Autobusi nga Kosova përplaset me kabinën, policia ndalon shoferin
Mexhiti: Me unifikimin e VLEN-it, krijojmë forcën e vetme me shtrirje në gjithë vendin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
